Ɉeremi 25:15 - Yálá laawoo hɛɓɛ (dc)

¹⁵ Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Yálá laawoo hɛɓɛ

¹⁵ Nwooi Yai-Laa Israɛlə nwɔ Yálá ə mo mą́ą́, ya ka, yɛ mą́ą́: «Nɔɔ gbamąi ŋɛ̨i hon ɲə́i, yai naahvɛɛ a nwɔ́ liiholi lɔɔ kpəɠiɛ; nɔiɠaai gáá ə́ tɔɔ di pɔ, ə́ dɔɔ di la.

Bible

¹⁵ Eezuɛ Ɣalai Yâwɛɛ è mò ǹyɛɛ, “Ŋá lii ŋwânai káa yɛ̂ɛ ŋwã̂ai ŋí gáa gbele-kɔɛɛi ŋí sui. Zoŋ í lí la í dɛɛ ǹɔii-ŋuŋ-ŋai pɔ́ nyíi-ŋai ńii ŋwânai dîai a gɛɛ dí gbele.

Ɉeremi 25:15 Iomraidhean Croise

Zôo 21:20

Diɛ kpinįi di ɲɛ̨i ə tɔɔ di hu kala mɛ̨nį hu, di Huwalawala Kəlee Nąmu nwɔ líiholii kɔ́ɔn di gaa.

Mąątɛ̨nɛ̨ 11:6

'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ.

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

Mąątɛ̨nɛ̨ 75:8

Yálá ɓə a kiti tee, yaa lɔ ɓə a nu mąą yɛɛ, yɛ nu nwun muhəɠə.

Mąątɛ̨nɛ̨ 75:9

Yai-Laa nwɔ lɔɔ kɔ́wɔi kaa ɲəi, yɛ nɛ̨n, gbəiyɛ, gaa pai dɔɔi nɔi hu nu kan ɲɔ̨nwɔ̨ɔ̨ɠaa kəlee la, diɛ gbələ, diɛ gbo kəlee kpələ.

Azaya 14:26

Mɛ̨nįi ŋį́ mąą kili tee gwə́i yɛ hvilɛn na lɔi kəlee ɓa, ya ka tii; ɲééi ŋį́ bili lɔi kəlee hu, ya ka tii.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Ɉeremi 1:5

«Ɉeremi! Di hvo nii kpɛli kɛ ə́ mąą koo həɠə li ŋį́ ə́ kɔ́lɔn gɛ. Di hvo nii kpɛli kɛ ə́ kaa li, ŋį́ ə́ həɠə ɉu a nwɔ́ɔ́, ə gɛ, ə́ tí mą́ą́; ŋį́ ə́ kɛ a gwə́i mɛ̨nį hukulɔ mun lɔiɠaa diɛ.»

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 43:11

Gaa pai Eziptə lɔi kɛlɛi, nui haa pɛ̨ɛ̨ nwuɔ̨, ə lɛɛ haa yəi, nui luwɔlaa pɛ̨ɛ̨ nwuɔ̨, ə li luwɔlaa hu, nui ɓɔwa kwɛa pɛ̨ɛ̨ nwuɔ̨, ə lɛɛ ɓɔwa kwɛa yee kɔ́nma.

Ɉeremi 45:5

Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Ɉeremi 46:1

Yálá kwəi mɛ̨nį hukulɔ mun Ɉeremi, Yai-Laa ə mɛ̨nį ɓo mą, yɛ hvilɛn na yɛnɛ̨ɛ̨ lɔiɠaa diɛ.

Ɉeremi 48:26

Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Ɉeremi 49:12

Gaa tii, Yai-Laa woo ka: «Nuąi kɛ mąą hvo nɛ̨ɛ̨li di hvo nɔɔ ta kpələ, da di kpaan, diɛ da tɔɔ di la, ɛlɛɛ, yɛ́i ŋɛ̨i ə́ nwun a kulɔ ɉu, hva kɛ tii, ə́ nwun va kulɔ ɉu, hva ɉəɠə mą, ə́ kaa pai da kpələi.

Ɉeremi 51:7

Babilonə ə kɛ Yai-Laa yəi yɛ hɛni gəgən, ə kɛi lɔi kəlee kɛ a lɔɔ hon, yɛnɛ̨ɛ̨ nuą di kɛi nwɔ lɔɔi kpələ, diɛ ɓowo la.

Izikiɛ 23:32

Mąąhɔlɔɓo, Yai-Laa woo ka, yɛ: Ə́ liɛ nɛ̨ɛ̨nu ŋą gbąmąi, yá ɉu ya gbələ: Yai a ɉugbunŋąą hu kɛnɛ̨. Gaa pai kɛi a yɛ́lɛ́ kulɔ ɉu hɛn, diɛ di woo həɠə mą; ɉu kɛnɛ̨ pələ ɓa.

Izikiɛ 23:33

Ə́ kaa pai piləi lɔɔ hu, da mɔ̨nɔ̨; mɔ̨nɔ̨ da kwəi pili gbamą li, a ə́ liɛ nɛ̨ɛ̨nu Samari ŋą gbamąi ti.

Izikiɛ 29:12

Gáá pai Eziptə lɔi kɛi a lɔi pun, lɔi punŋaa lɔwai, nwɔ taaɠaai da kɛ a taai nu hva kɛ ɉu taa kpoloonŋąą lɔwai, kwɛlan bow nąąn ɲee mu; ɛlɛɛ, gáá pai Eziptə nuą taɠa taɠai lɔiɠaa hu; gáá pai di taɠai lɔiɠaa lɔwai.

Izikiɛ 36:5

Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Abdiasə 1:16

Kaai ɓaa Israɛlə nu huwu, kaa gbɛa nwɔ́ liiɲąnwąną kpələ kɔ́wɔi hu lɔɔ kpələ, nwɔ́ yee ŋɛ̨i ɉéé pɛlɛ kaa tɔɔ ni mɛ̨i, mą. Yii ɓaa nɔi yiiɠaa tii di wɛi, gbəlɛɛ hvo pai kpɛlai pələi, di kaa pai gbələi, ə di kɛlɛ. Yili pulu, di kaa pai kpɛɛi kpɔ lɔi mɛ̨i tɛ̨ɛ̨tɛ̨ɛ̨??.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

M̀ɛni-lɛɛi 14:19

Malakai tii ə nwɔ ɓowa ɲąąliɛi hiɛ lɔi mɛ̨i, ə lɔi mɛ̨i viɲə gbɔlu kəlee kulɔ ɉu, ə gbɔlu kəlee pu gbɔwɔ́ kɛnɛ̨ɛ̨i hu, yai a Yálá ŋą liiɲąnwąną kɔwɔ́-lai.