Ɉeremi 25:30 - Yálá laawoo hɛɓɛ (dc)

³⁰ Ɛlɛɛ, yɛ́, mɛ̨nįɠaai ŋɛ̨i kəlee hukulɔ diɛ, yɛ diɛ: Yai-Laa aa lɛɛ yələkɔlɔn ɉu yɛ tomą Aa lɛɛ nwɔ pɛlɛ́ mąąhəɠɛɛ mu, nwoo yɛ tɔɔ, gaa tomąi nwɔ lɔi pɔ yɛ tomą yɛ viɲə yá kulɔ nuą hvúluun nwoo, yɛnɛ̨ɛ̨ nuą kəlee pɔ.

Yálá laawoo hɛɓɛ

³⁰ Ɛlɛɛ, yɛ́, mɛ̨nįɠaai ŋɛ̨i kəlee hukulɔ diɛ, yɛ diɛ: Yai-Laa aa lɛɛ yələkɔlɔn ɉu yɛ tomą Aa lɛɛ nwɔ pɛlɛ́ mąąhəɠɛɛ mu, nwoo yɛ tɔɔ, gaa tomąi nwɔ lɔi pɔ yɛ tomą yɛ viɲə yá kulɔ nuą hvúluun nwoo, yɛnɛ̨ɛ̨ nuą kəlee pɔ.

Bible

³⁰ “M̀ɛni ma, Zɛlemaya, ye ŋ̀óo-ŋai ŋí ƃó dîa. Kɛ́ dîa: ‘Yâwɛɛ a pâi lâɣii kpɔ́ ŋ̀ele-kɔlɔŋ su é ŋɔ́nɔ láɣi kpɔ́ ŋɔpɛ́rɛi-maa-waai mu. A pâi kpɔ́ lâɣii ǹɔii-ŋuŋ-ŋai dîa a ŋánaa. A pâi lâɣii kpɔ́ yɛ̂ɛ nûa ƃé kpɔmɔ-ƃa siâi a gɛɛ dí gɛ́ a ŋwã̂ai. A pâi lâɣii kpɔ́ ǹûai kélee díkaa ɣele mai dí ŋ̀óo mɛ́ni.

Ɉeremi 25:30 Iomraidhean Croise

Samia Veerɛi 15:25

Tɔɔmun yɛ Sadɔkə ɓa: «Pənə ə́ li a Yálá nwɔ kəhii taai. Yai-Laa a kɛ bɔ a ɲɛ̨i lɛlɛɛ hee mą́ą́, gaa pai pənəi ə pa a ɲą́ą́, ə hvaa mą ŋą́ pənə ŋą́ gaa da mąąwiɛ pɛlɛ.

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Kɔlɔnikɔ Veerɛi 30:27

Yili pulu, ɉaláá laa həli nuą da Levi lonnii di di muhəɠə, di lúwɔ́ too nɔi lonnii diɛ, di woo mąn, di wɔɔ hvɛliɓo ə həli yələ kɔ́lɔn mą, Yálá nwɔ mąąhəɠə laa hee pɛlɛ́.

Mąątɛ̨nɛ̨ 11:4

Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa.

Mąątɛ̨nɛ̨ 132:14

Gaa pai kɛi a vį́itɔɔi a yələ kəlee, nąą ɓə gáá pai heei laa, gáá nąą pɔ.

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Mąątɛ̨nɛ̨ 58:5

Di nwąną kaa di hu yɛ kaalə, Di kaa yɛ kaalə wəli wolɔɔ, diɛ di yee lɔ di wəlii.

Mąątɛ̨nɛ̨ 78:65

Ną́mu ə muhəɠə yɛ nu a kɛi háá yíi, yɛ kɔ́kuláái lɔɔ yee aa pɛli mą.

Azaya 16:9

Kwa Yazerə ku kaa wɔlɔi Sivma nwɔ viɲə yɛɛɠaa mɛ̨i, gáá ka yɔwɔi a ɲɛ̨́iyá, yɛ́, Hɛsbɔn ka Eleale; hvó gaai, ə́ wɔ mɔ̨nun dee kwəinɛ̨ɛ̨, da nɔɔ pɛli kwəinɛ̨ɛ̨, mąą aa hvalin a kɔ́ mɛ̨i woo.

Azaya 33:3

Yələ gbąnąą a gɛ, nuą da kɛ pui, yá ə́ muhəɠə, lɔiɠaa da taɠa,

Azaya 42:13

Yai-Laa kulɔ hiɛ ka tii, yɛ kɔ́kuláa, gaa yɛ kɔ́ kɔ́ mun, gaa nwɔ lii kələn gwəi ɲąątɛi, yɛ gɔ́ huu pili, yɛ tómą, yɛ li ɲowoɠaa pɔ pələ yɛ kpakolo.

Ɉeremi 17:12

Tɔɔkpəlin mąąwia kaa hvilɛn ni yələi ə gɔwɔ tɔɔ kpɔ yɛnɛ̨ɛ̨ pɛli hvóló ɓa. Nąą ɓə a ku wɔ kɛɛnąą mąąhəɠɛɛ.

Ɉeremi 25:38

Di kaa lii yɛ yala kulɔ gwənąn ɉu, yɛ li, di wɔ lɔi aa lɛɛ a lɔi mąąwɛliɛ a kɔ́ kɔ́ ɓɔwaɠaa laa pɔɔ, níiholi kɛnɛ̨ pələ ɓa.

Ɉeremi 48:33

Moabə, ə wɔ kwəinɛ̨ɛ̨ hu kɛnɛ̨i gaa ə́ yəi ɲɛa kɔ́ɔɠaa hu, viɲə yɛɛɠaa hu, gəlee kpɛɛ li. Nu huluun nwoo hva kɛa tɔɔ viɲə lɔɔɠaa pɛlii.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Amɔsə 1:2

Amɔsə tii hvaa woo ka, yɛ diɛ: Yai-Laa kaa haŋąi Siɔn taa ɓa, nwoo yɛ tɛ Ɉerusalɛmə daai yɛ yələgbaląą. Ɓɛlaa pulu nuą di wɔ ɓɛlaaɠaai laa míí, gala mąą aa wɛli. Karmɛlə Yee ton na aa kpala.

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Zakari 2:13

Ɲąą gá, gáá pai ɲéé pilii di hu, diɛ too di kpɔwɔ luwɔɠaa yee mu. Yili akɛ tii, ka gɔlɔn gea kaa diɛ; Yai-Laa Mɛ̨nį Kəlee ŋą Hééɓomun ɓə dɔ́ɔ́.

Dutɛrɔnome 26:15

Yili ɓa, yɛi tii ə́ kaa yələkɔlɔn ɉu, ə́ ɲɛ̨i lɛlɛɛ hee ə́ wɔ pɛlɛ mąąhəɠɛɛ ɓa. Yɛ́i ə́ kaa yələi, lúwɔ́ too Israɛlə ɓa. Ə́ wɔ nu huwui da nɔi ŋɛ̨i ə́ dɛɛ ku pɔ, yɛ bələi ə́ ə́ kwɛla la ku nąnni diɛ, nɔi ŋɛ̨i ɲįnįyá da kwɛi nwulɔ di kpoloon naai ɉu yɛ yá.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.