Ɉeremi 25:22 - Yálá laawoo hɛɓɛ (dc)

²² Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Yálá laawoo hɛɓɛ

²² Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Bible

²² Ǹaa kɛ́ɛ tí, ŋá da tɛ̀ɛ Taya da Sidɔŋ kaloŋ-ŋai pɔ́, é pɛ́lɛ gâloŋ-ŋai kɛ̀ ǹyái koo mâ lɔii-ŋai su.

Ɉeremi 25:22 Iomraidhean Croise

Azaya 23:1

Mɛ̨nįi kponąą di mo yɛ hvilɛn Tirə ɓa, ya ka: 'Ka gboo təli, Tarsisə ya ɲą kələnŋąą, mąąhɔlɔɓo, daa ka wɔ taai wolo! Pɛlɛ́ hvo kɛa laa! Kələn dɔɔi hvo kɛa laa! Di kɛɛ həɠəi Siprə lɔi hu pələ ɓə di kulɔ la mɛ̨i.

Azaya 23:15

Nąąlɔwai da lɛ̨ą Tirə ɓa, kwɛlan bow mɛ̨ihveelɛ yee mu, yai a tɔɔmun dɔ̨nɔ̨ ŋą. Gwɛlan bow mɛ̨ihveelɛi tii a tɛɛ, mɛ̨nįi nwələwoo ə mo yɛ hvilɛ na nwɛlikɛ nɛ̨ɛ̨nui ɓa, yili a həli Tirə ɓa; yai ə kɛ mą:

Azaya 23:4

Nwumɛ̨ aa tɛ a yɛ́, Sidɔn, gboloyá kwɛlɛ taa walawala! Gboloyá kaa kɛi diɛ: «Və́ kwəinwąną kɛ li, və́ lon gaa li, və́ lon ɉinąą kulɔ li ɉu, və́ lon nɛ̨ąą ɲąąkɔn ni.»

Ɉeremi 27:3

ə́ da tɛɛ Edɔmə tɔɔmun da Moabə tɔɔmun ma, Amɔn lonnii di wɔ tɔɔmun, Tirə tɔɔmun, da Sidɔn tɔɔmun; di wɔ kɛlaɠaai tii pa Ɉerusalɛmə, Ɉuda tɔɔmun Sedesiasə pɔ ə́ dɛɛ di pɔ dəli la.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 47:4

Volói ŋɛ̨i pai, Filisti nuą kəlee ɲąą yii mɛ̨nį ɓa, nu tɛitɛi kəlee da kpɔnmąą tɛɛ Tirə da Sidɔn di pɔ, di paa mɛ̨nį ɓa. Gaa tii, Yai-Laa kaa Filisti nuą kpɛɛi yɛnɛ̨ɛ̨, diɛi di kaa Kaftɔrə dínɉu gboloyá hąmąi di wɔ nu gbəliɠaa.

Izikiɛ 27:27

Ə́ yəi hɛnŋaa, ə́ wɔ lɔwɔ tiɛ̨, ə́ wɔ hɛn gɔwɠaai, ə́ wɔ kələn ɉiɛ nuąi, ə́ wɔ kələn ɉu kóló kɛ nuąi, ə́ wɔ lɔwɔ́tɔɔ nuąi, ə́ wɔ mįnɛ̨ ɓaala kóló kɛ nuąi, ə́ wɔ kɔ́ kúlaaɠaai, nuąi kpɔ da di ɲąąkpɔn ə́ pɔɔli, gəlee da too gboloyá hu, a ɲələi yá lɛɛ la ɲai.

Izikiɛ 28:1

Yai-Laa woo ə həli mą́ą́, yɛ mą́ą́:

Izikiɛ 28:20

Yai-Laa woo ə həli mą́ą́, yɛ mą́ą́:

Izikiɛ 28:21

«Hulɔnu lon ə́ ɲɛ̨i tinɛ̨n Sidɔn pələ, ə́ gwə́i mɛ̨nį hukulɔ mą.

Izikiɛ 29:18

«Hulɔnu lon, Babilonə tɔɔmun Nabukodonosorə aa naa tɛ kóló kɛnɛ̨ mu; a kɔ́ pɛlɛi ə mo Tirə ɓa: nu kəlee nwun galaanŋąąi, di ɓonwon gəlee hu ɓɛlaa; kɛlaa hvo vɛla hɔlɔɓo li Tirə, ə mą kɛ ŋą kɔ́kulááɠaai hvɛla; gɔ́ kɛnɛ̨i ti di gɔ́ da Tirə taa, ə kɛ kpɔlɔ mąa kpɛli.

Izikiɛ 32:30

«Ɲa nwuɔ̨ pələ, lɔi nąmįną kaa laa, di kəlee, da Sidɔn nuąi kpɔ daa yɛɛ haa nuą pɔ; diɛi tii kɛi ɲɔw too nuą hui. Nwumɛ̨ aa hee di ɲɛ̨i, bələi mąn tii di walaa kɛ la, di kɛi mɔ̨ɔ̨ a kɛ́nɛ̨ kpolɔwaɠaa, da nuąi kɔ́ kɔ́ ɓɔwa ə ɓɔ di hu, da diɛ ni ɓə laa ni. Nwumɛ̨ aa lɛɛ diɛ, diɛ li la, nuąi da yɛɛ nɔwa hu, di pɔ.

Izikiɛ 39:6

Gáá pai nwɔ̨n bilii Magɔgə hu, da gboloyá hɛ̨ąi lɔi hu nuą, di kaa laa a di wəli pulu laɠia; bələ ɓə da gili kɔ́lɔn na, diɛ kɛ. Hɛn gəlee Nąmu ɓaa a ɲą́ą́.