Ɉeremi 23:25 - Yálá laawoo hɛɓɛ (dc)

²⁵ Nuą tii da kɛ mɛ̨nį ɓoi a náá, a lɛɛ, ŋį́ kɛ di woo mɛ̨n ɉii, diɛ kɛ diɛ: «Ŋą́ą́ hįį kaa! Ŋą́ą́ kɛɛ kaa!»

Yálá laawoo hɛɓɛ

²⁵ Nuą tii da kɛ mɛ̨nį ɓoi a náá, a lɛɛ, ŋį́ kɛ di woo mɛ̨n ɉii, diɛ kɛ diɛ: «Ŋą́ą́ hįį kaa! Ŋą́ą́ kɛɛ kaa!»

Bible

²⁵ M̀ɛnii ǹɛ́ɛ ɣâla lòno kɛ́-ƃelai tí dí mò a ńaai, ŋá gélee kɔ́lɔŋ. Dí mò a gɛɛ ŋá worɛ̂ tɛ̀ɛ a dia nyiî-pere.

Ɉeremi 23:25 Iomraidhean Croise

Zɛnɛse 37:5

Yələ ta, Ɉosɛfə ə hįį kaa, ə ɉukulɔ niɛni diɛ, yili ə nwɔ wɛli kpɛɛ mąą laa ta pɛlɛ mą niɛni yəi.

Zɛnɛse 37:9

Ɉosɛfə ə pənə nwɔ̨nɔ̨ ə hįį takpɛli kaa, ə li nwɔ̨nɔ̨ ə ɉukulɔ niɛni diɛ, yɛ diɛ: «Ŋą́ą́ nwɔ̨nɔ̨ hįį kaa, ŋį́ hvóló kaa, ɲąnin da pɛmɛ̨lɛ̨n-gɔw pow kɔ́w tanɔ̨n, di pa di pɛlɛ gɔ́wɔ́ mu.»

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 139:4

Nwooi gɛ́ ŋį́ mo, hva kpɛli ni tɛ ná, Yai-Laa yáá mąn gɔlɔn.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Ɉeremi 14:14

Yili ɓə gɛ, Yai-Laa ə nwóó pulu pənə, yɛ mą: «Lɛɛ ka tii di gɛ a náá, ɲą́ą́ hvəi di tɔɔ la, və́ mɛ̨nį ta ɓo li diɛ. Di kɛ diɛ: daa kɛɛ kaa, daa mɛ̨nį mɛ̨n, lɛɛ ka tii di gɛ, di kwəi kiliŋąhiɛ lɔ li, diɛ mɛ̨nį kulɔ di nwun ɉu, diɛ mo. Bələ ɓə diɛ da kɛ gwə́i mɛ̨nį hukulɔi la a lɛɛ.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 27:10

Lɛɛ ka tii di kaa gɛi káá; Di káá ka mąą kwɛai ka wɔ lɔi ɓa. Gáá pai ka taɠa taɠai, káá haa.

Ɉeremi 27:15

Yai-Laa yɛi: ‹Ɲą́ą́ hvəi di tɛɛ li, mɛ̨nįi di kaa moi a náá, lɛɛ li. Yili mąą mɛ̨nį ɓa, gáá pai ka taɠa taɠai, ɛlɛɛ, káá haa, káá mąn, da nuąi mąn, ká wɔ Yálá kwəi mɛ̨nį hukulɔ nuąi lɛɛ kɛ káá.›»

Ɉeremi 29:23

Di wɔ nɛ̨ŋɛ̨n kaa a mɛ̨nįi bələ hva ɓo Israɛlə lɔi hu; di kaa wɛli mɛ̨nį hu da di ɓɛlaa di nɛ̨ąni, diɛ mɛ̨nį ɓo a náá a lɛɛ; ya pa, və́ mɛ̨nį ta ɓo li diɛ. Gbaɠala kaa mą́ą́, ɛlɛɛ, gɛla ɓaa ɲą́ą́ gbinįi. Ɲą́ą́ Yai-Laa nwóó li!»

Ɉeremi 29:8

«Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Ká hvo nɛɛ laa, nuąi di kaa ka lɔwai, diɛ kɛ di kaa Yálá kwəi mɛ̨nį hukulɔi, da dɔlukpɛ nuą di hvo ka ɓowo, ɛlɛɛ, ka hvo ka kilitɔɔ ka wɔ hįi wooɠaa diɛ.

Ɉeremi 8:6

Ŋą́ nwə́li tɔɔ kpɔ a nɛlɛɛ, di hvaa woo ɲąą hvo mą. Da lɔpee hvo ɲee kulɔi nwɔ kili ɲɔ̨nwɔ̨ɔ̨ hu, yɛ diɛ: «Akɛti lə ɓə ŋɛ̨i gáá gɛi?» Nu kəlee kaa lii nwun ma, yɛ hoo aa kɛi pili kɔ́ hu.

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 22:28

Nwɔ Yálá kwəi mɛ̨nį hukulɔ nuąi, kaa di tɛi hvaŋą a ɓowo woo, diɛ kɛɛɠaa kaa, hvo mɛ̨nį mąąkpɛɛ; diɛ lɛɛ mɛ̨nįɠaa hukulɔ, diɛ kɛ diɛ; Mɛ̨nį kəlee ŋą Hééɓomun Yálá woo ka, ya pa Yai-Laa hvó kɛ mɛ̨nį ta ɓo li diɛ.

Zakari 13:3

Nąąlɔwai nui a tɔɔ, yɛ kɛ gaa Yálá kwəi mɛ̨nį hu kulɔi, gaa nuą kpįnįi kpɔ-kpɔɔ da kɛ mą: «Mąą hvo kɛa nɛ̨ɛ̨li hvó lɛɛ yɛnɛ̨ɛ̨, lɛɛ ka tii ə́ kaa gɛi a Yai-Laa laa!» Ɛlɛɛ, gaa nąn gbinįi kpɔ-kpɔɔ da gaa lee kpįnįi kpɔ-kpɔɔ, di kaa pai ɓɔi ɉu a kpala, ɓɛlɔwai gaa pai kɛi nwɔ lɛɛ hvaa tii ɓoi la.

Lonon mo 12:6

Yɛ diɛ: «Ka ka wəli tɔɔ nwóó ɓa. Nu ta a kɛ ka lɔwai a gwə́i mɛ̨nį hukulɔ mun, ɲą́ą́ Yai-Laa, ŋą́ gbɔ́wɔ́ lɛ hįį pələ, gɛ́ mɛ̨nį ɓo mą.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Lukə 12:3

Yili ɓə gaa mą, mɛ̨nį lɔpee ka mo kpinįi, a ɓo hvóló ŋą. Da yii nwɔ̨nɔ̨ ka mo kpinįi nuą wəli la, pɛlɛ laa kpulɔɔ mu, da mo pɛlɛ kɔ́ma a lolo.»

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.