Ɉeremi 24:7 - Yálá laawoo hɛɓɛ (dc)

⁷ Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Yálá laawoo hɛɓɛ

⁷ Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Bible

⁷ Ŋa pâi gɛ̂i ḿaa mɛ̂ni é lɛ́ɛ díkili ŋá dí gɔ́lɔŋ a gɛɛ ńyãa ƃa Yâwɛɛ. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla, kpɛ́ni fêi, da pâi tínanîi ḿbɔ naa pere a dí líi kélee.

Ɉeremi 24:7 Iomraidhean Croise

Kɔlɔnikɔ Veerɛi 6:38

da pənə da pa Ə́ pɔ a di kwəi kwəlɛɛ, a di lii kəlee, ɓɛi tii di li laa a diɛ nuwɔlaa hu, da Ə́ hvɛli di ɲɛ̨i tínɛ̨nŋąą di wɔ lɔi pɔ pələ, a nɔi ɲɛ̨i Ə́ dɛɛ di nąnni pɔ, daai Ə́ gɛ a Ə́ liiɓa taa bɔ pələ, da Bɛlɛ ɲɛ̨i ŋį́ dɔɔ Ə́ Laa ɓa bɔ Pələ;

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Azaya 51:16

Ŋą́ nwóóɠaa pu ə́ la, ŋį́ ə́ mąąkɔ̨nwɔ̨ ɲéé nįnįn mu, gɛ́ yələkɔlɔn naa, gɛ́ lɔi hvilɛn, ɛlɛɛ, gɛ́ kɛ Siɔn ɓai: «Nwɔ́ nu huwu ɓaa yɛ́.»

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Ɉeremi 30:22

Ka káá nwɔ̨nɔ̨ pai kɛi a nwɔ́ nu huwu, ɲą́ą́n, ŋą́ ɓo a ka wɔ Yálá.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Izikiɛ 11:17

'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.

Izikiɛ 14:11

Bələ ɓə Israɛlə pɛlɛ́ hva kɛa lan na, yɛ mąą kwɛa mą́ą́; hva kɛa nɛ̨ŋɛ̨n ɉəɠə a nwɔ kulɔ nwoo mu mɛ̨nįɠaa, yɛ pɛli kɛi la a nwɔ́ nu huwu, ɲą́ą́n gɛ́ kɛ a nwɔ Yálá. Mɛ̨nį kəlee ŋą Hééɓomun Yálá woo li.

Izikiɛ 16:62

Gáá pai nwɔ́ mįnɛ̨i laai gwa yɛ́ gu lɔwai, yɛ́ kɛa gili kɔ́lɔn na yɛ́ kɛ Yai-Laa ɓaa ɲą́ą́.

Izikiɛ 37:23

Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Izikiɛ 37:27

Ɉéé pɛlɛ́ kaa pai kɛi di kwɛlɛ, gáá pai kɛi a di wɔ Yálá, diɛn, di ɓo a nwɔ́ nuą.

Izikiɛ 39:22

Ə həɠə mąą yələ ɓa, yɛ li la tɔwɔ pələ; Israɛlə nwɔ pɛlɛ́i a gili kɔ́lɔn yɛ kɛ Yai-Laa, di wɔ Yálá ɓaa a ɲą́ą́.

Osia 2:22

Gáá ə́ həɠəi a nɛ̨́ą, vá ə́ ɓowo, ɛlɛɛ, ə́ kaa pai Yai-Laa kɔ́lɔn ɉii.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Zakari 8:8

Gɛ́ pənə gɛ́ pa a diɛ, diɛ hee Ɉerusalɛmə daa kwəi, di kaa pai kɛi a nwɔ́ nu huwu, ɛlɛɛ ɲą́ą́n, ŋį́ ɓo a di wɔ Yálá, kulɔ nwoo ɓa laa hu, da tələnmolaa hu.

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Samuɛlə dɔlɔɔ 7:3

Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»