Ɉeremi 25:9 - Yálá laawoo hɛɓɛ (dc)

⁹ gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Yálá laawoo hɛɓɛ

⁹ gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Bible

⁹ ‘Tãi nɔ́ káfe káwoli tɔ̀ɔ ní ḿâi, ŋa pâi yá-ŋua-pere kɔkɔ́-ƃelai kélee da ńyee mu-nuui Nɛbukinaza nyíi gáa a Babelɔŋ kaloŋ tôlii ŋa pá a dia dí kɔ́ pɛ́lɛ Zuda ma da ŋɔnûai. Da pâi kɔ́ pɛlɛ̂i ǹɔii-ŋuŋ-ŋai díkaa kákɔlɛ mai dia. Ǹyaŋ a kɛ̀ tí, ŋa pâi Zuda da gɔlɛ ma lɔiii-ŋuŋ-ŋai su-ƃela kélee kpɔ́ kpúŋ paâi ŋá ǹaa lɛɛ a bûŋ wɔ́lɔ-wɔ́lɔ. Tãi ǹûai da pâi ǹaa kâai lai, dí láa a pâi kpâlai dîa. Ǹaa a pâi kɛ̂i a yao-maa kwaa ma, ǹûai díkɛ díŋuŋ mɛi tée lono kɛ̀.

Ɉeremi 25:9 Iomraidhean Croise

Tɔɔɓɛlaa veelɛ 24:2

Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Kɔlɔnikɔ Veerɛi 29:8

Yili ə Yai-Laa líiholi Ɉuda da Ɉerusalɛmə di pɔ; Ə nąą kɛ a kwəi pilimąą kɛɛnąą, a lɔi mąąwɛlia, diɛ mɛ̨nį kɔ́ɔn mą, diɛ yɛlɛ mą, yɛ bələi ká kaa gaai la a ká ɲɛ̨i kɔ́w.

Kɔlɔnikɔ Veerɛi 36:21

Bələ ɓə, nwoo ŋɛ̨i Yai-Laa ə mo Ɉeremi laaləi, naa ə hon na; a yaai ə kɛ mą: «Ə lɛɛ ɉu nɔi ə vįitɔɔ a vįitɔɔ yələ, diɛ vįitɔɔ yələ pɔ mɛ̨nį kɛ di wɔɔ mąąwɛli hvólóɠaa kəlee yee mu, yaai gəlee pɛlɛɛ gee ɓa gaa a kwɛlan bow mɛ̨ihveelɛi.»

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Azaya 10:5

Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Azaya 13:3

Nwɛ́i, nwɔ́ kɔ́kuláaɠaai ŋį́ di həɠə ɉu a nwɔ́ɔ́, ŋą́ą́ di təli, ŋą́ą́ kɛla tɔɔ nwɔ́ kɔ́kuláa yɛlɛɛɠaai pɔ, a diɛi tii ɲɛ̨́i pɔ̨nɔ̨ mɛ̨nį kaa a di kwəinɛ̨ɛ̨ mɛ̨nį, diɛ nwɔ́ liiholii nwąnąkulɔ.»

Azaya 39:7

Di kaa pai lii a ə́ lonnii tamąą, yiiɠaai a ə́ kwəi lonnii, diɛɠaai ə́ kaa di kaai; di kaa pai daɠaai ɓɛlai di ɓo Babilonə tɔɔmun ɲəi gwəlii.»

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Ɉeremi 1:14

Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Ɉeremi 1:15

Gáá pai ɲanwuɔ̨ pələ tɔɔɓɛlaa kəlee təlii, di kaa pai, nu kəlee kaa pai nwɔ tɔɔkpəlin hvilɛn ɉii Ɉerusalɛmə taa bələ nwun na; daa mąąkpɛ hįį tənən ma, da Ɉuda taaɠaa kəlee tənən ma. Ɲą́ą́ Yai-Laa, Nwóó li.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 12:14

Yai-Laa woo ka, yɛ diɛ: Nuąi daa pɛlɛ gwɛ́lin nɔi ɓa, yaai ŋą dɛɛ nwɔ́ nu huwuɠaai pɔ, diɛi a Israɛlə nuą; yɛ diɛ: Gáá pai nuąi tii kulɔi a nwun, di wɔ lɔi hu; ə mą kpɛli kɛ Ɉuda nuą; ŋį́ di kulɔ di lɔwai.

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Ɉeremi 2:15

Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Ɉeremi 20:4

Mąąhɔlɔɓo, mɛ̨nį Yai-Laa kaa moi, ya ka, yɛ diɛ: ‹Ə həɠə háákələi ɓa, gáá ə́ kɛi a mąą ɲɔw hɛn, ə́ kpɔɔ kpinįi yɛ́, da ə́ ɓɛlaa ni diɛ. Diɛi tii di kaa pai lɛɛi a di yowoɠaa di wɔ kɔ́ kɔ́ ɓɔwa kɔ̨nɔ̨n, yɛ́i ŋɛ̨i yá kɛ a gɛla. Gáá Ɉuda nuą lɛɛi Babilonə tɔɔmun ɲee kɔ́nma, Babilonə tɔɔmun gaa pai di paai a ɓɔwa kwɛaa.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 25:8

«Yii gaa tii, Mɛ̨nį Kəlee ŋą Hééɓomun Yai-Laa woo ka, yɛ diɛ: Yii kpɔ ka hvo nwóó mɛ̨n ni,

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 35:11

Ɓɛlɔwai Babilonə tɔɔmun Nabukodonosorə ə pili la nɔi hu, ya ɓə ku kɛ la diɛ, ka gu lɔ Ɉerusalɛmə daai, ka gu pu Kalde kɔ́kulááɠaa da Aramə kɔ́kulááɠaa tɔwɔ. Yili ɓə gɛ kuɔ hee la Ɉerusalɛmə daai.»

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 36:29

Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 40:2

Dɔɔmun mąąkpɛ kɔ́kulááɠaa nwun nąmu ɓə Ɉeremi ə kɛ ɲəi. Yɛ Ɉeremi ɓa: «Yai-Laa ə́ wɔ Yálái ɓə mɔ̨nɔ̨i ŋɛ̨i mąą kili tee gwəi, yɛ hvilɛn na gɛɛnąąi ŋɛ̨i ɓa.

Ɉeremi 43:10

Yili pulu, yɛ diɛ: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Gáá wɛlɛɛ tɔɔi nwɔ́ tí mun Nabukodonosorə Babilonə tɔɔmun bulu, gáá nwɔ tɔɔ kpəlin hvilɛn ɉii, gwɛniɠaai ŋɛ̨i ə́ di lɔ ɓɛ di mɛ̨i, diɛ nwɔ tɔɔ wɛɛlɛi hɛlɛn mɛ̨i

Ɉeremi 46:20

Nįŋɛ̨ haa gbɔn nɛlɛɛ ɓaa Eziptə, kɛlaa, vɔnŋaa daa həɠə ɲələi pələ, diɛ pa mɛ̨i.

Ɉeremi 49:19

Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Ɉeremi 6:1

Ka kulɔ Ɉerusalɛmə daai. Bɛnɉamɛn huwuhu nuą ka ka mąąkilɛi kwɛli pələ takpɛli. Ka kɔ́ tulu hvɛɛ Tekoa ka huu pili Bɛtə-Kɛrɛmə, mɛ̨nį ɲąą nwąnąą kaa ka mąą hɛɠii, gaa a lɔi kala mɛ̨nį kɛnɛ̨, gaa həɠəi ɲanwuɔ̨ pələ ɲeeɠaa hu.

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Izikiɛ 12:20

Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Izikiɛ 16:40

Di kaa pai nu kpulu ɲąątɔɔi yɛ́, diɛ ə́ hɔɔ a kwɛni. Diɛ ə́ ɓɛla ɓɛla a di wɔ ɓɔwa kwɛa kwɛaɠaai.

Izikiɛ 21:11

«Hulɔnu lon, 'kɛ ɲiŋɛ̨i, ə́ mąą pɛlɛɛ, a lii ɲą nwąną; 'kɛ ɲiŋɛ́i di ɲɛ̨́i ɓa.

Izikiɛ 26:7

Mąąhɔlɔɓo, mɛ̨nįi Yai-Laa ka wɔ Yálá kaa moi ya ka: Gáá pai Babilonə tɔɔmun, tɔɔɓɛlaa di wɔɔ tɔɔmun, Nabukodonosorə, gáá pai doli, ə həɠə ɲánwuɔ̨ pələ, ə kɔ́ pɛlɛ Tirə ɓa; gaa pai pai a hooɠaa, a kɔ́ kɔ́-wotoloɠaa, a nuąi hoo mɛ̨i, da lɔi ta kpɛliɠaa, a kɔ́kuláá kpulu kɛnɛ̨.

Izikiɛ 36:5

Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.

Habakukə 1:17

Akɛtii, di hvo kɛa pai di wɔ ɓɔwaɠaai lɔi daai, di kaa pai kɛi hį́i taakpɛliɠaa nwun deei lɔ ɲɛ̨imąąwɛli hvo ɉu?

Dutɛrɔnome 28:37

Nu huwuɠaai kpɔ Yai-Laa ka wɔ Yálái kaa pai ka tɛɛi di pɔ, ka káá pai kɛi di yəi a mąą ɲɔwu kɛ hɛn, a hɛn da yɛlɛ kulɔ ɉu, a nuąi da di laa pələ ɓo diɛ kwələn ɉɔɔ a diɛ.