Ɉeremi 27:13 - Yálá laawoo hɛɓɛ (dc)

¹³ Lə mɛ̨nį ɓa yai, yɛ́ ká ə́ wɔ nuąi ka káá pai haai a ɓɔwa kwɛaa da pulu, da ɲɔ̨n? Yɛ bələi Yai-Laa ə gili tee la gwəi, yɛ hvilɛn na lɔi lɔpee hvo bɔ hvo lɛɛ Babilonə tɔɔmun yee mu, mą.

Yálá laawoo hɛɓɛ

¹³ Lə mɛ̨nį ɓa yai, yɛ́ ká ə́ wɔ nuąi ka káá pai haai a ɓɔwa kwɛaa da pulu, da ɲɔ̨n? Yɛ bələi Yai-Laa ə gili tee la gwəi, yɛ hvilɛn na lɔi lɔpee hvo bɔ hvo lɛɛ Babilonə tɔɔmun yee mu, mą.

Bible

¹³ Lé mɛni ƃé ka ínûai ká pâi saâi la kɔ́ su, puru, kpaa máŋ a kɔlɔ-fela nyɔ́mɔ yɛ̂ɛ berei Yâwɛɛ è mò la a m̀ɛnii pâi kɛ̂i a lɔii-ŋuŋ da nyíi ve pâi ǹyée seêi Babelɔŋ kaloŋ mûi?

Ɉeremi 27:13 Iomraidhean Croise

Hanwon 8:36

Kɛlaa, nui a ɓaɠaɓo mą́ą́, a kɛ tii gaa gbɔwɔ nwąnąi. Nuąi nwɛ́li kpɛɛ diɛ, haa ɓə nwɛli kaa diɛ.»

Ɉeremi 17:4

Ə́ kaa pai gwələ kəlee kulɔi yɛ tɔ̨nɔ̨, ə́ mąą kwɛaa nɔi ŋį́ dɛɛ ə́ pɔ mą. Gáá pai ə́ lɛɛi ə́ yówóɠaa yee mu, nɔi hvo gɔlɔn ɉu. Mąąhɔlɔɓo, kaa nwɔ́ liiholi nwun, hvo kɛa pai kpɛlai mą.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 38:2

«Yai-Laa woo ka: Nui lɔpee pai lɛɛi daa ŋɛ̨i hu, ɓɔwa kwɛa ɓə pai baai, ɛlɛɛ ɲɔ̨n, da pulu; nui a kulɔ yɛ li Kalde nuą pɔ, nwun na a nɛ̨ɛ̨, ə lɛɛ yɛnɛ̨ɛ̨; a tɛ̨ą a lɛɛ yɛnɛ̨ɛ̨.»

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?