Ɉeremi 27:20 - Yálá laawoo hɛɓɛ (dc)

²⁰ Ɉɛnŋaai kpɔ Nabukodonosorə Babilonə tɔɔmun hvo di həɠə Ɉerusalɛmə, yɛ li a diɛ Babilonə, ɓɛlɔwai ə li la a Ɉuda tɔɔmun Yoyakimə lon Yekonia luwɔlaa hu, da Ɉuda ə lɛɛ da Ɉerusalɛmə nu kpɛa kpɛaɠaa kəlee.

Yálá laawoo hɛɓɛ

²⁰ Ɉɛnŋaai kpɔ Nabukodonosorə Babilonə tɔɔmun hvo di həɠə Ɉerusalɛmə, yɛ li a diɛ Babilonə, ɓɛlɔwai ə li la a Ɉuda tɔɔmun Yoyakimə lon Yekonia luwɔlaa hu, da Ɉuda ə lɛɛ da Ɉerusalɛmə nu kpɛa kpɛaɠaa kəlee.

Ɉeremi 27:20 Iomraidhean Croise

Tɔɔɓɛlaa veelɛ 24:12

Ɉuda tɔɔmun Yoyakin ə gbɔwɔ tɛɛ Babilonə tɔɔmun bɔ a kɔluwɔ. Yaa da nee, da nwɔ tínuą, nwɔ kalanɉonŋąą, da nwɔgbɛtɛgbuwuluɠaa. Babilonə tɔɔmun ə di hon a luwɔɠaa. Tɔɔmun Nabukodonosorə nwɔ tɔɔlaa gwɛlan mɛ̨ihaaɓa lɔwai li kɛ.

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Azaya 34:12

Nu kpɛa-kpɛa di hva kɛa tɔɔmun ɉee laa, ɲąąwooɓo kɛ nuą kəlee kaa pai kpɛɛi nɔi.

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Ɉeremi 24:1

Yai-Laa ə ɓɔ́láá ɓá kpili hveelɛ lɛ mą́ą́, di heɛ di kee kwɛlɛ Yai-Laa yəi bɛlɛ́ laaləi. Nąąlɔwai, Babilonə tɔɔmun Nabukodonosorə aa kɛ Yoyakimə lon Yekonia, yai kɛ a Ɉuda tɔɔmun, ɉon Ɉerusalɛmə daai, da Ɉuda nɔi nwun nąmįną, ə mą kɛ, da galanɉonŋaa, da gwɛli yɔw nuą ə li a diɛ Babilonə.

Ɉeremi 27:21

Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka; yɛ hvilɛn na ɉɛn ɲąŋąɠaai kpɔ da lɛɛ Yálá hee pɛlɛ́ mu, da dɔɔ pɛlɛ́ mu da Ɉerusalɛmə daai diɛ.

Ɉeremi 29:2

Yálá ə kɛti! Tɔɔmun Yekonia, da tɔɔmun nee, bɛlɛɛ dɔɔ kwəlii nuą, da Ɉuda lɔi, ɛlɛɛ, Ɉerusalɛmə taa nu kpɛa kpɛaa, gwɛliyɔw nuą, da ɲɛ̨lɛkɛ nuą, daa gbɛa kɛ kulɔ Ɉerusalɛmə daai.

Ɉeremi 35:1

Nwooi ŋɛ̨i ə həɠə Yai-Laa pɔ, yɛ həli Ɉeremi ɓa, Ɉuda tɔɔmun Ɉosiasə lon Yoyakimə nwɔ tɔɔlaa lɔwai, yɛ mą:

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Maafîu 1:11

Ɓɛlɔwai də li la a Israɛlə lonnii Babilonə luwɔlaa hu, nąąlɔwai ɓə Ɉosiasə ə Ɉekoniasə da nąn nonni kaa la.

Maafîu 1:12

Ɓɛlɔwai Israɛlə lonni di kɛ la Babilonə, nąąlɔwai ɓə Ɉekoniasə ə Salatiɛlə kaa la. Salatiɛlə yaan, ə Zorobabɛlə kaa.

Maafîu 1:17

Ə həɠə Abrahamə ɓa, ə həli la Davidə ɓa, gaa a kalapɔlɔ hee kpəlin na pow-kɔw-nąąn. Ə həɠə Davidə ɓa ə həli la Israɛlə lonnii liɛɛ Babilonə luwɔlaa hu ɓa, gaa a kalapɔlɔ hee kpəlin na pow-kɔw-nąąn. Ə həɠə Israɛlə lonnii liɛɛ Babilonə ɓa, ə həli la Kristə ɓa, gaa a kalapɔlɔ hee kpəlin na pow-kɔw-nąąn.