Ɉeremi 27:7 - Yálá laawoo hɛɓɛ (dc)

⁷ Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Yálá laawoo hɛɓɛ

⁷ Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Bible

⁷ Ǹɔii-ŋuŋ-ŋai kélee da pâi tíi kɛ̂i Nɛbukinaza da ǹônii díwɔ̂ lònii dîɛ. À kɛ̀ tí, tãi a pâi pâi a gɛɛ núu da é Babelɔŋ yée mɛi ɣále. À kɛ̀ tí, lɔii-ŋuŋ támaa da kâloŋ kpaya-kpaya támaa da pâi Babelɔŋ kɛ̂i a díyee ŋá-ƃela.

Ɉeremi 27:7 Iomraidhean Croise

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Azaya 13:1

Mɛ̨nįi kponąąi Amɔsə lon Esai ə gaa, yɛ hvilɛn na Babilonə ɓa, 'ka mo mą, kaa mą:

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Ɉeremi 27:22

«Di kaa pai lii a diɛ Babilonə diɛ lɛɛ laa, ɛlɛɛ ɉu ɲą́ą́ gbį́nįi ŋą́ di mąą mɛ̨nį ɲɛ̨i kulɔ, ɲələi tii ɓə ŋą́ di həɠə la laa gɛ́ pənə gɛ́ pa a diɛ gɛɛnąąi ŋɛ̨i ɓa.»

Ɉeremi 34:1

Ɓɛlɔwai Nabukodonosorə Babilonə tɔɔmun, nwɔ kɔlaɠai, da yɛnɛ̨ɛ̨ tɔɔɓɛlaai kpɔ nwɔ heeɓolaa ə kɛ di mɛ̨i, da nuąi daa kɛ kɔ́ pɛlɛ Ɉerusalɛmə ɓa, da gwɛlɛ taaɠaa kəlee, nwooi ŋɛ̨i ə həɠə Yai-Laa pɔ, yɛ həli Ɉeremi ɓa, yɛ kɛ mą:

Ɉeremi 44:30

Ɲą́ą́ Yai-Laa nwóó li, gɛ́ diɛ: Gáá Eziptə tɔɔmun Hofra kwɛlɛi ɲowoɠaa diɛ, ɲowoɠaai diɛ di baa; yɛ bələi ŋą́ gɛ la a Ɉuda tɔɔmun Sedesiasə. Ŋą́ gwɛlɛ ɲowo Babilonə tɔɔmun Nabukodonosorə ɓa, yii kɛi gwɛli baa mɛ̨nį ɓa.»

Ɉeremi 46:13

Nwooi Yai-Laa ə mo gwəi mɛ̨nį hukulɔ mun Ɉeremi ɓa, ya ka, yɛ mą: Babilonə tɔɔmun Nabukodonosorə kaa pai pai, ə Eziptə lɔi kɛlɛ:

Ɉeremi 52:31

Ɉuda tɔɔmun Yoyakimə nwɔ tɔɔlaa gwɛlan bow haaɓa gɔw mɛ̨ihveelɛ yələ, ɲąnin bow kɔ́w hveelɛnąą nwɔ hvóló pow hveelɛ kɔ́w lɔɔli yələ, Ewilə-Merodakə, yai kɛ a Babilonə tɔɔmun; gwɛlan nɔ ə dɔɔlaa hɔlɔɓo la, ə Ɉuda tɔɔmun Yoyakimə mąąwɛli kaa, ə mo di gulɔ gaho ŋą.

Izikiɛ 30:24

Kɛlaa, gáá pai Babilonə tɔɔmun ɲee huwala walai, gɛ́ nwɔ́ kɔ́ kɔ́ ɓɔwai lɔ ɲee ŋą. Gáá pai Faraɔn yeeɠaa yalii, yɛ ɲiŋɛ yɛ nui daa ɉaɠa baa pələ pɔ.

Danîa 2:37

«Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.

Habakukə 2:7

Nuąi di wɔ kwələ kaa kaa, di kaa pai ka hon ɉi ka kwaną ka mąą yɛ kpɛlin, diɛ kpɛli mąn di kaa pai tooi ka mɛ̨i.

Habakukə 2:8

Kaa nuą tamąą mąą kpoloon, yaan nu huwu takpɛliɠaa kaa pai ka mąą kpoloon ɉi. Nu ɲąmąi tii ka bu, ɛlɛɛ, nwąnąlɔ túwɔ́ tii ka mo a lɔiɠaa laa, taaɠaa laa, da di hu nuą mąą mɛ̨nį ɓa.

M̀ɛni-lɛɛi 14:8

Ɛlɛɛ, malaka veelɛnąą, ə lɛɛ bulu, yɛ mą: «Aa too, aa too! Babilonə daa-lee kɛnɛ̨i aa too! A yai lɔɔ tɔɔ lɔi kəlee la, a nwɔ wɛlikɛ lɔɔ kpəɠiɛi.»

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.