Ɉeremi 26:24 - Yálá laawoo hɛɓɛ (dc)

²⁴ Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Yálá laawoo hɛɓɛ

²⁴ Ɉeremi nwɛi Safan lon Ahikamə nįnįn bɛlɛɛ kɛ mɛ̨i, yili ɓə gɛ di hvo doo nuąi kɛi baa pələ kwɛli di yeeŋa.

Bible

²⁴ Kɛ́lɛ, tãi Safaŋ ǹóŋ Aikaŋ è kɛ̀ la Zɛlemaya pôlui, vé Zɛlemaya tɛ̀ɛ ní ǹûai pɔ́ a gɛɛ dí baa.

Ɉeremi 26:24 Iomraidhean Croise

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa veelɛ 25:22

Nuą yiiɠaai lɛɛ Ɉuda lɔi hu, diɛi Babilonə tɔɔmun Nabukodonosorə ə di lɛɛ laa, ə Safan mąnįn Gedaliasə Ahikamə lon ɉee di nwun na a di ɲąąwooɓomun.

Kɔlɔnikɔ Veerɛi 34:20

Yili pulu, ə mo Hilkiyahu, Safan lon Ahikamə, Mika lon Avdɔn, ɉɛɓɛ́ kɛ mun Safan da tɔɔmun nwɔ tímun Asaya diɛ, yɛ diɛ:

Ɉeremi 29:3

Ə ɉɛɓɛ́i tii tɛɛ Eleasa Safan lon, da Gemaria, Hilkiya lon diɛ, diɛi Ɉuda tɔɔmun Sedesiasə ə kɛi di tɔɔ Babilonə tɔɔmun Nabukodonosorə pɔ, Babilonə; bɛ̨ɛ̨i kɛ diɛ kɛ mą:

Ɉeremi 36:10

Nąąlɔwai ɓə, Barukə ə Ɉeremi woo kəlee ɓo la, yai kɛ ɉɛɓɛ́ hu, Yai-Laa yəi bɛlɛ́n, Safan lon Gemariahu yəi ɉɛɓɛ́ kɛ pɛlɛ́ mu, bɛlɛi tii ə kɛ Yai-Laa nwɔ pɛlɛ́i mɛ̨i pələ gbon nįnɛ̨ tənən ma.

Ɉeremi 36:11

Nąąlɔwai, Safan lon Mikayehu, yai kɛ a Gemariahu lon ə Yai-Laa wooɠaa di kəlee mɛ̨n lɔ yɛ bələi tii kɛ bɛ̨ɛ̨ la ɉɛɓɛ́ hu.

Ɉeremi 36:12

Ə yɛɛ dɔɔmun ɲəi bɛlɛ́n, ə lɔ ɉɛɓɛ́ kɛ mun nwɔ kóló kɛi, nɔi ɲɛ̨itɔwɔ nuą kəlee ɲąąkpɔnŋaa kɛ laa, nwun dɔɔ hu. Ɉɛɓɛ́ kɛ mun Elisama, Delayahu Semayahu lon, Ɛlnatan Akbɔrə lon, Gemariahu, Safan lon, Sedesiasə, Hananiahu lon, da nɔi ɲɛ̨itɔwɔ nuą takpɛliɠaa.

Ɉeremi 36:19

Nɔi ɲɛ̨i tɔwɔ nuą diɛ Barukə ɓa: «'Li ə́ ə́ loo, ə mą kɛ Ɉeremi, nu ta hvo ká kɛi kɔlɔn.»

Ɉeremi 36:26

Yili pulu, ə mo Yerahmeɛlə ɓa, yai kɛ a tɔɔmun non, da Serayahu yai kɛ a Azriɛlə lon, da Selemyahu yai kɛ a Avdeɛlə lon yɛ diɛ: di ɉɛɓɛ́ kɛ mun Barukə da Ɉeremi di hon. Kɛlaa, Yai-Laa ə kɛi di loo.

Ɉeremi 39:14

di nu ta tɔɔ yɛ li Ɉeremi təlii dɔɔ kwəli mąąkpɛ nuą yəi gwəlii. Di dɛɛ Ahikamə lon Gedaliasə yai kɛ a Safan lon bɔ. Yili yɛ mą: Yá pɛli mą ə́ li ə́ yəi bɛlɛ́n; bələ ɓə Ɉeremi ə lɛɛ la nuą lɔwai.

Izikiɛ 8:11

Israɛlə pɛlɛ́ mu kalanɉon bow mɛ̨ihveelɛ di kɛ laa tɔɔnin, ɉali mąąnįnįnŋąąi ti lííla; Safan lon Yaazaniahu ə kɛ tɔɔnin di hąmąi; nu kəlee nwɔ lansan kələn ɉɛn ə kɛ ɲee ɲą; lansan kələn nwɔ̨n nulu yɛ kɛi tɛ.»

Gɛlaɠaa 23:10

Nwoo ɲąąnwąną hu kɛnɛ̨ pələi ti, ɉolahi nwun nąmu ə ɲɔw, yɛ di hvo pa Polə hu tee-tee di kee lɔwai. Yili ɓə gɛ, ə mo, nwɔ holahiɠaa də li ɲąąkpɔn ti hu, di Polə hon dɛ li la bɛlɛ lon mu.

Gɛlaɠaa 27:43

kɛlaa, ɉolahi nwun dɔ̨nɔ̨ nąmu nwɛi, ə kɛ bɔ ə Polə nwun gulɔ ɉu, ya ɓə gɛ, hvo hvaa di woo ti ɓa. Ə mo yiiɠaai kɛ di wəlɛɛ yá kɛlɛi, di too ɲąi, di li tɔlɔɔ gbonwo ɓa.

M̀ɛni-lɛɛi 12:16

Kɛlaa, lɔi ə nɛ̨ɛ̨nui mąąkpɔnmąą ɓo: Lɔi ə naa ɓo, ɛlɛɛ, ə ɲái tii mąąɲɔw-hɛn ə maɠi, ə gəlee kpələ.