Ɉeremi 28:4 - Yálá laawoo hɛɓɛ (dc)

⁴ ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Yálá laawoo hɛɓɛ

⁴ ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Bible

⁴ Ŋa pâi pâi a Zuda kaloŋ Zɛoasiŋ pôlu nyíi gáa a Zɛoakiŋ ǹóŋ é pɛ́lɛ Zuda-ƃelai kpéli-ŋai kélee dîa nyii-ŋai Babelɔŋ kaloŋ è wɔ́lɔ lì a dia Babelɔŋ, ŋá ǹiŋa kɔŋ-ma karaŋ kúla díkɔŋ mâ nyíi Babelɔŋ kaloŋ è dòo díkɔŋ mai.’ ”

Ɉeremi 28:4 Iomraidhean Croise

Zɛnɛse 27:40

Kulaalaa lɔ ɓə yá ə́ wɔ yɛnɛ̨ɛ̨ kɛ ɉu, yá kɛ a ə́ ləɠə nwɔ tímun, Kɛlaa yələ ta, ə́ kaa pai tɔi a ə́ nwąnąi ə́ kulɔ ɲee mu.»

Tɔɔɓɛlaa veelɛ 24:14

Nabukodonosorə ə li a Ɉerusalɛmə nuą kəlee luwɔlaa hu. Nąą kpɛa kpɛa nąmįną kəlee, da galanɉonŋąą kəlee di pɛlɛɛ di kee ɓa di kɛ a: nu waa pow. Ə mą kɛ gwɛli yɔw nuą da ɲɛlɛ kɛ nuą kəlee; tíi kɛ nuą lɔ ɓə di di lɛɛ laa.

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

Ɉeremi 13:19

Daa ɉɛɠɛɛ pələ taaɠaa kəlee gbon naa kpulu, nu ta hvo pai naa ɓoi, daa li a Ɉuda nuą kəlee kpɔ tɛ̨ɛ̨tɛ̨ɛ̨ luwɔlaa hu, dɔ̨nɔ̨ kpɛli hvo lɛɛ li.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Ɉeremi 22:10

Nui a haa, ka hvo ɉaa wɔlɔ ɓo, ka hvo haa mɛ̨nį ta kɛ mą; kɛlaa nui lii luwɔlaa hu, ka nwɔlɔ ɓo; Mąąhɔlɔɓo, hva kɛa pənə hvo ɲɛ̨i tɔɔ gaa lɔi ɓa.

Ɉeremi 22:24

Yii kpɔ gáá a vúlú, Yai-Laa woo li; «Ə mą kɛ Yoyakimə lon Koniahu Ɉuda tɔɔmun gaa ɲéé ɓa, gɛ́ gɔ́lɔ́n bɔɔ lɛɛ la gɛ́ mɛ̨nįɠaa kəlee hu, gáá pai gulɔi ɲéé ɓa.

Ɉeremi 24:1

Yai-Laa ə ɓɔ́láá ɓá kpili hveelɛ lɛ mą́ą́, di heɛ di kee kwɛlɛ Yai-Laa yəi bɛlɛ́ laaləi. Nąąlɔwai, Babilonə tɔɔmun Nabukodonosorə aa kɛ Yoyakimə lon Yekonia, yai kɛ a Ɉuda tɔɔmun, ɉon Ɉerusalɛmə daai, da Ɉuda nɔi nwun nąmįną, ə mą kɛ, da galanɉonŋaa, da gwɛli yɔw nuą ə li a diɛ Babilonə.

Ɉeremi 24:5

«Yai-Laa Israɛlə nwɔ Yálá woo ka, yɛ diɛ: Bələi lɔ da di ɲɛ̨i hee la a nɛlɛɛ mɔ́láá ɓá lɛlɛɛɠaa ŋɛ̨i diɛ, bələ lɔ ɓə gáá pai ɲɛ̨́i lɛlɛɛ heei la Ɉuda kɔluwɔɠaa diɛ, diɛi tii ŋį́ di kpɛ gɛɛnąą ŋɛ̨i ɓa, diɛ li Kalde lɔi hu.

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 28:10

Nąąlɔwai, Yálá kwəi mɛ̨nį hukulɔ mun Hanania, ə Yálá kwəi mɛ̨nį hukulɔ mun Ɉeremi kɔ́nma kponoi tii kulɔ, ə ɉu yali.

Ɉeremi 28:2

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: Gáá Babilonə tɔɔmun nwɔ kponoi hu yalii,

Ɉeremi 29:1

Yálá kwəi mɛ̨nį hukulɔ mun Ɉeremi ə lɛɛ Ɉerusalɛmə, ə hɛɓɛ́ tɔɔ galanɉonŋaai kɛ gɔ luwɔɠaa lɔwai diɛ, da ɉaláá laa həli nuą, ə mą kɛ, Yálá kwəi mɛ̨nį hukulɔ nuą, da nɔi lonnii kəlee, diɛi kpɔ Nabukodonosorə ə di kulɔ Ɉerusalɛmə yɛ li a diɛ Babilonə.

Ɉeremi 29:2

Yálá ə kɛti! Tɔɔmun Yekonia, da tɔɔmun nee, bɛlɛɛ dɔɔ kwəlii nuą, da Ɉuda lɔi, ɛlɛɛ, Ɉerusalɛmə taa nu kpɛa kpɛaa, gwɛliyɔw nuą, da ɲɛ̨lɛkɛ nuą, daa gbɛa kɛ kulɔ Ɉerusalɛmə daai.

Ɉeremi 30:8

Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.

Levetekɔ 26:13

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə nuą di wɔ lɔi hu, diɛi ka kɛ di yəi a luwɔɠaa. Ɲą́ą́ ɓə nuwɔlaa kpɔnɔ̨i tii kulɔ ka nwun ma, gɛ́ gɛ kaa hiɛ a ka nwun muhəɠɛɛ.

Nahumə 1:13

Yiihu kɛa, diɛ̨i kɛ ə́ nwuɔ̨, ŋą́ą́ ɉəɠə laa, ŋą́ą́ ə́ wɔ yɔwɔnŋaai tee.»