Ɉeremi 24:10 - Yálá laawoo hɛɓɛ (dc)

¹⁰ Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Yálá laawoo hɛɓɛ

¹⁰ Gáá kɔ́ pɛlɛi diɛ, ŋį́ pulu too diɛ, da ɲɔ̨n, əlɛɛ ɉu, di kpɛɛ nɔi ŋɛ̨i hu, yai ŋą́ dɛɛ di pɔ da di nąnni.»

Bible

¹⁰ Ŋa pâi kɔ́ toôi dísama, ŋá puru tóo dîa, ŋá tela kɔlɔ-fela nyɔ́mɔɔ píli dîa é lɛ́ɛ la zu ŋá díkelee kpɔ́ dípaa díkula ǹɔii ŋí su nyíi ŋá wɔ́lɔ dɛ̀ɛ dínâŋ pɔlɔ-ŋai pɔi.”

Ɉeremi 24:10 Iomraidhean Croise

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Azaya 51:19

Mɔ̨nɔ̨ hveelɛi daa laa ə́ mɛ̨i, gbɛɛ ɓə pai ə́ wɔ woo laa kɛi? Kɛɛ kalaa da hukala ɓo, pulu da kɔ́ kɔ́ ɓɔwa; gbɛɛ ɓə pai ə́ kpəla ɓoi?

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 15:2

Ɛlɛɛ, da kɛ yɛ́: «Minɛ̨ ɓə kwa li laa?» Yá kɛ diɛ: Yai-Laa woo ka, yɛ diɛ: Nui haa pɛ̨ɛ̨i nwuɔ̨, ə li haa pɔ pələ. Nui kɔ́ kɔ́ bowa laa pɛ̨ɛ̨i nwuɔ̨, ə li kɔ́ kɔ́ ɓɔwa pɔ pələ. Nui pulu pɛ̨ɛ̨i nwuɔ̨, ə li pulu pɔ pələ. Nui kɔluwɔlaa pɛ̨ɛ̨i nwuɔ̨, ə li kɔluwɔlaa hu.

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 21:9

Nui pai kɛi daai ŋɛ̨i hu, pulu, ɲɔ̨n walawala, da kɔ́ kɔ́ ɓɔwa, ya ɓə pai baai. Kalde nuą daa kɔ́ pɛlɛ daa ɓa, nui pai kulɔi daai yɛ gbɔwɔ tɛɛ di pɔ, mąą nu a lɛɛ a vulú, nwun na kaa pai nɛ̨ɛ̨i, mąąhɔlɔɓo, gaa pai nwɔ yɛnɛ̨ɛ̨ laa hɔn moi.

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 29:17

mɛ̨nįi Yai-Laa Mɛ̨nį Kəlee ŋą Hééɓomun kaa moi di laa mɛ̨i, ya ka, yɛ diɛ: Gáá pai hvilɛn ɉii di pulu a ɓɔwa kwɛaa, da nu paa ɲɔ̨n, gɛ́ di hon yɛ wulu ɓa ɲɔ̨nwɔ̨ɔ̨ yii nu hva pɛli mįi.

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 32:24

«Babilonə nuą ka, di kaa pai, di hvaŋą kɛnɛ̨, diɛ kɔlaɠa pɛlɛ daa ɓa, di kaa pai daa hon ɉii, daa gbɛa daa kwɛlɛ diɛ, gwa mo kpɔ tii, di yee yɛi tɛɛ daa ɓa, a kɔ́ kɔ́ bowa, da pulu, ɛlɛɛ da kwəi kulɔ ɲɔ̨n; yɛ́n, ə́ heɛ yɛ́ nąą kaa.

Ɉeremi 32:25

Ɛlɛɛ, Yai-Laa nwɔ́ Yálá, yaan yɛ́ ɓə kɛ mą́ą́: ‹Díi ŋɛ̨i yá, nwali lono, gəlaɠaa ɲɛ̨i ɓa, ya pa, daa ə ɓo kɛa Kalde nuą yee kɔ́nma.›»

Ɉeremi 34:17

Yili mąą mɛ̨nį ɓa, Yai-Laa woo ka, yɛ diɛ: «Ka hvo lɛɛ li nwóó mu, ka hvo ka kaayɔwɔɠaa da ka nąn nonnii lɛɛ li di kpɔɔ ɓa: ‹Ɲą́ą́ gbɛli, gáá ka lɛɛ mɛ̨nį ka kpɔɔ yee kɔ́nma loloɓoi, gɛ́ ka lɛɛ ɓɔwa kwɛa yəi, da ɲɔ̨n, da pulu; Yai-Laa woo li. Gáá ka kɛi a hɛn yɛnɛ̨ɛ̨ tɔɔɓɛlaa kəlee da ɲɔw mą.›

Ɉeremi 42:17

Nuąi kpɔ pai di ɲɛ̨i haŋąi Eziptə pələ, diɛ di mąą kilɛ laa, ɓɔwa kwɛa ɓə pai di paai, da pulu, ɛlɛɛ nu paa ɲɔ̨n. Mɛ̨nį ɲąąnwąnąąi gaa pai ɲɛɛi a di nwun, nu ta hva kulɔ ɉu, nu ta hva lɛɛ a vulú.

Ɉeremi 42:22

Ka ka kili lɛɛ ɉu, káá diɛ ɓɔwa kwɛa kaa li ku paai, ɛlɛɛ, pulu da ɲɔ̨n. Ɓɛi tii ka káá bɔ ka li laa, ka ka mąą kilɛ laa.»

Ɉeremi 5:12

Daa lənə Yai-Laa ɓa, diɛ kɛ diɛ: «Ho laa! Mɛ̨nį nwąnąą hvo pai laai kuɔ, kɔ́ hvo pai həlii kuɔ, ə mą kɛ, pulu.

Ɉeremi 9:15

Gáá pai di taɠa taɠai lɔiɠaa hu, ɓɛi di hvo naa kɔ́lɔn, diɛ man-o di nanii-o, ə lɛɛ ŋį́ kɔ́ hvilɛn di pulu, ə lɛɛ ɉu, di haa.

Ɉeremi 9:16

Mɛ̨nį Kəlee ŋą Hééɓomun Yai-Laa woo ka, yɛ diɛ: Ka ka kiliŋąhiɛ kɛa, ka ɉaa wɔlɔ ɓo nɛ̨ąą təli, yiiɠaa kpɔ di wɛlɛɛ, di pa.

Izikiɛ 33:27

'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Izikiɛ 6:11

Yai-Laa woo ka, yɛ: «Ə́ yee kɛlɛ gee ɓa, ə́ kɔ́wɔ kɛlɛ nɔi ɓa; 'tómą a gboo woo. Israɛlə nu huwu nwɔ tuwɔ pələ ɲɔ̨n gəlee ɓə pai gɛi yɛ too la a ɓɔwa kwɛaa laa pɔɔ, da pulu, da lɔi kala ɲɔ̨n naa pɔɔ.

Izikiɛ 7:15

Gɔ kɔ́ ɓɔwa kaa pai kɛi bələ mɛ̨i, ɲɔ̨n da pulu di ɓo bɛlɛ́n bələ. Nui yɛa, gaa pai haai a kɔ́ kɔ́ ɓɔwa laa pɔɔ; nui tai, pulu da ɲɔ̨n mə pai ɉu kalai.

Dutɛrɔnome 28:21

Yai-Laa kaa pai nu huwu pu ɲɔ̨n bɛlɛi kaa, ə lɛɛ la ɉu, ka kpɛɛ, nɔi ŋɛ̨i ka káá lii ɉɔlɔɓoi ɉu.

M̀ɛni-lɛɛi 6:8

Ɛlɛɛ, ŋą́ ɲɛ̨́i hee, ŋą́ hoo ta kaa dɛɠiɛ mu kwɛlɛɛ. Nui kɛ heeni mɛ̨i, naa ɓaa a: Haa, ɛlɛɛ, ŋąmuątaa ɲɛ̨i kɔw hvilɛn ŋąą bulu. Di mąąlaa tɛɛ di pɔ, yɛnɛ̨ɛ̨ ɓɛlaɓoɔ ɉu nąąn, bələ tɔ̨nɔ̨ mɛ̨i, ə gɛ, di ɉu nuą paa a ɓɔwa kwɛa, a pulu, da lɔi kala ɲɔ̨n, ɛlɛɛ, da lɔwɔ huwɔ huwui lɔpee lɔi mɛ̨i.