Ɉeremi 22:15 - Yálá laawoo hɛɓɛ (dc)

¹⁵ Ə́ kaa bɔ ə́ ə́ wɔ tɔɔlaai hee a nɛlɛɛ, ə́ nuą ɲɛ̨i tinɛ̨n, ə́ ɉee yɛ́, a kpitili wulu kɛ mɛ̨nį ə́ wɔ pɛlɛ́ nwąnąi ɓa? Ə́ nąn və́ kɛi mɔ̨ɔ̨ naa mįi, yɛ gbələ, yɛ tələnmolaa da tɛ̨ą mɛ̨nį di mąąkɔ̨nwɔ̨? Kɛlaa ə kɛ lɔ nɛɛ hu-ee?

Yálá laawoo hɛɓɛ

¹⁵ Ə́ kaa bɔ ə́ ə́ wɔ tɔɔlaai hee a nɛlɛɛ, ə́ nuą ɲɛ̨i tinɛ̨n, ə́ ɉee yɛ́, a kpitili wulu kɛ mɛ̨nį ə́ wɔ pɛlɛ́ nwąnąi ɓa? Ə́ nąn və́ kɛi mɔ̨ɔ̨ naa mįi, yɛ gbələ, yɛ tələnmolaa da tɛ̨ą mɛ̨nį di mąąkɔ̨nwɔ̨? Kɛlaa ə kɛ lɔ nɛɛ hu-ee?

Bible

¹⁵ À kɛ̀ ya pɛ́rɛ tɔ̀ɔ a sîda wuru, gɛ̀ ní a pâi íkɛ̂i a kâloŋ lɛ́lɛɛ, kpɛ́ni fêi, ípɛrɛi lɛ̂lɛɛi é tɛ́ɛ ǹûai díwɔ̂i ma? Ínâŋ è ŋɔkɛ-ɣeniɛi kɛ̀ a lii-nɛ̃ɛ é seri gɔ̃yɛŋ ma. È kɛ̀ a téniŋ ƃô-nuu, zã́a. M̀ɛni ma gɛ́ mɛ̂ni kélee è ƃûu ƃò.

Ɉeremi 22:15 Iomraidhean Croise

Samia Veerɛi 8:15

Davidə ə heeɓolaa kɛ Israɛlə kəlee nwun na. Ə kɛi nwɔ nuąi hutoo a tələnmolaa, da kwəi kwəlɛlaa.

Tɔɔɓɛlaa dɔlɔɔ 10:9

Mąąwiɛ ə kɛ Yai-Laa ə́ wɔ Yálái ɓa, yai ə laa a nii, yɛ ə́ hee Israɛlə dɔɔ kpəlin ɉu. Israɛlə wɛli ɓə gaa Yai-Laa ɓa a yələ kəlee, yili ɓə gɛ yɛ ə́ hee a tɔɔmun, yɛ́ pɛli ɲąąwooɓo kɛi tələnmolaa hu.»

Tɔɔɓɛlaa veelɛ 22:2

Ɉosiasə ə hiɛ a ɉaŋąą Yai-Laa ɲɛ̨i ɓa, ə hvilɛn gbɔlɔɔ gala Davidə nwɔ pələi mɛ̨i, hvə li ŋɛ̨i hvo li ŋɛ̨i.

Tɔɔɓɛlaa veelɛ 23:25

A tɛ̨ą, tɔɔmun da hvo ta kɛ hɔlɔɓo li Ɉosiasə tɔwɔ yii nii kəlee tinɛ̨n Yai-Laa pɔ pələ nwɔ yɛnɛ̨ɛ̨ kəlee hu, nwɔ huwalawala kəlee, yɛ Moisə nwɔ tɔ́n laahɔnmo ɲee tɔ̨nɔ̨ mɛ̨i. Ə kulɔ Ɉosiasə pulu da hvo ta gɛ li yɛ yaa ə mą kɛ ɉaa pulu, yɛ bɔɔ tɔɔn.

Kɔlɔnikɔ Maa-ŋuŋ 3:15

Ɉosiasə lonnii laa ka: Non ɉulɔnu dɔlɔɔ Yohanan, veelɛnąą Yoyakimə, ɉaaɓanąą Sedesiasə, nąąnnąą Salumə.

Kɔlɔnikɔ Veerɛi 34:2

Ə túwɔ́ a ɉaŋąą Yai-Laa ɲɛ̨i ɓa, ə hvilɛn nąn Davidə kpaalə hu, hvo kpɔ mąąlaa tɔ̨nɔ̨ kpɛli.

Kɔlɔnikɔ Veerɛi 35:22

Kɛlaa Ɉosiasə nwɔ kiliŋąhiɛ mąąhvalin, mąąhɔlɔɓo, ə kɛi hvaa kwɛli Neko ɓa əgɛ da yaa di gɔ́. Nwoo ŋɛ̨i Neko ə kɛi mo, Yálá ɓə bu na, kɛlaa Ɉosiasə hvo gɛ hvo nwəli tɔɔ mą. Ɉosiasə ə həɠə yɛ pa kɔ́ pɛlɛi Neko ɓa Megido ɲɛa kɔ́wɔ hu.

Kɔlɔnikɔ Veerɛi 35:26

Ɉosiasə kɛ mɛ̨nįɠaa, Yálá mąąwiɛ mɛ̨nįɠaai ə gɛ, túwɔ́i ə mo yɛ bələi Yai-Laa nwɔ tɔ́n ɉɛɓɛ́i ə mo la,

Hanwon 20:28

Kulɔ nwoo ɓa laa da tələnmolaa da di ɲɛ̨i kɛ tɔɔmun ma, nwɔ tɔɔlaai a lamun, tələnmolaa haalai.

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Hanwon 25:5

Nwąnąlɔmun ɉəɠə tɔɔmun gwɛlɛ, nwɔ tɔɔlaai a hvilɛn gbilin tələnmo pələ mɛ̨i.

Hanwon 29:4

Tɔɔmun a ɲąąwooɓo laa kɛ a tələnmo, a nɔi tɔɔ. Kɛlaa nui a nįįhɔ̨nwɔ̨ hon lɔi lonnii yəi kɛlɛ-kɛlɛ, a nɔi too.

Hanwon 31:9

Kiti tee a tələnmolaa, ə́ mąąwɛli nuą da yeehvowolo nuą di mąą mɛ̨nį ɲɛ̨i kulɔ.

Ikilisiati 10:17

Lɔi ɲąąwooɓomun ə kulɔ tɔɔmun kwəlii, ɉu ɲɛ̨itɔwɔ nuą diɛ di laa mį́i a mį́i lɔwai, ə gɛ lɔ di hvaŋą hɔlɔɓo, ɛlɛɛ, di hvo bɔ di hvo kɛ a lɔɔ honŋąą, nwun na nɛ̨ɛ̨ lɔi li.

Ikilisiati 2:24

Mɛ̨nį ɲąąnɛ̨ɛ̨i lɔ gaa nu yəi, ya ɓaa: Ə kɔ̨nɔ̨n mįi, ə gbələ, ɛlɛɛ, ə gwəinɛ̨ɛ̨ kɛ kóló dɔlɔ hu. Ŋą́ gaa gɛ́ diɛ Yálá ɓə a nu kɔ́ a yili.

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Azaya 33:16

Mąą nu ɓə pai ɉeei hɔlɔɓoi yələi pələ, gaa pai mąąkilɛi kwɛni kpuwuluɠaa mɛ̨i, yiiɠaai di mąą tínɛ̨n ŋąą a hį́i; di kaa pai kɔ̨nɔ̨n dɛɛi bɔ, yá hvo pai kpɛɛi ɲəi.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 22:18

A kɛ tii, mɛ̨nįi Yai-Laa kaa moi Ɉosiasə lon Yoyakimə, Ɉuda tɔɔmun ma, ya ka: «Di hvo pai ɉaa wɔlɔ ɓoi, di hvo pai kɛi mą: ‹Lə mąąwɛli mɛ̨nį ɓəi aa laa mą́niɛ ɓai! Lə mąąwɛli mɛ̨nį ɓəi aa laa mą́ą́hala ɓai!› Di hvo pai ɉaa wɔlɔ ɓoi, diɛ kɛ mą: ‹Lə mąąwɛli mɛ̨nį ɓəi tɔɔmun! Lə mąąwɛli mɛ̨nį ɓəi nwɔ́ mɛ̨nį nąmu!›

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Ɉeremi 42:6

Ə lɛlɛ, ə ɲɔ̨nwɔ, kwa tí Yai-Laa woo ɓa, hvo gaai, kuɔ ɓə ə́ tɔɔ bɔ ku mąą mɛ̨nį ɓa. Bulu a lɛlɛ kuɔ, mąąhɔlɔɓo, ku kaa pai lɛɛi Yai-Laa ku wɔ Yálái woo mu.»

Ɉeremi 7:5

Kɛlaa, 'ka tɔɔ kpɔ a ka nwąnąąi, ka ka túwɔ́ pələ haŋą, ka ka hiɛ pələ ɲɛlɛ kɛ yɛ bələi viɛlaɓoɔ la. 'Ka kiti tee a ɉaŋaa nuą lɔwai.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.