Ɉeremi 3:9 - Yálá laawoo hɛɓɛ (dc)

⁹ Nwɔ wɛli hon bələ a nąą mąą walawala, ə nɔi kɔ́hɔɓo. Yɛ li yɛ kwɛli hvilɛn kwɛniɠaa da wuluɠaa diɛ.

Yálá laawoo hɛɓɛ

⁹ Nwɔ wɛli hon bələ a nąą mąą walawala, ə nɔi kɔ́hɔɓo. Yɛ li yɛ kwɛli hvilɛn kwɛniɠaa da wuluɠaa diɛ.

Bible

⁹ Ŋɔwulu-wulu kɛ́ɛi fé kɛ́ ní ŋ̀ɛ́i a sɛŋ-da. M̀ɛni ma è ǹɔii maa tĩ̂a kàra a gɛɛ sɛŋ kɛ́ɛ yɛ̂ɛ kɔni-ŋa da wúru-ŋa fɛliɛɛ.

Ɉeremi 3:9 Iomraidhean Croise

Azaya 57:3

Ka wɛi, 'ka lɛɠɛɓɛ, dɔlu kpɛ nɛ̨ɛ̨nu lonnii, wɛli hon ɉilɛnu, da wɛlikɛnɛ̨ɛ̨nu di lon.

Azaya 57:6

Ɓoloon ɉu kwɛniɠaa, mąą lalaa kpɔlɔɔ kpɔlɔɔɠaa ɓə a ə́ liiɓa hɛn, ə́ wɛi li, diɛ kpɔ ɓaa a ə́ wɛi, a ə́ hɔlɔɓo hɛn! Diɛ ɓə ya di kɔ́ a lɔɔ, diɛ ɓə ya di kɔ́ a haláá hɛnŋąą! Ŋį́ pɛli nííɓa mɛ̨nį kaai ləi mɛ̨nįi tii hu?

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 2:27

Da kɛ wulu ɓa: «Ku nąn maa yɛ́!» Diɛ kɛ kwɛni ɓa: «Yɛ ɓə ku kulɔ yɛnɛ̨ɛ̨!» Ɲą́ą́ ŋɛ̨i nwɛi, di kpowolo la ɓə da ɉee mą́ą́, di hvo di ɲɛ̨i heei mą́ą́. Kɛlaa, yaa lɔ ɓaa mąąwɛli mɛ̨nį a həli diɛ, di woo laa mą́ą́: «Əkə! Nan! Ə muhəɠə, ə́ ku ɓalo!»

Ɉeremi 2:7

Ɲą́ą́ Yai-Laa, ŋą́ą́ pa a kaa lɔi lɛlɛɛ hu; kaa pɛli nɔi tɔ̨nɔ̨ kulɔi, kaa nɛlɛi kaa; Kɛlaa, pai ka mo laa nɔi, ka nwɔ́ lɔi tii kɔ́hɔɓo, ka gwɛ́lin nɔi tii kɛ a hɛn mąąliɓɛɛ.

Ɉeremi 3:2

Tinɛn dai ə́ ə́ ɲɛ̨i hee bələɠaa pɔ! Ə́ nąąɠaa kaa! Kɛɛnąą ta kaa mɔ̨ɔ̨ laa ɓɛi hvó túwɔ́ pələ ɲɔ̨n gulɔ li laa? Ə́ kɛi hee bələɠaa kwɛlɛ, yɛ́ nuą mąąkpɔn, yɛ bələi Arabə nuą da hee la nɔi pun ɉu. Yáá nɔi mąąliɓi a ə́ wɔ túwɔ́ pələ ɲɔ̨n, da ə́ yii pələ ɲɔ̨nwɔ̨ɔ̨.

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.

Izikiɛ 23:10

Lɛani di gbuwulu ɓo; di non ɉinąą da non nɛ̨ąą həɠə; yai ti nwɛi, di baa a kɔ́ kɔ́ ɓɔwa; ə kɛ a kɔ́ɔnmąą mɛlaa nɛ̨ąą ɲɛ̨i ɓa; yii ə gwɛli, di naa mą.

Izikiɛ 23:21

Yaa pənə yaa ə́ yee too wɛli mɛ̨nį hu, yɛ bələi ə́ kɛi gɛ la a ə́ kpɛla yələ; ɓɛlɔwai Eziptə nuą di kɛi ə́ ɲįnį yɔwɔɔn na; diɛ ə́ kpɛla ɲįnį hon.

Izikiɛ 23:3

Di lɔ wɛli honŋąą hu Eziptə lɔi hu, di lɛɛ tiikpə, di nwɛli honŋąąi ti kɔ́wɔtɔɔ; nąą ɓə di pələ kɛ laa a di kpɛla ɲįnį, di di kpɛla ɲįnį ɲɛ̨i paa.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Zooɛ 1:19

Yai-Laa yɛ́ ɓə gáá wɔlɔi yɛ́. Nwɔ̨n aa gbomoɠaa kələn Nwɔ̨n nən aa nwulu pɛlɛɛɠaa kələn.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!

Maafîu 5:32

Kɛlaa, nwɛ́i gáá moi kaa, nui lɔpee a nɛ̨ą kpɛ, akɛ nɛ̨ą hvo kɛ li a wɛli kɛmun, a kɛ tii a vilɛn wɛli honŋąą ɓa. Nɛ̨ɛ̨nu yii daa gbɛ, nui lɔpee a ɉəɠə a nɛ̨ą, mąą nui kaa a wɛli hon mun.»