Ɉeremi 23:24 - Yálá laawoo hɛɓɛ (dc)

²⁴ Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Yálá laawoo hɛɓɛ

²⁴ Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Bible

²⁴ Núu da fa ǹoo ƃɛ́i ḿve naa kɔ́lɔŋ. Káfe gɔ́lɔŋ a gɛɛ ŋ́gaa kwaa kélee ma, é kpîŋ kɛ́ a ŋ̀elei su, kpaa máŋ ǹɔii ma?

Ɉeremi 23:24 Iomraidhean Croise

Zɛnɛse 16:13

Hagarə ə gbɔɠɔ mąąnikɛ, yɛ mą: «Akɛtii nui ŋɛ̨i mɛ̨́i kaai, ɲɛ̨́i ə tɔɔ mą ɓə ti?» Naai tii ɓə Hagarə ə ɉee Yai-Laa ɓa, di lawoo hu, yɛ kɛ mą: «Ə́ kaa a Ɛlə-Roi Yálá yii ɲɛ̨i kaa mą́ą́.»

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Kɔlɔnikɔ Veerɛi 2:6

A kɛ tii kani, yɛlɛkɛmun dɛɛ mą́ą́ yiihu, nwəlɛɛ hɛni kóló kɛi, da wali, da kwɛli kpɔlu, da kwɛli kpəlee, yɛ pɛli həɠə ɲɛ̨i pɛ̨ɛ̨, a gbɔluɔ, a gbɔluɔ gbələ tə tə, a vilii ɓoɔ, əlɛɛ nwəlɛɛ hɛnŋąą mąą nįnįn ɉaɠai a wulu, di kaa pai kóló kɛi gee pɔ, ɲɛlɛkɛnuą yiiɠaai ŋɛ̨i ɓɛ bɔ́i, Ɉuda lɔi hu da Ɉerusalɛmə; ną́n Davidə ɓə yiliɠaai mąąkwɛli.

Kɔlɔnikɔ Veerɛi 6:18

Yálá a pɛli mɔ̨ɔ̨ heei nuą lɔwai ɓɛ yɛnɛ̨ɛ̨ kpɔ a neelee? Yələ kɔ́lɔn yaa kpįnįle, da yələ kɔ́lɔn mɛ̨i pələ, di hva pɛli Ə́ mu! Gu hvo mun kɛ bɛlɛi ɲɛ̨i ŋį́ dɔɔ yɛ́i!

Zôo 34:21

Mąąhɔlɔɓo, Yálá ɲɛ̨i kaa nu tɛitɛi kəlee mąąkpɛɛi, yɛ gɔwɔ hvilɛn ɉii tɛitɛi kəlee kaa,

Zôo 34:22

Ə mą kɛ kpinį ɓə, ə mą kɛ haa ɓə, di hva pɛli mɛ̨nį ɲɔ̨n gɛ mun bulu kpinįi.

Mąątɛ̨nɛ̨ 10:11

Yɛ kɛ gwəi pələ: «Yálá aa lɛ̨ą yili ɓa, aa ɲįnąą kpulu, hvo mɛ̨nį lɔpee ta kaai.»

Mąątɛ̨nɛ̨ 139:7

Mį́ kpɔ ɓə ŋą́ pɛli lii laa, hvá gáá? Mį́ kpɔ ɓə ŋą́ pu, ŋą́ li laa, vá kɛ ə́ ɲɛ̨i mu?

Mąątɛ̨nɛ̨ 139:8

Ŋą́ tɛ yələi pələ, yɛ́ ka! Ŋą́ yɛɛ ɲąmuątaa, ə́ ɓo laa!

Mąątɛ̨nɛ̨ 148:13

'Ka Yai-Laa laa mąątɛ̨nɛ̨, mąąhɔlɔɓo naa kɛnɛ̨i, yaa tanɔ̨n gbən, Mąąɲįnɛ̨n ɉeɛi lɔi da yələ kɔ́lɔn di mɛ̨i!

Mąątɛ̨nɛ̨ 90:8

Yáá ku wɔ nɛ̨ŋɛ̨nŋaai laa ə́ ɲɛ̨i mu, yáá ku wɔ loo mɛ̨nįɠaai laa ə́ ɲɛ̨ilai nwɔ kɛɛ pɔ̨nɔ̨i ɓa.

Hanwon 15:3

Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Azaya 29:15

Kpalo ɓɛlaai nuąi tii diɛ, diɛi da kɛ mɛ̨nįɠaa kɛi loo pələi, diɛ di wɔ mɛ̨nįɠaai loo Yai-Laa ɓa; diɛ di wɔ lɔwɔi tɔɔ kpiníi, di woo laa diɛ nąąlɔwai: «Gbɛɛ ɓə ku kaai, ɛlɛɛ, gbɛɛ ɓə ku kɔ́lɔn?»

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Ɉeremi 49:10

Ɲą́ą́ gbinįi ɓə pai Esau kpuwulu ɓoi, nwɔ hɛn gɔwɠaai aa di loo, gɛ́ di kulɔ di loo pələi. Hva pɛli nooi. Ɉuwuhu, gaayɔwɔɠaa, gwɛlɛ nuą, da gəlee hukala. Ɛlɛɛ, nu hva hɔlɔɓo, yɛ kɛ mą:

Izikiɛ 8:12

Yɛ mą́ą́: «Hulɔnu lon, mɛ̨nįi Israɛlə pɛlɛ́ mu kalanɉonŋąą kaa gɛi kpinįi, nu kəlee ə ɓo ɲəi bɛlɛ́n yɛ kwɛli hvilɛn ŋą hali ɓa, yaa naa kaa? Da kɛ kɛi diɛi; Yai-Laa hva pɛli ku kaai. Yai-Laa aa kulɔ nɔi.»

Izikiɛ 9:9

Yɛ mą́ą́: «Israɛlə da Ɉuda nwɔ pɛlɛ́i di wɔ nɛ̨ŋɛ̨n kɛnɛ̨i naai və mą; nɔi laahvɛɛi a ɲąmą, daa laahvɛɛ a wea; mąąhɔlɔɓo da kɛ kɛi diɛ: ‹Yai-Laa aa ɓo nɔi ɓa, aa doo, hva kɛ kɛa mɛ̨nį ta kaai.›

Danîa 2:22

mɛ̨nį yii noɔ, a gbon ɉu kwɛa, Yaa ɓə a gulɔ pɔ̨nɔ̨ŋa. Ya ɓə kpinį hu mɛ̨nį kɔ́lɔn, maahɔlɔɓo, ya ɓə kɛɛ pɔ̨nɔ̨ kaa ɲəi.

Ifisiɛŋ 1:23

gbɔn tii ɓə a Kristə kpinį lee, a yai, Yálá kpinįi ə mąą mɛ̨nį laa kulɔi, ə bɛli ɉu, mɛ̨nį ta lɔpee hvo lɛɛ pulu.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.