Ɉeremi 23:28 - Yálá laawoo hɛɓɛ (dc)

²⁸ Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Yálá laawoo hɛɓɛ

²⁸ Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Bible

²⁸ Tɔɔ ɣâla-ŋɔlóno kɛ́-nuui nyíi see ƃôi, é m̀ó a gɛɛ è see ƃô, kɛ́lɛ ɣâla-ŋɔlóno nuui nyíi ŋáworɛ̂-wooi mɛ̂nii, tɔɔ é m̀ó a teniŋ ƃô pere. Ya pɔ̂ri kala kɔɔ̂ni léŋ wîi ma?

Ɉeremi 23:28 Iomraidhean Croise

Tɔɔɓɛlaa dɔlɔɔ 22:14

Mise yɛ mą: «Yii kpɔ Yai-Laa kaa a vulú, mɛ̨nįi Yai-Laa kaa lii kɛi mą́ą́: ‹Mo!› ya ɓə gáá lii moi.»

Tɔɔɓɛlaa dɔlɔɔ 22:16

Kɛlaa, tɔɔmun yɛ Mise ɓa: «Ə́ kaa bɔ ŋį́ kɛ yɛ́ ə́ kwɛla gee mɛ̨i yɛli Yai-Laa ɲɛ̨i ɓa, ə gɛ, ə́ tɛ̨ą ɓo mą́ą́?»

Hanwon 14:5

Kɛlai a tɛ̨ą ɓo, hva nu ɓowo. Kɛlaa, lɛɛ kɛla hvaa ɓomun, lɛɛ lɔ ɓə a gɛ.

Azaya 21:10

Yɛ́i ŋɛ̨i Ną́mu aa ə́ tan, yɛ bələi da mɔ̨nun dan na, mɛ̨nįi ŋį́ mɛ̨n, yɛ kulɔ Yai-Laa Mɛ̨nį Kəlee ŋą Hééɓomun la, yai a Israɛlə nwɔ Yálá, ya ka ŋɛ̨i gáá ɉukulɔi yɛ́.

Ɉeremi 23:25

Nuą tii da kɛ mɛ̨nį ɓoi a náá, a lɛɛ, ŋį́ kɛ di woo mɛ̨n ɉii, diɛ kɛ diɛ: «Ŋą́ą́ hįį kaa! Ŋą́ą́ kɛɛ kaa!»

Ɉeremi 42:4

Yálá kwə́i mɛ̨nį hukulɔ mun Ɉeremi yɛ diɛ: «Ŋą́ą́ mɛ̨n, gáá ka mąą nɛ̨ɛ̨mąą hvəi Yai-Laa ka wɔ Yálái ɓa, yɛ bələi ka káá ɉu hvɛlii la mą́ą́. Bələi lɔpee Yai-Laa a ka woo pulu pənə la, ŋį́ ɉukulɔ kaa; va da loo gwə́i.»

Ɉeremi 9:12

Yai-Laa yɛ diɛ: Mąąhɔlɔɓo, mɛ̨nįi ŋį́ di kalan na, daa nɛɛ laa, di hvo di wəli tɔɔ li nwóó ɓa; di hvo gɛ li di hvo hvilɛn búlú.

Ɉeremi 9:20

nwɔlɔ kpɔ ka: «Haa kaa tɛi a bɛlɛ́ nwąną; aa lɔ gu wɔ pɛlɛ pɛlɛɛɠaai mu, yɛ lon nwun napili gwəliɠaa lɔwai, yɛ muhəɠə nįnɛ̨ɠaa paa gwəli heaiɠaa ɓa.»

Izikiɛ 13:3

Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Korɛntə dɔlɔɔ 4:2

Yaan, yii da ɉuhvɛli hɛn mɛ̨ikaamun ma, ya ɓaa, ə kɛ a dələnmoɔ.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Timote dɔlɔɔ 1:12

Gáá gu Ną́mu Jesus Kristə mąmąɓoi, yai vaŋą tɛɛ bɔ́, ə gáá a nui mąąnɛ̨ɛ̨ ə gilitɔɔmą, ə ɉə́ɠə, ə gɛ́ a ŋą tímun,