Ɉeremi 30:10 - Yálá laawoo hɛɓɛ (dc)

¹⁰ Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Yálá laawoo hɛɓɛ

¹⁰ Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Bible

¹⁰ M̀ɛni ma, ŋánua, káfe yào. Káai a Eezuɛ-ƃelai kálii fé kpɛ̃̀liŋ kákoi. Ŋa pâi káŋuŋ-maa ƃôi ká kúla ǹɔii kôyaai tí su, ǹɔii nyíi kákaa zu a kɔ-sôŋ-ŋai. Ka pâi lenêi pôlu kálɔii su kásee naa lii-see su. Ka pâi kɛ̂i a káŋuŋ maa ƃóɔɔ, núu da fé pâi ká maa yaôi.

Ɉeremi 30:10 Iomraidhean Croise

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Azaya 14:3

Ɲələi Yai-Laa kaa pai hvitɔɔ yɛnɛ̨ɛ̨ tɛɛi la ə pɔ, ə́ wɔ mɔ̨nɔ̨ɠaai da ə́ wɔ hviikpɛɛɠaai pulu, da nuwɔ laa ɲąąnwąnąąi ə kɛ ɉu, gəlee pulu,

Azaya 35:9

Nu da yala di hvo pai kwiɛn ɉii laa, lɔwɔ huwɔ kpəɠiɛ ta lɔpee hvo pai gɔwɔ hvilɛn ɉii mɛ̨i, di hvo pai da kaai laa; nuąi a Yai-Laa yee pɔ nuą, diɛ ɓə pai kɛi tɛɛi a bələi tii.

Azaya 43:5

Hvo ɲɔw, gáá ə́ pɔ, gáá pai ə́ lonnii kulɔi hvóló kulɔi pələ, gɛ́ pənə gɛ́ pa a diɛ, gɛ́ di həɠə hvóló tooi pələ, gɛ́ di ɲąąkpɔn.

Azaya 44:1

Kɛlaa, yiihu kɛa, Ɉakɔbə, ə́ wəli tɔɔ, yɛ́i a nwɔ́ tímun, Israɛlə, yɛ́i a nííɓamun!

Azaya 44:2

Mɛ̨nįi Yai-Laa ə mo, ya ka, yai a ə́ pɛlimun, yai ə́ pɛli ə́ too ə́ lee kwəi, yɛ kpɔnmąą tɛɛ ə́ pɔ, Ɉakɔbə, 'hvó ɲɔw, yɛ́i a nwɔ tímun, yɛ́i ə́ hutɔɔ, yɛ́i ŋį́ ə́ həɠə ɉu a nííɓa.

Azaya 46:11

Ɲą́ą́ ɓə ŋą́ kuwɔ́ təli, yɛ həɠə hvóló ɓɛlai bələ, yɛ pa, ŋą́ gwə́i mɛ̨nįɠaa ɲɛ̨i kulɔmun dəli, yɛ həɠə kpɔ kwɛala, mɛ̨nįi ŋį́ mo, gaa pai kɛi, mɛ̨nįi ŋą́ kili tee gwə́i, ŋį́ ɲąą yili, gáá pai ɲɛ̨i kulɔi.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 49:12

Di kaa pai; di kaa həɠəi kwɛaalaɠaa, daɠaa diɛ həɠə ɲələi pələ, da hvóló tooi pələ, dakpɛliɠaa diɛ həɠə Asuan lɔi hu pələ.

Azaya 49:25

Yai-Laa yɛ diɛ, gaa pai kɛi tii: di kaa pai kɔ́ kuláa nwɔ kɔ-hon kulɔi ɲəi, di kɛɛ kalamun ə ɉon, da nwun mąąɓo! Nui a hvaa pɛlɛ yɛ́, ɲą́ą́ ɓə pai vaa kɛi, ə́ lonnii di wɛi, ɲą́ą́ ɓə pai di ɓaloi.

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 23:4

Ɲą́ą́ Yai-Laa nwóó ka: «Gáá pai di ɲąąkɔn nuą tɛɛi di pɔ, di hva kɛa ɲɔw, di hva kɛa kɛ mɔ̨nɔ̨ hu, da hva kɛa pili ɉu.»

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Ɉeremi 23:8

Kɛlaa da kɛ diɛ: ‹Yai-Laa kaa a vulú, yai Israɛlə lonnii kulɔ ɲələi pələ lɔiɠaa hu, da lɔiɠaai kpɔ kɛ di taɠa taɠaa ɉu, diɛ di ɲąąkpɔn nwɔ lɔi hu.›»

Ɉeremi 29:11

Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Ɉeremi 29:14

Ɛlɛɛ, gáá pai nɛɛi laa, káá gáá. Ɲą́ą́ Yai-Laa nwóó li! Gáá pai pənəi ŋį́ ka kulɔ ɓɛɠaa kpɔ ŋą́ ka hutaɠa kaa li laa, ŋą́ ka ŋąąkpɔn, ŋą́ ka tɔɔ. Ɲą́ą́ Yai-Laa nwóó li! Ŋą́ pənə ŋį́ pa a kaa ɓɛi ŋą́ ka həɠə laa.

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 33:16

A mąą yələi tii, Ɉuda nwun mąą kaa pai ɓoi, Ɉerusalɛmə yɛ nwɔ yɛnɛ̨ɛ̨ kɛ liilaa hu. Naai di kaa pai kɛi dəlii la, ya ka, di kaa pai kɛi mą: ‹Yai-Laa kaa a gu wɔ tələnmolaa.›»

Izikiɛ 16:52

A kɛ ti 'hvaa mą nwumɛ̨ ə hee yɛ́, mąąhɔlɔɓo ə́ wɔ nɛ̨ŋɛ̨ŋaai ɲɔ̨nwɔ pələ tɛɛi ə́ leelonnii di wɛi ɓa. Di túwɔ pələ aa lɛlɛ aa tɛɛ yɛ́. Di tələnmoɔi di tɛɛ yɛ́.

Izikiɛ 38:11

Yɛ́ kɛ diɛ: Gáá lii ŋį́ wolo lɔi ta ɓa, mąą kɔnwɔ̨i hvo mą; gáá pai həəi nuą diɛ, di wəli pulu laɠia, di ɓo lii laa yɛnɛ̨ɛ̨ hu; hįi hvo di wɔ taa tai lɔpee ɓa, kpon və laa, naakpulu kwɛli hvo mą.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Osia 2:18

Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Osia 2:20

Kwa diɛni kwa mįnɛ̨ həɠə a mąą yələ, da lɔwɔ huwɔɠaa, da yələi nwɛ̨niɠaa, da talahuwɔɠaai. Kilɛn, kɔ́ kɔ́ ɓɔwa, da kɔ́, ŋą́ gəlee hu wolo; da hva kɛa kɛ nɔi, gɛ́ hvaa mą nɔi lonnii diɛ yíi lii laa hu

Osia 6:11

Yɛ́ kpɛli mąn Ɉuda, gáá mɔ̨nun mɔn ŋąą heei ə́ tɔwɔ, a ɲələi gáá pai nwɔ́ nuąi kulɔi la luwɔlaa hu.

Zooɛ 2:21

Lɔi! Hvo ɲɔw! Kwɛinɛ̨ɛ̨ kulɔ ə́ pili yələi a kwəinɛ̨ɛ̨. Mąąhɔlɔɓo, Yai-Laa aa mɛ̨nį kɛnɛ̨ kɛ.

Mise 4:9

Lə ɓə kɛ yai ə́ kaa tómąi yiihu? Tɔɔmun və kɛa ə́ pɔɔli? Ə́ liɛwoo ɓomun aa pili? Yai ə́ kaa mɔ̨nɔ̨ mįi la? Yɛ nɛ̨ɛ̨nui kwəinwąną kɛi?

Zakari 3:10

Yai-Laa Mɛ̨nį Kəlee ŋą Hééɓomun yɛi, Mąą yələ, ka káá pai ka keeni təlii dowələ wulu mu, da nwiɛ mu.»

Ɉaan 12:15

«Siɔn nɛ̨ɛ̨gbɛla! 'Hvo ɲɔw. Ə́ wɔ tɔɔmun ka ŋɛ̨i pai, ɉiɛ hoohvaalən non mɛ̨i.»