Ɉeremi 29:10 - Yálá laawoo hɛɓɛ (dc)

¹⁰ «Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Yálá laawoo hɛɓɛ

¹⁰ «Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Bible

¹⁰ Yâwɛɛ è mò ǹyɛɛ, “À kɛ̀ Babelɔŋ a gɛ̀ ká mɛi a kóraŋ buu lɔ́ɔlu mɛi feerɛ, gɛ̀ ní ká malôŋ a pâi ńzoniî ŋákono-teei kíli a pâi toôi ŋá, ŋá pá a káa pôlu ká pɔ́-taai.

Ɉeremi 29:10 Iomraidhean Croise

Kɔlɔnikɔ Veerɛi 36:21

Bələ ɓə, nwoo ŋɛ̨i Yai-Laa ə mo Ɉeremi laaləi, naa ə hon na; a yaai ə kɛ mą: «Ə lɛɛ ɉu nɔi ə vįitɔɔ a vįitɔɔ yələ, diɛ vįitɔɔ yələ pɔ mɛ̨nį kɛ di wɔɔ mąąwɛli hvólóɠaa kəlee yee mu, yaai gəlee pɛlɛɛ gee ɓa gaa a kwɛlan bow mɛ̨ihveelɛi.»

Kɔlɔnikɔ Veerɛi 36:22

Ya ɓə, Pɛrsə tɔɔmun Sirusə ŋą tɔɔlaa gwɛlan dɔlɔɔ yee mu, əgɛ mɛ̨nįi ŋɛ̨i Yai-Laa ə mo Ɉeremi laaləi, naa ə hon, Yai-Laa ə Pɛrsə tɔɔmun Sirusə kiliŋą pɔ̨nɔ̨, əgɛ, di bɛ̨ɛ̨ a hɛɓɛ́, di nolo ɓo, ɓɛi kpɔ ŋą tɔɔlaa ə həli laa, diɛ mą:

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Mąątɛ̨nɛ̨ 102:14

Ə́ kaa pai Ə́ muhəɠəi, Siɔn taa wɛli ɓa. Mąąwɛli kaa yələ aa həli, a tɛ̨ą, ɲələ aa ɉəli!

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 25:12

«Gwɛlan bow mɛ̨ihveelɛi tii a tɛɛ, ŋį́ hee Babilonə tɔɔmun ɉu, di wɔ túwɔ́ pələ ɲɔ̨n mąą mɛ̨nį ɓa. Ŋą́ hee Kalde lɔi hu. Ɲą́ą́ Yai-Laa nwóó li! Ŋą́ nąą mąą pənə a lɔi pun a yələ kəlee.

Ɉeremi 27:22

«Di kaa pai lii a diɛ Babilonə diɛ lɛɛ laa, ɛlɛɛ ɉu ɲą́ą́ gbį́nįi ŋą́ di mąą mɛ̨nį ɲɛ̨i kulɔ, ɲələi tii ɓə ŋą́ di həɠə la laa gɛ́ pənə gɛ́ pa a diɛ gɛɛnąąi ŋɛ̨i ɓa.»

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 29:28

Ká hɛɓɛ́ tɛɛ hɔlɔɔ ɓɛ kuɔ Babilonə, yɛ kɛ diɛ: Ku kaa pai lamui ɓɛ, ku pɛlɛ́ɠaa tɔɔ, ku tííɠaa kɛ ku má mįi.»

Ɉeremi 29:32

Yili mąą mɛ̨nį ɓa, ɲą́ą́ Yai-Laa, gáá ɲéé pɛlɛi Nehelamə mun Semaya ɓa, da ɉuwu kəlee. Di ta lɔpee hvo pai ɉeei hɔlɔɓoi nuą ŋɛ̨i lɔwai, di ɲɛ̨i hva tɔɔ mɛ̨nį lɛlɛɛɠaa gáá pai gɛi nwɔ́ nuą diɛ, da ɓa. Mąąhɔlɔɓo, ə nuą ɲąątɔɔ, diɛ kulɔ Yai-Laa woo mu. Yai-Laa woo li!›»

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 33:14

Yai-Laa yɛ diɛ: «Hvolóɠaa kaa pai pai, mɛ̨nįi ŋą́ naakwɛlanmo Israɛlə nwɔ pɛlɛ́i ɓa da Ɉuda nwɔ pɛlɛ́i, gɛ́ bɔ mɛ̨nį kɛ.

Izikiɛ 11:17

'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Zakari 1:12

Yai-Laa nwɔ malaka ə bulu pənə, yɛ diɛ: «Yai-Laa Mɛ̨nį Kəlee ŋą Hééɓomun, mįnɛ̨ lɔwai ɓə ə́ kaa mąąkpɔn ɉii, Yɛ́ tɛɠa pa Ɉerusalɛmə da Ɉuda taaɠaa ɲɛ̨imąąwɛli kaai? Yaa ə́ liiholi di pɔ, aa kɛ kɛa a kwɛlan bow mɛ̨ihveelɛ.»

Zakari 7:5

'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Rutə 1:6

Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.