Ɉeremi 29:26 - Yálá laawoo hɛɓɛ (dc)

²⁶ «Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Yálá laawoo hɛɓɛ

²⁶ «Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Bible

²⁶ “Zɛfɛnaya, Yâwɛɛ a íkɛ a sâla láa-soŋ-nuu Zioada pɔ́ɔ ŋá. Yá ƃé íkaa Yâwɛɛ Ŋɔpɛ́rɛi mɛi. Ye ƃoo-nuu nyíi kélee a tûa yɛ̂ɛ Ɣâla ŋɔlóno kɛ́-nuui sóŋ. Ǹyée-kwana ɣíri, í doo kpɔnɔ ŋá, í kɔli-yɔlɛ kɛ́tɛ tóo gɔŋ ma.

Ɉeremi 29:26 Iomraidhean Croise

Tɔɔɓɛlaa veelɛ 11:15

Kɛlaa, ɉaláá laa həli mun Yohoyada ə mo guláá nwun nąmu ɓa, yɛ mą: «Ka ɉon ka gulɔ Yai-Laa yəi bɛlɛ́n, ɛlɛɛ, nui a hvilɛ bulu, ka mąą nu paa. Mąą hvo nɛ̨ɛ̨li di hvo baa, yai-Laa yəi bɛlɛ́n.»

Tɔɔɓɛlaa veelɛ 11:18

Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.

Tɔɔɓɛlaa veelɛ 9:11

Ɉehu ə kulɔ ə li tɔɔmun nwɔ tínuąi pɔ, yiliɠaa diɛ mą: «Gu mɛ̨n nąą bələ! Lə mɛ̨nį ɓə mowomun ə paa la ə́ pɔ?» Ɉehu yɛ diɛ: «Kaa kpinįi ka nui kɔ́lɔn, da nwoo tɔ̨nɔ̨i lɔ gaa na!»

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Kɔlɔnikɔ Veerɛi 18:26

'Ka mo diɛ, di nui ŋɛ̨i too gaho ŋą, 'kaa gɔ̨nɔ̨n gɔwɔn kpɔlɔɔ tiikpə, a lɛɠɛ logolo da yá kpɛli-kpɛli, ə lɛɛ ɉu, ŋį́ pənə, ŋį́ pa nɛ̨ŋɛ̨kpɛlɛɛ.»

Ɉeremi 29:27

Akɛti, lə mɛ̨nį ɓa hvo kɛ haɠa li Anatotə mun Ɉeremi ɓa, yai gaa Yálá kwəi mɛ̨nį hukulɔi ka lɔwai.

Ɉeremi 38:28

Ɉeremi ɛlɛɛ dɔɔ kwəli mąąkpɛ nuą yəi gwəlii, ə lɛɛ ɉu di Ɉerusalɛmə hon.

Ɉeremi 38:6

Di Ɉeremi hon, də li di bili tɔɔmun non Malkiya nwɔ yálɔwai hu nwɔ̨nɔ̨, dɔɔ kwəli mąąkpɛ nuą yəi gwəlii. Di Ɉeremi yɛɛ ɉu a gɔ́tɔ́yɛli. Yá hvo kɛ ɲálɔwai tii hu, palayá lɔ ɓə kɛ ɉu. Ɉeremi ə yɛɛ balayá hu.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Maafîu 21:23

Jesus ə lɔ Yálá hee pɛlɛ́ mu yɛ nuą kalan. Ɉaláá laa həli nwun nąmįną da Ɉuifə hulɔgoloɠaa di lɛɠɛ Jesus ɓa diɛ mą: «Mɛ̨nįɠaa ŋɛ̨i ə́ kaa gɛi, gbɛɛ ɓə mąąlaa tɛɛ ə́ pɔ?»

Markə 3:21

Yii kɛa ɲei bɛlɛ́n nuą di mąą mɛ̨nį bələ mɛ̨n, di hvilɛn bulu, əgɛ, di ɉon də li la bɛlɛ́ laaləi. Mąąhɔlɔɓo, di kɛi kɛ diɛ: «Ɉu aa pu mą.»

Ɉaan 10:20

Daɠaa diɛ kɛ mą: «Ɲįnɛ̨n gaa bulu, ə lɛɛ, aa ɓowo; lə mɛ̨nį ɓa ka káá ka wəli tɔɔi nwoo ɓa?»

Ɉaan 10:33

Ɉuifəɠaa di nwoo pulu pənə diɛ mą: «Mɛ̨nį lɛlɛɛɠaai yaa gɛ mąą mɛ̨nį hvəə ku kaa ə́ hɔɔi la. Ku kaa ə́ hɔɔi, mąąhɔlɔɓo, yaa Yálá mąątea woo ɓo; ə lɛɛ, yai ŋɛ̨i ə́ kaa a nu, yɛ kɛ diɛ: Yálá ɓaa yɛ. Mɛ̨nį ku kaa bɔ ku ə́ hɔɔ la, yaa li.»

Ɉaan 8:53

Ku kalaɓɔlɔ Abrahamə aa haa, gaa ə́ kwəi ə́ pɔlɔ-pɔlɔɔi ə́ tɛɛ mą? Yálá kwəi mɛ̨nį hukulɔ nuą kpɛli mąn daa haa, ə́ kaa ə́ kpɔɔ kaai yɛ gbɛɛ?»

Gɛlaɠaa 16:24

Yii kɛa di mo ti mą, ə di lɔ kpɔ gaho pɛlɛ́ kpon ɲą pələ; di di kɔ́wɔ lɔ kpɔnɔ̨ hu.

Gɛlaɠaa 26:11

Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Gɛlaɠaa 26:24

Polə ə lɛɛ lɔ nwoo hukulɔi, Fɛstusə ə bələ hon na, ə tomą kpɔ a nwoo kɛnɛ̨, yɛ mą: «Polə, ɓowo ɓə yáá mo? Nakwəli kɛnɛ̨i ŋɛ̨i ə́ gɛi, yɛ ə ə́ ɓowo?»

Gɛlaɠaa 26:25

Polə ə nwoo ɲąąpənə, yɛ mą: «Ŋą́ mɛ̨nį nąmu Fɛstusə! Və́ ɓowo li, nwooɠaa ŋɛ̨i gáá moi, gaa a tɛ̨ą, ɓowo woo hvəli.

Gɛlaɠaa 4:1

Piɛrə da Ɉaan di lɛɛ lɔ pələ ɓoi nuą diɛ, nąąlɔwai, ɉaláá laa həli nuą, da Yálá hee pɛlɛ́ ɲąąwooɓomun, ə mą kɛ da Sadusiɛ̨ɠaa di pa di pɔ.

Gɛlaɠaa 5:18

Di gɛlaɠaai hon nu kəlee ɲɛ̨i ɓa, di di too gaho ŋą.

Gɛlaɠaa 5:24

Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?

Korɛntə veelɛ 11:33

Kɛlaa, di ɉéé kpɔlɔ hu, di dɛɛ pɛlɛ́ ta vinɛɛtɛlɛ la, di ɲɛ́ɛ́ ɉį́i pulu pələ, ŋą́ kulɔ ɲee ɲą.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.