Ɉeremi 27:18 - Yálá laawoo hɛɓɛ (dc)

¹⁸ Akɛ mɛ̨nį ɓoɔ gɛɛ tɔwɔ kɛ nuą ɓaa diɛ, akɛ Yai-Laa woo kaa di yəi, mąąnɛ̨ɛ̨ kani di Yai-Laa Mɛ̨nį Kəlee ŋą Hééɓomun mąąnɛ̨ɛ̨, ɉɛn ɲąŋąɠaai ŋɛ̨i Yálá hee pɛlɛ́ mu da tɔɔmun ɲəi bɛlɛ́n, da Ɉerusalɛmə, di hvo li a da Babilonə.

Yálá laawoo hɛɓɛ

¹⁸ Akɛ mɛ̨nį ɓoɔ gɛɛ tɔwɔ kɛ nuą ɓaa diɛ, akɛ Yai-Laa woo kaa di yəi, mąąnɛ̨ɛ̨ kani di Yai-Laa Mɛ̨nį Kəlee ŋą Hééɓomun mąąnɛ̨ɛ̨, ɉɛn ɲąŋąɠaai ŋɛ̨i Yálá hee pɛlɛ́ mu da tɔɔmun ɲəi bɛlɛ́n, da Ɉerusalɛmə, di hvo li a da Babilonə.

Bible

¹⁸ Kɛ́lɛ, à kɛ̀ díkaa a tɔ̃yâ ɣâla fɛli-ƃela, tɔɔ dí lóno Ŋ̀wála-wâla kélee Yâwɛɛi pɔ́ a gɛɛ é ǹɛɛ naa zɛŋ fôlo-ŋai díkaa Ŋ̀âla-pɛrɛ Kɛ́tɛi mui, é pɛ́lɛ nyíi-ŋai díkaa gâloŋ-pɛrɛ kɛ́tɛi mu Zerusâlɛŋ dílɛɛ naa, dífe lì a dia Babelɔŋ.’ ”

Ɉeremi 27:18 Iomraidhean Croise

Zɛnɛse 20:17

Abrahamə ə Yálá hvɛli Abimelɛkə mąą mɛ̨nį ɓa, Yálá ə kɔ́lɔi pɔ̨nɔ̨ tɛɛ Abimelɛkə pɔ, da nɛ̨ą ə mą kɛ da nwɔ luwɔ nɛaɠaai, gəlee kwəi ə nwun, diɛ lon gaa kɛa.

Tɔɔɓɛlaa dɔlɔɔ 18:24

Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Kɔlɔnikɔ Veerɛi 32:20

Tɔɔmun Ezekiasə da Yálá kwəi mɛ̨nį hukulɔ mun Amɔsə lon Esai, di Yálá hvɛli mɛ̨nįi tii hu, di tómą diɛ di woo tɛ yələ kɔ́lɔn mą.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 18:20

Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.

Ɉeremi 42:2

diɛ Yálá kwəi mɛ̨nį hukulɔ mun Ɉeremi ɓa: «Kuɔ nɛ̨ɛ̨mąą hvə woo ə həli yɛ́. Yai-Laa ə́ wɔ Yálái hvɛli, ku kpəli woloi aa lɛɛ, ku mąą mɛ̨nį ɓa. Kwaa lɛɛ lɔ kɛa tɛitɛi; ya pa ku kpulu kɛnɛ̨ kɛ, gbaɠala kaa yɛ́.

Ɉeremi 7:16

Yɛ́ Ɉeremi! Ə́ wɛi, və́ kɛ li ə́ nuą ŋɛ̨i mąą nɛɛmąą hvə mą́ą́! Və́ kɛ li ə́ di wɔ woola kɛ mą́ą́, hvo kɛ ə́ kaa wɔlɔi mą́ą́ di mąą mɛ̨nį ɓa. Mąąhɔlɔɓo, və́ pai nwəli tɔɔi ə́ wɔ nɛɛmąą hvə woo ɓa.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Izikiɛ 22:30

Ŋą́ ɲɛ̨́i laa a nu di lɔwai, yii a pɛli bɛlɛ́ nwąną muhəɠəi; yɛ tɔɔ nííla nwolo kɛɛnąą nɔi ɓalo mɛ̨nį ɓa, və́ pa lee ɉukala; kɛlaa, və́ mąą nu kaa li.

Malasi 1:9

Yiihu kɛa, ká gɛ pələ kwɛli mą, ə gɛ, ɲą́ą́i a ka wɔ Yálá, ka nɛ̨ɛ̨mąą hvə mą́ą́, ŋą́ nwɔ́ nuą ɲɛ̨imąąwɛlikaa. Gaa ka kwəi, bələi tii ka túwɔ́ la a ɲą́ą́, gáá pai nwə́li tɔɔi kaa a nɛlɛɛ yili mąą mɛ̨nį ɓa? Gɛ́ kpɔ kaa, kpaa-oo!

Samuɛlə dɔlɔɔ 12:19

Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Samuɛlə dɔlɔɔ 7:8

Israɛlə nuą diɛ Samuɛlə ɓa: «Hvo kɛ ə́ kaa heei mɛ̨nįi ŋɛ̨i hu tin, hvo tee ku pulu, ə́ woo tɛ Yai-Laa ɓa, yaai gaa a ku wɔɔ Yálá, ə gɛ, ə gu kulɔ Filisti nuą yəi.»