Ɉeremi 3:22 - Yálá laawoo hɛɓɛ (dc)

²² 'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Yálá laawoo hɛɓɛ

²² 'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Bible

²² Ka tínaŋ ká pá Yâwɛɛ pɔ́ káai káfe teniŋ ƃô-nii, a pâi ká ƃâloi é kákɛ a teniŋ ƃô-ƃela. Ká mó kâai, “Oei, Yâwɛɛ, kwa pâi ípɔ, kpɛ́ni fêi, yá ƃé íkaa a Kúɣâlai.

Ɉeremi 3:22 Iomraidhean Croise

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Azaya 27:8

Ə di kiti tee, a di kpɛi ə mo, di kulɔ nɔi hu, ə di kpɛ a nɔ̨ɔ̨ hvaŋą, a gbooyee hu hvaŋą tɛɛi tɔ̨nɔ̨

Azaya 31:6

Israɛlə lonnii, nui kaa ka pulu tɔɔ mą a ɉu kwɛa, ka pənə ka pa bɔ.

Azaya 57:17

Israɛlə nwɔ wɛa mɛ̨nį ɲɔ̨nwɔ̨ pələ ɓə níí holi, ŋį́ gɛlɛ, ŋį́ búlu tínɛ̨n mą, níi hvoli kɛ, yaan, ə nwóó pili, yɛ hvilɛn niiɓa pələ mɛ̨i.

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Ɉeremi 4:1

Yai-Laa yɛ di: Israɛlə! Ya kɛ bɔ ə́ yali ə́ pului, ɲą́ą́ ɓə mąąnɛ̨ɛ̨ ə́ pa bɔ́. Akɛ, yá ə́ wɔ haliɠaai tii pili ɲɛ̨́i hvo kɛa tɔɔ mą́ą́, hvo kɛa pai həɠəi nííla a nwumɛ̨, yɛ́ ə́ loo mą́ą́.

Izikiɛ 18:30

Yili mąą mɛ̨nį ɓa, gáá pai ka tɛi tɛi ka kiti teei ka túwɔ pələ mąą mɛ̨nį ɓa, Israɛlə nwɔ pɛlɛ́i; ɲą́ą́ Mɛ̨nį kəlee ŋą Hééɓomun Yálá, nwóó li. Yili ɓa, 'ka pənə ka pa, 'ka ká pulu tinɛ̨n ka wɔ kulɔ nwoo mu laai ɓa, ɛlɛɛ, ɉɛn kɛi ka kalin yɛ ka too nɛ̨ŋɛ̨n ɉu, ka hvo nɛɛ ka lɔwai.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Osia 14:5

Gáá pai di ɓaloi di wɔ pulu kulɔ mɛ̨nįi tii yəi, gɛ́ di wɛlilakɛ gwə́i tɔ̨nɔ̨ mɛ̨i, ŋą́ą́ nwɔ́ lííholii həɠə di mɛ̨i.

Osia 14:8

Nuąi kɛi hee nįnįn mu, di kaa pai yalii di pulu diɛ pa, mɔ̨nin yɛ pənə yɛ lɛlɛ diɛ, diɛ powa yɛ viɲə wulu, di laa a tɛ yɛ Liban lɔɔ.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»