Ɉeremi 27:10 - Yálá laawoo hɛɓɛ (dc)

¹⁰ Lɛɛ ka tii di kaa gɛi káá; Di káá ka mąą kwɛai ka wɔ lɔi ɓa. Gáá pai ka taɠa taɠai, káá haa.

Yálá laawoo hɛɓɛ

¹⁰ Lɛɛ ka tii di kaa gɛi káá; Di káá ka mąą kwɛai ka wɔ lɔi ɓa. Gáá pai ka taɠa taɠai, káá haa.

Bible

¹⁰ Díkaa lɛ́ɛ kɛ̂i kâa. Da lɛ́ɛ pâi gɛ̂i ká lí lɔii-ŋuŋ su kôyaa su, ká kúla ká pɔ-taai. Ŋa pâi ká kulâi ká kpɔɔi lɔii su ŋá lí a káa lɔii da kpɛ́ni su ƃɛ́i ka pâi lɛɛ̂i naa ká sáai.

Ɉeremi 27:10 Iomraidhean Croise

Lɛɛ gbɔwɔ ɓa 22:18

«‹Nui a laa a taatɛlɛɛ ta, da mąą nu paa.

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 23:16

Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Ɉeremi 23:25

Nuą tii da kɛ mɛ̨nį ɓoi a náá, a lɛɛ, ŋį́ kɛ di woo mɛ̨n ɉii, diɛ kɛ diɛ: «Ŋą́ą́ hįį kaa! Ŋą́ą́ kɛɛ kaa!»

Ɉeremi 27:14

'Ká hvo ka wəli tɔɔ ka wɔ Yálá kwəi mɛ̨nį hukulɔ nuą tii woo ɓa: diɛi di kaa kɛi káá: 'Ká hvo pai kɛi Babilonə tɔɔmun yee mu. Lɛɛ woo ka tii di kaa moi kaa a náá.

Ɉeremi 27:15

Yai-Laa yɛi: ‹Ɲą́ą́ hvəi di tɛɛ li, mɛ̨nįi di kaa moi a náá, lɛɛ li. Yili mąą mɛ̨nį ɓa, gáá pai ka taɠa taɠai, ɛlɛɛ, káá haa, káá mąn, da nuąi mąn, ká wɔ Yálá kwəi mɛ̨nį hukulɔ nuąi lɛɛ kɛ káá.›»

Ɉeremi 27:16

Gáá moi ɉaláá laa həli nuą diɛ da nɔi lonnii, Yai-Laa woo ka, yɛ: «Yálá kwəi mɛ̨nį hukulɔ nuąi mɛ̨nį ɓoi kaa a náá, diɛ kɛ di kaa pai həɠəi a ɉu kpua Babilonə, a Yai-Laa nwɔ pɛlɛ́i mu hɛnŋaa, diɛ pənə diɛ pa a diɛ, ka hvo ka wəli tɔɔ di woo ɓa. Lɛɛ woo ka tii di kaa moi a náá.

Ɉeremi 28:11

Yili pulu, Hanania ə mo nɔi lonnii kəlee ɲɛ̨i ɓa, yɛ diɛ: «Yai-Laa woo ka, yɛ diɛ: ‹Gɛɛ kwɛlan veelɛ hvo tɛɛ, kpɔlɔɔ ɲą́ą́lee, bələ ɓə gáá pai Babilonə tɔɔmun Nabukodonosorə nwɔ kpɔ̨nɔ̨i hu yalii la, gɛ́ ɉəɠə nɔi kəlee mɛ̨i!›» Yai-Laa kwəi mɛ̨nį hukulɔ mun Ɉeremi ə li!

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»

Ɉeremi 32:31

Daai ŋɛ̨i aa níí holi, aa níí kələn gwə́i, ə həɠə háákələi ɓa, mąąnɛ̨ɛ̨ ŋį́ gulɔ ɲɛ̨́i mu.

Ɉeremi 8:19

ka bɔ́ lɔi nuą wɔlɔ woo mɛ̨n dai! Di woo kaa tɔɔi nɔi nąą kəlee. Diɛ kɛ mą: «Akɛ tii, Yai-Laa hvó mɔ̨ɔ̨ Siɔn daai? Akɛ tii tɔɔmun hvo kɛa laa ɓəi?» «Lə ɓə kɛ yaai di nwąną lɔ diɛ kwɛli hvilɛn hali ɓa, a gbɛli-kpɛli hɛnŋaa tii həɠə pələ takpɛli.»

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Danîa 4:7

Ɓɛlɔwai ŋą́ kɛ la laani ɲə́i gbin ŋą, ɉįi ŋą́ gaa ya ka: «Ŋą́ wulu ta kaa lɔi hąą, gwɛa kpɔ kɛnɛ̨.

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Dutɛrɔnome 18:10

Mąą hvo nɛ̨ɛ̨li, nu ta hvo kɛ ka lɔwai, yɛ kɛ gaa non gulɔi a haláá, yɛ gələn; nu ta hvo kɛ a tɔlikpɛmun; a wala kɛ tii, yɛ ɲɛ̨ąkpɛ, yɛ kɛ gaa hįį woo mukulɔi,