Ɉeremi 27:22 - Yálá laawoo hɛɓɛ (dc)

²² «Di kaa pai lii a diɛ Babilonə diɛ lɛɛ laa, ɛlɛɛ ɉu ɲą́ą́ gbį́nįi ŋą́ di mąą mɛ̨nį ɲɛ̨i kulɔ, ɲələi tii ɓə ŋą́ di həɠə la laa gɛ́ pənə gɛ́ pa a diɛ gɛɛnąąi ŋɛ̨i ɓa.»

Yálá laawoo hɛɓɛ

²² «Di kaa pai lii a diɛ Babilonə diɛ lɛɛ laa, ɛlɛɛ ɉu ɲą́ą́ gbį́nįi ŋą́ di mąą mɛ̨nį ɲɛ̨i kulɔ, ɲələi tii ɓə ŋą́ di həɠə la laa gɛ́ pənə gɛ́ pa a diɛ gɛɛnąąi ŋɛ̨i ɓa.»

Bible

²² Da pâi liî a zãâi ŋí kélee Babelɔŋ dílɛɛ naa é lɛ́ɛ la zu ŋá lí dí kânai. À kɛ̀ tí, ŋa pâi pâi a dia pôlu, ŋá lí a dia pôlu ƃɛ́i díwɔ́lɔ kɛ̀ naai. Ńyãa Yâwɛɛ ƃé mò tí.”

Ɉeremi 27:22 Iomraidhean Croise

Tɔɔɓɛlaa veelɛ 25:13

Kalde kɔ́kulááɠaa di Yai-Laa nwɔ pɛli hɔlɔɔnŋąą huyali yali da ɉɛnŋaai kɛ di hvilɛn ŋąą di mɛ̨i, ɛlɛɛ, da ɉɛnɲąŋą kɛnɛ̨i a mala kwɛli ə ɓo Yai-Laa yəi bɛlɛ́n, di ɉəɠə də li la Babilonə lɔi hu.

Kɔlɔnikɔ Veerɛi 36:21

Bələ ɓə, nwoo ŋɛ̨i Yai-Laa ə mo Ɉeremi laaləi, naa ə hon na; a yaai ə kɛ mą: «Ə lɛɛ ɉu nɔi ə vįitɔɔ a vįitɔɔ yələ, diɛ vįitɔɔ yələ pɔ mɛ̨nį kɛ di wɔɔ mąąwɛli hvólóɠaa kəlee yee mu, yaai gəlee pɛlɛɛ gee ɓa gaa a kwɛlan bow mɛ̨ihveelɛi.»

Ɛsdrasə 1:11

Ɉɛnŋąą tii kəlee pɛlɛɛ gee ɓa, ə kɛ a hɛn ɲąŋą waa lɔɔli pulu nwun nąąn. Sɛsbasarə ə ɉɛnŋąą tii kəlee həɠə, ɓɛlɔwai di kɛi həɠə la Babilonə lɔi hu, diɛ di pulu pənə Ɉerusalɛmə daai.

Ɛsdrasə 7:19

Ɉɛnɲąŋąɠaai di kaa pai dɛɛi ə́ pɔ, ə́ wɔ Yálá nwɔ pɛ́lɛ́i mąą mɛ̨nį ɓa, ə́ yiliɠaai laa Yálá hee pɛlɛ́ mu Ɉerusalɛmə daai.

Ɛsdrasə 7:9

Yaan, ɲąnin dɔlɔɔ nwɔ hvóló tɔlɔɔ, di həɠə Babilonə, ɛlɛɛ ɲąnin nɔɔli nąą nwɔ hvóló dɔlɔɔ yələ ɓə di həli la Ɉerusalɛmə, mąąhɔlɔɓo, nwɔ Yálái yee ə kɛ di mɛ̨i.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Ɉeremi 20:5

Daai hɛnŋaa kəlee, da nwɔ kóló dɔlɔ kəlee, ɉɛn kpɔ daai a mąą mɛ̨nį nwąnąą, da Ɉuda tɔɔɓɛlaa di wɔ hɛn gɔw kəlee, gáá gəlee tɛɛi di yowoɠaa pɔ. Di kaa pai tooi ɉu, diɛ di yɛɠɛ, diɛ li a diɛ Babilonə.

Ɉeremi 27:21

Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka; yɛ hvilɛn na ɉɛn ɲąŋąɠaai kpɔ da lɛɛ Yálá hee pɛlɛ́ mu, da dɔɔ pɛlɛ́ mu da Ɉerusalɛmə daai diɛ.

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 32:5

Babilonə tɔɔmun gaa pai lii a Sedesiasə Babilonə, nąą ɓə gaa pai lɛɛi laa, əlɛɛɉu, ŋą́ mąą mɛ̨nį ɲɛ̨i kulɔ. Ɲą́ą́ Yai-Laa nwóó li! Ka mąn pa kɛ ka káá tɔɔi Kalde nuą la, ka yee hvo pai lɔi.›»

Ɉeremi 34:2

«Yai-Laa Israɛlə nwɔ Yálái nwoo ka, yɛ mą: 'Li ə́ mo Ɉuda tɔɔmun Sedesiasə ɓa, 'li ə́ mo mą, a ə́ nwąnąi, yɛ́ mą: Yai-Laa yɛ: Gaa pai daa ŋɛ̨i tooi Babilonə tɔɔmun ɲee kɔ́nma, gaa pai nwɔ̨n bilii ɉu.

Ɉeremi 34:3

Yɛ́ kpinįi, hvo pai kulɔi ɲəi, di kaa pai ə́ hon ɉii, di ə́ tɛɛ bɔ, yɛ́ ka Babilonə tɔɔmun, ka káá pai ka ɲɛ̨i kwəleen ɉeei gee ɓa, kaa pələ pili ka kee ɓa, ə́ kaa pai lii Babilonə.

Ɉeremi 34:5

Ə́ kaa pai haai liilaa hu, diɛ wulɔ kun nɛ̨ɛ̨ kələn ə́ mąą mɛ̨nį ɓa, yɛ bələi di gələn na, ə́ nanii kɛ ə́ tɔwɔ dɔɔlaa hu, di mąą mɛ̨nį hu. Di kaa pai ə́ haa wɔlɔ ɓoi, diɛ kɛ: Le mɛ̨nį ɲąąnwąnąą ɓəi Ną́mu! Ɲą́ą́ Yai-Laa, ɲą́ą́ ɓə mɛ̨nįi tii ɓoi.›»

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.