Ɉeremi 29:1 - Yálá laawoo hɛɓɛ (dc)

¹ Yálá kwəi mɛ̨nį hukulɔ mun Ɉeremi ə lɛɛ Ɉerusalɛmə, ə hɛɓɛ́ tɔɔ galanɉonŋaai kɛ gɔ luwɔɠaa lɔwai diɛ, da ɉaláá laa həli nuą, ə mą kɛ, Yálá kwəi mɛ̨nį hukulɔ nuą, da nɔi lonnii kəlee, diɛi kpɔ Nabukodonosorə ə di kulɔ Ɉerusalɛmə yɛ li a diɛ Babilonə.

Yálá laawoo hɛɓɛ

¹ Yálá kwəi mɛ̨nį hukulɔ mun Ɉeremi ə lɛɛ Ɉerusalɛmə, ə hɛɓɛ́ tɔɔ galanɉonŋaai kɛ gɔ luwɔɠaa lɔwai diɛ, da ɉaláá laa həli nuą, ə mą kɛ, Yálá kwəi mɛ̨nį hukulɔ nuą, da nɔi lonnii kəlee, diɛi kpɔ Nabukodonosorə ə di kulɔ Ɉerusalɛmə yɛ li a diɛ Babilonə.

Bible

¹ Zɛlemaya è kɔlɔ tɛ̂ɛ zâla láa-soŋ-ƃelai, Ɣâla ŋɔlóno kɛ́-ƃelai, ǹúu láa túɛ-ƃelai da ǹûai kélee pɔ́ naa nyíi-ŋai Nɛbukinaza è dí sòŋ a kɔ-sôŋ-ŋa Zerusâlɛŋ é lí a dia Babelɔŋ.

Ɉeremi 29:1 Iomraidhean Croise

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Ɉeremi 28:17

Yálá kwəi mɛ̨nį hukulɔ mun Hanania ə haa a gwɛlan nwɔ ɲąnin mɛ̨ihveelɛ lɔwai.

Ɉeremi 28:4

ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Ɉeremi 29:20

«Kaa ŋɛ̨i mąąkilɛ lɔi hu, kaai ŋį́ ka kulɔ Ɉerusalɛmə daai, gɛ́ ka tɛɛ Babilonə, ka ka wəli tɔɔ Yai-Laa woo ɓa.

Ɉeremi 29:8

«Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Ká hvo nɛɛ laa, nuąi di kaa ka lɔwai, diɛ kɛ di kaa Yálá kwəi mɛ̨nį hukulɔi, da dɔlukpɛ nuą di hvo ka ɓowo, ɛlɛɛ, ka hvo ka kilitɔɔ ka wɔ hįi wooɠaa diɛ.

Ɉeremi 51:61

Ɉeremi yɛ Seraya ɓa; yá pa həlii Babilonə, yá nąą kaa, nwooɠaa ŋɛ̨i kəlee ɓo.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Korɛntə veelɛ 7:8

A tɛ̨ą, ə mą kɛ, ŋą́ hɛɓɛ́i hu woo ə ká liikələn ká kwəi, yili niihɛlɛn və mą́ą́. Ɛlɛɛ, ə mą kɛ nwɔ̨nɔ̨, ŋą́ niihɛlɛn ɉeei, ɉɛɓɛ́i tii hu woo, ə nwąną lɔ káá a lɔwai logolo.

Galatə 6:11

Ɉɛɓɛ́ kɔ́w kpɛa-kpɛaai ŋɛ̨i, ká gaai, ɲą́ą́ gbínįi ɓə bɛ̨ɛ̨ a gbɔ́kpɔɔ yee.

Hebreu 13:22

Ną́n nonnii, gáá ɉuhvɛlii káá, gɛ́, niɛwoo ŋɛ̨i, 'ká ká yee hee mu! Hɔlɔɔmun, nwooi ŋą́ mo káá, ɉu hvo kwɛa li.