Ɉeremi 27:6 - Yálá laawoo hɛɓɛ (dc)

⁶ Yii hu, ɲą́ą́ ɓə nɔiɠaai tii kəlee too nwɔ́ tímun Babilonə tɔɔmun Nabukodonosorə yee kɔ́nma, ə mą kɛ, nɔwɔ huwɔɠaa ɓə, gáá di tɛɛi bɔ, diɛ tí

Yálá laawoo hɛɓɛ

⁶ Yii hu, ɲą́ą́ ɓə nɔiɠaai tii kəlee too nwɔ́ tímun Babilonə tɔɔmun Nabukodonosorə yee kɔ́nma, ə mą kɛ, nɔwɔ huwɔɠaa ɓə, gáá di tɛɛi bɔ, diɛ tí

Bible

⁶ M̀ɛni ma, ŋâa nâa ǹɔii ŋí kélee tɛ́ɛ ńyee mu-nuui Nɛbukinaza pɔ́ nyíi gáa a Babelɔŋ kaloŋ. Ŋa pâi gɛ̂i vɛnɛ-sãai kélee dí díwoli tɔ́ɔ m̀a.

Ɉeremi 27:6 Iomraidhean Croise

Tɔɔɓɛlaa veelɛ 25:28

Ewilə-Merodakə ə kɛi hvaa Yoyakin pɔ a wɛlikɛ mąą laa, ə heei kɛnɛ̨ tɛɛ Yoyakin pɔ a ɲee muhəɠɛɛ ə tɛɛ dɔɔɓɛlaa kpɔ tii da diɛni di kɛ nuwɔ laa yɛnɛ̨ɛ̨ tɔ̨nɔ̨i tii hu di wɛiɠaa diɛ.

Kɔlɔnikɔ Veerɛi 36:23

«Pɛrsə tɔɔmun Sirusə woo ka, yɛ: Yələ kɔ́lɔn ɉu Yálá Yai-Laa, aa yɛnɛ̨ɛ̨ ɓɛ tɔɔlaaɠaa kəlee tɛɛ bɔ́! Ya ɓə, Yaa kpįnįi tii, yɛ, ŋį́ pɛlɛ́ tɔɔ mą Ɉerusalɛmə yai gaa Ɉuda lɔi hu. Ká nɛlɛ ɓə gaa a Ɲálái tii ŋą nu huwu ta? Gɛ́, nwɔɔ Yálái Yai-Laa ə lɛɛ bɔ, mąą nui ə tɛɛ ə li Ɉerusalɛmə daai!»

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 22:25

A tɛ̨ą ŋį́ ə́ too nuąi di hvilɛn ŋąą ə́ wɔ yɛnɛ̨ɛ̨ pulu, di yee kɔ́nma; a diɛi tii ə́ kaa ɲɔwi diɛ. Babilonə tɔɔmun Nabukodonosorə da Kalde nuą.

Ɉeremi 24:1

Yai-Laa ə ɓɔ́láá ɓá kpili hveelɛ lɛ mą́ą́, di heɛ di kee kwɛlɛ Yai-Laa yəi bɛlɛ́ laaləi. Nąąlɔwai, Babilonə tɔɔmun Nabukodonosorə aa kɛ Yoyakimə lon Yekonia, yai kɛ a Ɉuda tɔɔmun, ɉon Ɉerusalɛmə daai, da Ɉuda nɔi nwun nąmįną, ə mą kɛ, da galanɉonŋaa, da gwɛli yɔw nuą ə li a diɛ Babilonə.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 28:14

Ɉeremi yɛ mą: «Hvó gaai, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: ‹Kwɛli kpɔ̨nɔ̨ ɓə gáá lɔi kəlee tooi ŋą, diɛ lɛɛ Babilonə tɔɔmun Nabukodonosorə ye mu, di kaa pai tí mą, ə mą kɛ, lɔwɔ huwɔɠaa ɓə, gáá di lɛɛi ɲee kɔ́nma.›»

Ɉeremi 43:10

Yili pulu, yɛ diɛ: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Gáá wɛlɛɛ tɔɔi nwɔ́ tí mun Nabukodonosorə Babilonə tɔɔmun bulu, gáá nwɔ tɔɔ kpəlin hvilɛn ɉii, gwɛniɠaai ŋɛ̨i ə́ di lɔ ɓɛ di mɛ̨i, diɛ nwɔ tɔɔ wɛɛlɛi hɛlɛn mɛ̨i

Ɉeremi 49:30

Ka pa, ka tɛɛ a gilɛ, ka ka loo woloɠaa hu, Hasɔrə nuą; Yai-Laa woo li. Mąąhɔlɔɓo, Babilonə ə tɔɔmun Nabukodonosorə aa ka mąą kili tee gwəi, aa ka mąą nwun dɔɔ kɛ.

Izikiɛ 29:12

Gáá pai Eziptə lɔi kɛi a lɔi pun, lɔi punŋaa lɔwai, nwɔ taaɠaai da kɛ a taai nu hva kɛ ɉu taa kpoloonŋąą lɔwai, kwɛlan bow nąąn ɲee mu; ɛlɛɛ, gáá pai Eziptə nuą taɠa taɠai lɔiɠaa hu; gáá pai di taɠai lɔiɠaa lɔwai.

Izikiɛ 30:24

Kɛlaa, gáá pai Babilonə tɔɔmun ɲee huwala walai, gɛ́ nwɔ́ kɔ́ kɔ́ ɓɔwai lɔ ɲee ŋą. Gáá pai Faraɔn yeeɠaa yalii, yɛ ɲiŋɛ yɛ nui daa ɉaɠa baa pələ pɔ.

Danîa 4:12

Kɛlaa, ka nwun gbə lɛɛ laa da ɉamuɠaa, Ka di kpulɔn a kwɛli yɔwɔn, da ɓala kwɛli yɔwɔn, ka di kpulɔn lɔwɔi, kala hu, ə gɛ, luwuluwu tulɔ ə pu mą, da lɔwɔi huwɔɠaa di kɔ̨nɔ̨n ə kɛ a kala nwunu.

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.