Ɉeremi 23:2 - Yálá laawoo hɛɓɛ (dc)

² Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Yálá laawoo hɛɓɛ

² Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Bible

² M̀ɛnii ŋí ƃé Yâwɛɛ nyíi gáa a Eezuɛ Ŋɔɣâlai è mò é pîlaŋ ǹúu-mɛi-ƃelai dîa nyíi gáa a sɛŋ dí ŋɔnûai mɛi káai ǹyɛɛi, “Káfe ŋánûai mɛi kâai. Ka díkpɛ, ka dítaa-taa. M̀ɛni ma, ŋa pâi kákula ma kɛ̂i m̀ɛni nyɔ́mɔɔ sii ŋí mɛ̂ni ma.

Ɉeremi 23:2 Iomraidhean Croise

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Ɉeremi 10:21

Daatɛlɛɛ mɛ̨i kaa nuą daa gɛ a kilikpɛɛgwəi laa Di hvo Yai-Laa ɲɛ̨ilaa kwɛli li, yili mąą mɛ̨nį ɓa di yee hvo lɔ li, ə lɛɛ daatɛlɛɛ kəlee daa taɠa.

Ɉeremi 11:22

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai həli diɛ, di wɔɔ hilɛlɛa diɛ lɛɛ kɔ́ hu, di lonnii hinąą ə mą kɛ, nɛ̨ąą, diɛ haa a pulu.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 13:20

'Ə́ nwun mu həɠə, ə́ kɛɛ kaa! Ə́ yowoɠaa kaa həɠəi ɲánwuɔ̨ pələ! Daatɛlɛɛ kpului diɛ ə́ mɛ̨i kaa, gaa mįnɛ̨? Yɛ́ ɓɛlaa lɛlɛɛɠaa kaa mį?

Ɉeremi 13:21

Ə́ kaa pai kɛi lə! Nuą tii ə́ nɛ̨ɛ̨laa kɛnɛ̨ laa, ka diɛni ka lɔwai, Ɓɛlɔwai, di kaa pai heei la ə́ hu, diɛ hee ə́ mɛ̨i, Yɛ́ mɔ̨nɔ̨ mį́i yɛ kwəi nwąną kɛ Nɛ̨ɛ̨nu, yá kɛ lə?

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 23:34

Əlɛɛ, akɛ, Yálá kwəi mɛ̨nį hukulɔ mun da, a wala kɛ tii, ɉaláá laa həli mun da, a wala kɛ tii, nɔi lon da, a kɛ mą: ‹Ee kə́! Yai-Laa nwɔ tiɛ̨i!› Ŋį́ ɉee nui tii da ɲəi bɛlɛ́n nuą di hu.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 5:29

Yai-Laa yɛ diɛ: Mɛ̨ni kɛ pələ a kɛ tii, a kɛ tii, vá mɔ̨ɔ̨ di hutɔɔ? Ŋą́ nwą́ną kulɔ nu huwu taaləi tii ɓa!

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Izikiɛ 34:5

Daatɛlɛɛɠaa daa taɠa taɠa, mąąhɔlɔɓo di laa hɔn mo mun və kɛli mą; ɛlɛɛ, daa lɛɛ a lɔwɔ huwɔɠaa kɔ̨nɔ̨n. Di hu aa taɠa taɠa.

Osia 2:13

Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Zakari 10:3

Mɛlaa pulu nuą ɓə, ŋį́ nííholi di pɔ, molu hilɛɠaa ɓə gáá pai heei di hu. Mąąhɔlɔɓo, Yai-Laa Mɛ̨nį Kəlee ŋą Hééɓomun, kaa pai nwɔ taatɛlɛɛ kpului mɛ̨i kaai, yai a Ɉuda nwɔ pɛlɛ́i. Gaa pai gɛi a nwɔ kɔ́nwɔ̨-hvoo, gɔ́ mɛ̨i.

Zakari 11:16

Mąąhɔlɔɓo, gáá pai taatɛlɛɛ pulumun da heei nɔi ŋɛ̨i hu, ɓɛlaa ta ə mą pili, yili nii hɛlɛn və pai kɛi mą, da ə mą lan, hvo pai gwɛlii, da mąą ə mą nwąną, hvo pai ɉali kɛi, yiiɠaa di kɔ́lɔi pɔ̨nɔ̨ɔ̨, hvo pai di laa hɔn moi. Yiiɠaai da wulɔ, gaa pai di mįi, yɛ di kɔ́wɔ ɲąnin ɉu ɓɛla.»

Maafîu 25:36

Mą́ą́ haɠaai kɛ, ka həɠə kɛ mą́ą́. Ɲɔ̨n ə kɛ mą́ą́, ka mą́ą́ kɔ́nwɔ̨. Ŋį́ kɛ gaho ŋą, kaa pa kaa ka woo pili mą́ą́.›

Maafîu 25:43

Ŋį́ kulɔ kaa a nweą, ka hvo nwéą laa kɛ. Mą́ą́ haɠaai kɛ, ka hvo həɠə kɛ mą́ą́. Ɲɔn ə kɛ mą́ą́, ka hvo mą́ą́ kɔ́nwɔ̨. Ŋą́ kɛ gaho ɲą, ka hvo ka woo pili mą́ą́.›

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.