Ɉeremi 26:16 - Yálá laawoo hɛɓɛ (dc)

¹⁶ Nɔi ɲąąwooɓo nuą da nɔi lonnii kəlee, diɛ ɉaláá laa həli nuą da Yálá kwəi mɛ̨nį hukulɔ nuą diɛ: «Ɉulɔnui ŋɛ̨i hvo haa kwɛli li gbɔwɔ ɓa, Yai-Laa gu wɔ Yálái laa hu ɓə, ə hvaa laa.»

Yálá laawoo hɛɓɛ

¹⁶ Nɔi ɲąąwooɓo nuą da nɔi lonnii kəlee, diɛ ɉaláá laa həli nuą da Yálá kwəi mɛ̨nį hukulɔ nuą diɛ: «Ɉulɔnui ŋɛ̨i hvo haa kwɛli li gbɔwɔ ɓa, Yai-Laa gu wɔ Yálái laa hu ɓə, ə hvaa laa.»

Bible

¹⁶ Nya ƃe ǹúu láa túɛ-ƃelai da ǹûai kélee dí mò zâla láa-soŋ-ƃelai da ɣâla ŋɔlóno kɛ́-ƃelai dîa, dîyɛɛi, “Káfe pâi Zɛlemaya paâi, kpɛ́ni fêi, m̀ɛnii a môi kûai, a kulâi Kúɣâlai Yâwɛɛ yêei.”

Ɉeremi 26:16 Iomraidhean Croise

Mąątɛ̨nɛ̨ 94:16

Gbɛɛ ɓə pai mą́ą́ mɛ̨nį ɓoi nwea nuąi ŋɛ̨i lííla, gbɛɛ ɓə pai tɔɔi búlu, kuɔ kɔ́ pɛlɛ vulu nuąi ŋɛ̨i diɛ?

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Ɉeremi 26:11

Ɉaláá laa həli nuą da Yálá kwəi mɛ̨nį hukulɔ nuą, di mo nɔi lonnii kəlee diɛ, diɛ diɛ: «Mąąnɛ̨ɛ̨ di nui ŋɛ̨i paa, mąąhɔlɔɓo, gaa daai ŋɛ̨i nɛ̨ŋɛ̨n naai, kaa kpinįi kaa nwoo mɛ̨n.»

Ɉeremi 34:10

Nu kpɛa kpɛaa da nɔi lonnii kəlee di kɛɛ mɛ̨nįi tii ɲąą yilii, yai kɛ a nuwɔɠaa lɛɛ mɛ̨nį di kpɔɔ ɓa; ɉinąą mąn nɛ̨ąą mąn, ɛlɛɛ, di hva kɛa di yee kanąn diɛ, luwɔlaa hu. Nwooi tii mɛ̨n di mo, di bɔ mɛ̨nį kɛ, diɛ nuwɔɠaa lɛɛ di kpɔɔ ɓa.

Ɉeremi 36:19

Nɔi ɲɛ̨i tɔwɔ nuą diɛ Barukə ɓa: «'Li ə́ ə́ loo, ə mą kɛ Ɉeremi, nu ta hvo ká kɛi kɔlɔn.»

Ɉeremi 36:25

Ɛlɛɛ yaan Ɛlnatan, Delayahu da Gemariahu, di kɛi kɛ tɔɔmun ma, hvo ɉɛɓɛ́i tii kələn. Kɛlaa, hvo kɛi nwəli tɔɔ di woo ɓa.

Ɉeremi 37:15

Nɔi ɲąąwooɓo nuą di di líiholi Ɉeremi pɔ, di gɛlɛ, di doo gaho ŋą; ɉɛɓɛ́ kɛ mun Yehonatan yəi góló kɛi, daa kɛ naa kɛ a gaho pɛlɛ́.

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Lukə 23:41

mɔ̨nɔ̨i ŋɛ̨i gu kaa mįi gu nu hveelɛ, gu kaa mįi, guɔ túwɔ́ pələ ɲɔ̨n vɛla li, kɛlaa, nwɛi, hvo kɛ mɛ̨nį ɲɔ̨n nɔpee ta kɛ li.»

Lukə 23:47

Mɛ̨nįi tii gɔ́kulaa nwun nąmui tii ə gaa, ə nɛɛ ŋąąɓa ə mąąwiɛ tɛɛ Yálá pɔ, yɛ diɛ: «A tɛ̨ą, hɔn və kɛ ɉulɔnui ŋɛ̨i ɓa.»

Gɛlaɠaa 23:29

Kɛlaa, ŋį́ gaa, gɛ́ mɛ̨nįɠaai di kaa moi a naa, hvilɛnŋąąi di huwu la mɛ̨nį ɓa, kɛlaa, di hvo kɛ li a mɛ̨nįi da nu paa ɉu, awala kɛ tii, di ɲili.

Gɛlaɠaa 23:9

Nąą woo ɲąą ə nwąną kpɔ kɛnɛ̨ dɔ́n galamɔ̨ɔ̨ taɠaa, da Farisiɛ̨ɠaa di tɔɔ, di həɠə di tɔɔ, di lənə di ɓɛlaa woo ɓa a di nwąnąi, diɛ mą: «Ku hvo mɛ̨nį ɲɔ̨n nɔpee ta kɛi ɉulɔnui ŋɛ̨i ɓa, gbəli hu kiɛ, malaka ta, awala kɛ ti, ɲinɛ̨n da ka ti mɛ̨nį ɓoi mą.»

Gɛlaɠaa 25:25

Yii ɓaa nwɛ́i və́ mɛ̨nį ta kaa li mą, yɛ pɛli ɉu haa ɓo. Kɛlaa, yɛ bələi yaa kpinįi ə ɉuhvɛli la, yɛ nwɔ mɛ̨nįi ə ɓo nɔi nwun nąmu lii la, ya ɓə gɛ, gɛ́ diɛ: gáá dɛɛi mą.