Ɉeremi 27:19 - Yálá laawoo hɛɓɛ (dc)

¹⁹ Maahɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka: Yɛ hvilɛn na bɛlɛ́ hɔlɔɔnŋaa diɛ, da gboloyá tea da ɉɛn tii mįnɛ̨ kəhi hvilɛn ŋąą mɛ̨i, da ɉɛn ɲąŋą takpɛliɠaai Ɉerusalɛmə daai.

Yálá laawoo hɛɓɛ

¹⁹ Maahɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka: Yɛ hvilɛn na bɛlɛ́ hɔlɔɔnŋaa diɛ, da gboloyá tea da ɉɛn tii mįnɛ̨ kəhi hvilɛn ŋąą mɛ̨i, da ɉɛn ɲąŋą takpɛliɠaai Ɉerusalɛmə daai.

Bible

^19-20 Ŋ̀wála-wâla kélee Yâwɛɛi è mò ǹyɛɛ, “Tãi Nɛbukinaza nyíi wɔ́lɔ kɛ̀ a Babelɔŋ kaloŋ è wɔ́lɔ Zuda kaloŋ Zɛoasiŋ nyíi kɛ̀ a Zɛoakiŋ ǹóŋ da ŋɔtíi kɛ́-ƃelai sôŋ la a kɔ-sôŋ-ŋai, vé lì ní a Ŋ̀âla-pɛrɛ Kɛ́tɛi mu-sãai kélee nyíi-ŋai kɛ̀ Zerusâlɛŋ. Kɛ́lɛ, è Ŋ̀âla-pɛrɛi yée-mu wurii, ǹyá-soŋ sɛŋ-folo kɛ́tɛi nyíi da kâa kɛ̀ ma ǹyuoi, da têƃelei nyíi da kâa ziai, é pɛ́lɛ zãâi gbéli-ŋai dîa lɛ̀ɛ naa gâloŋ ŋɔkâloŋ-pɛrɛi mu.

Ɉeremi 27:19 Iomraidhean Croise

Tɔɔɓɛlaa dɔlɔɔ 7:23

Ə hɛnɲąŋą kɛnɛ̨ ta hee nɔi ɓa, ə ɓo a ɓala kwɛli, ə yá pu ɉu, ə naa hee a gboloyá. Ɉɛɲąŋąi tii ə kɛ kiliɠilin, ə həɠə nwəli la ɓɛ pələ, ə li ɓɛ pələ, ə kɛ a yee laa mą pow, gbon ɉu kwɛaa a yee laa mą lɔɔli.

Tɔɔɓɛlaa dɔlɔɔ 7:27

Yili pulu, ə wotolo pow pɛli a ɓala kwɛli. Dɔ̨nɔ̨ gbən dɔɔ ɉu ə ɓo a yee laa mą nąąn, ŋąą kɛnɛ̨ a yee laa mą nąąn, mɛ̨i kwɛa a yee laa mą haaɓa.

Tɔɔɓɛlaa veelɛ 25:13

Kalde kɔ́kulááɠaa di Yai-Laa nwɔ pɛli hɔlɔɔnŋąą huyali yali da ɉɛnŋaai kɛ di hvilɛn ŋąą di mɛ̨i, ɛlɛɛ, da ɉɛnɲąŋą kɛnɛ̨i a mala kwɛli ə ɓo Yai-Laa yəi bɛlɛ́n, di ɉəɠə də li la Babilonə lɔi hu.

Tɔɔɓɛlaa veelɛ 25:17

Bɛlɛ hɔlɔɔn dɔ̨nɔ̨ kwɛa yee ə kɛ a yee laa mą pow kɔ́w mɛ̨ihaaɓa. Hɛn da pɛlɛɛ kɛ nwuɔ̨, yɛ ɓo a ɓala kwɛli, a yee laa mą haaɓa, mąąpuɔ a wulu ɓaɠaa da wulu powaɠaa mąąnįnįn, gəlee di ɓo a ɓala kwɛli. Veelɛ nąą, da mąąpu hɛnŋąą di kɛ lɔ yɛ dɔlɔɔ tɔlɔɔ.

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.