Ɉeremi 26:11 - Yálá laawoo hɛɓɛ (dc)

¹¹ Ɉaláá laa həli nuą da Yálá kwəi mɛ̨nį hukulɔ nuą, di mo nɔi lonnii kəlee diɛ, diɛ diɛ: «Mąąnɛ̨ɛ̨ di nui ŋɛ̨i paa, mąąhɔlɔɓo, gaa daai ŋɛ̨i nɛ̨ŋɛ̨n naai, kaa kpinįi kaa nwoo mɛ̨n.»

Yálá laawoo hɛɓɛ

¹¹ Ɉaláá laa həli nuą da Yálá kwəi mɛ̨nį hukulɔ nuą, di mo nɔi lonnii kəlee diɛ, diɛ diɛ: «Mąąnɛ̨ɛ̨ di nui ŋɛ̨i paa, mąąhɔlɔɓo, gaa daai ŋɛ̨i nɛ̨ŋɛ̨n naai, kaa kpinįi kaa nwoo mɛ̨n.»

Bible

¹¹ Nya ƃe zâla láa-soŋ-ƃelai da ɣâla ŋɔlóno kɛ́-ƃelai dí mò gâloŋ-ŋai da ǹûai kɛ̀ naai dîa dîyɛɛi, “Fɛ̂ɛ Zɛlemaya a sàa, kpɛ́ni fêi è ɣâla-woo ƃò a gɛɛ da pâi Zerusâlɛŋ su karâi nyíi kákaa a maa sêre-ŋai.”

Ɉeremi 26:11 Iomraidhean Croise

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Ɉeremi 26:16

Nɔi ɲąąwooɓo nuą da nɔi lonnii kəlee, diɛ ɉaláá laa həli nuą da Yálá kwəi mɛ̨nį hukulɔ nuą diɛ: «Ɉulɔnui ŋɛ̨i hvo haa kwɛli li gbɔwɔ ɓa, Yai-Laa gu wɔ Yálái laa hu ɓə, ə hvaa laa.»

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Maafîu 26:66

Akɛti, ka wɔ kiliŋąhiɛ kaa ləi?» Nuą kəlee di bumą diɛ mą: «Mąąnɛ̨ɛ̨ ə haa!»

Ɉaan 18:30

Di nwoo ŋąą pənə diɛ mą: «Akɛ kɛ nui ŋɛ̨i hvo mɛ̨nį ɲɔ̨n gɛ li, ku hvə li paa la ə́ pɔ.»

Ɉaan 19:7

Ɉuifəɠaa diɛ mą: «Tɔ́n gaa ku yəi, yɛi: mąąnɛ̨ɛ̨ nu taaləi ŋɛ̨i ə haa, mąąhɔlɔɓo, aa gbɔwɔ kɛ a Yálá Lon.»

Gɛlaɠaa 22:22

Ɉuifəɠaa wəli tɔɔ kɛ Polə woo ɓa, ə lɛɛ ɉu, ə həli nwooɠaa tii ɓa, nuąi kɛli nwoo mɛ̨n di tómą, diɛ kɛ: Nu ɲɔ̨nwɔ̨mą taaləi ŋɛ̨i, mąąnɛ̨ɛ̨ ə həɠə lɔi mɛ̨i, mąą hvo nɛ̨ɛ̨li hvo lɛɛ yɛnɛ̨ɛ̨.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»

Nwun mąąɓo 6:30

Nuą dəli kɛa, diɛ Yoasə ɓa: «Pa a ə́ lon Zedeɔn, ku baa, mąąhɔlɔɓo, aa Baalə nwɔ haláá kulɔi wolo, nwului kɛ nąą kwɛlɛ, kuɔ gɔ́, aa gulɔ aa ɉu tee.»