Ɉeremi 22:10 - Yálá laawoo hɛɓɛ (dc)

¹⁰ Nui a haa, ka hvo ɉaa wɔlɔ ɓo, ka hvo haa mɛ̨nį ta kɛ mą; kɛlaa nui lii luwɔlaa hu, ka nwɔlɔ ɓo; Mąąhɔlɔɓo, hva kɛa pənə hvo ɲɛ̨i tɔɔ gaa lɔi ɓa.

Yálá laawoo hɛɓɛ

¹⁰ Nui a haa, ka hvo ɉaa wɔlɔ ɓo, ka hvo haa mɛ̨nį ta kɛ mą; kɛlaa nui lii luwɔlaa hu, ka nwɔlɔ ɓo; Mąąhɔlɔɓo, hva kɛa pənə hvo ɲɛ̨i tɔɔ gaa lɔi ɓa.

Bible

¹⁰ Zuda-ƃela, káfe wɔ̀lɔ gâloŋ Zosaya mɛni ma nyíi a saai. Káfe malôŋ-see ƃò zaa mɛ̂ni ma. Kɛ́lɛ, ka wɔ́lɔ kpɔ́ a ŋánaa ǹóŋ Zoazi mɛni ma. Da liî la kwaa kôyaa ma, ǹyaŋ vé ŋɔ́nɔ pâi pâi pôlu. Vé ŋɔ́nɔ pâi ŋɔlɔii kâai nyíi dí maa-sɔlɔ ƃô zui.

Ɉeremi 22:10 Iomraidhean Croise

Tɔɔɓɛlaa veelɛ 22:20

Yili mąą mɛ̨nį ɓa, gáá ə́ lɛɛi laa ə́ haa liilaa hu, ə́ lɛɠɛ ə́ nąnii diɛ. Ə lɛɛ, ə́ ɲɛ̨i hvo pai tɔɔi mąąwɛli mɛ̨nįi pai laa nɔi ŋɛ̨i da ɉu hee ɓo nuą diɛ, ɉu.» Nuą də li di nwɛlɛɛ ɲali bulu ɓo tɔɔmun mą.

Tɔɔɓɛlaa veelɛ 23:29

Nąąlɔwai tii ɓə Faraɔn Neko, yai kɛ a Eziptə tɔɔmun, da Asiri tɔɔmun di pɛlɛ di kee ɓa Eufratə ɲalee kwɛlɛ, diɛ li kɔ́ tooi. Tɔɔmun Ɉosiasə yaan, ə muhəɠə yɛ li Eziptə tɔɔmun laa kwiɛn ɉi a kɔ́. Kɛlaa, yii lɔ yili ə ɲɛ̨i tɔɔ lɔ Ɉosiasə ɓa, aa mą Ɉosiasə paa Megido.

Kɔlɔnikɔ Veerɛi 36:4

Yili pulu, Eziptə tɔɔmun ə Yoakazə nąn non Ɛliakimə hee a dɔɔmun Ɉuda lɔi da Ɉerusalɛmə daa mɛ̨i. Ə Ɛliakimə laa mąąhvalin a Yoyakimə. Yii ɓaa Yoakazə nwɛi, Neko ə li la Eziptə lɔi hu.

Ikilisiati 4:2

Yii ŋį́ gaa yili hu, ya ɓaa: Nuąi daa haa, di nwun na nɛ̨ɛ̨i ə tɛɛ nu hvulúɠaa diɛ.

Azaya 57:1

Tələnmo lon a haa, nu ta hva yili kaa a mɛ̨nį wala wala, da nu lɛlɛɛɠaa həɠə di yəi bɛlɛ́n, ɛlɛɛ, nu ta hva gaa yɛ kɛ, kili ɲɔ̨nwɔ̨ɔ̨ ka tii a gɛ, diɛ tələnmomun nwuɔ̨.

Ɉeremi 16:7

Nui haa a too mą, di hva li bɔ a kɔ̨nɔ̨n. Ə mą kɛ, nee a haa, a wala kɛ tii, nąn a haa, di hva ɉaa lɔɔ pu.

Ɉeremi 22:11

Bələ ɓə Yai-Laa ə mo la yɛ hvilɛn Ɉuda tɔɔmun Salumə ɓa, yai kɛ a Ɉosiasə lon, yɛ kɛ a tɔɔmun a nąn Ɉosiasə mąąhvalin. Ya ka ŋɛ̨i aa həɠə ɓɛ. «Ɛlɛɛ, hva kɛa pənə hvo pa ɓɛ.

Ɉeremi 22:18

A kɛ tii, mɛ̨nįi Yai-Laa kaa moi Ɉosiasə lon Yoyakimə, Ɉuda tɔɔmun ma, ya ka: «Di hvo pai ɉaa wɔlɔ ɓoi, di hvo pai kɛi mą: ‹Lə mąąwɛli mɛ̨nį ɓəi aa laa mą́niɛ ɓai! Lə mąąwɛli mɛ̨nį ɓəi aa laa mą́ą́hala ɓai!› Di hvo pai ɉaa wɔlɔ ɓoi, diɛ kɛ mą: ‹Lə mąąwɛli mɛ̨nį ɓəi tɔɔmun! Lə mąąwɛli mɛ̨nį ɓəi nwɔ́ mɛ̨nį nąmu!›

Ɉeremi 22:27

Di kili aa lɛɛ nɔi tii pɔ, diɛ kɛ di pənə də li laa, di hvo pai pənəi di hvo li laa.»

Ɉeremi 25:27

Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»

Ɉeremi 28:4

ə makɛ Ɉuda tɔɔmun Yekonia Yoyakimə lon, da Ɉuda nuąi kpɔ də li a diɛ Babilonə, ŋą pənə ŋą pa a diɛ gɛɛnąąi ŋɛ̨i ɓa. Yai-Laa woo li, mąąhɔlɔɓo, gáá Babilonə tɔɔmun nwɔ kponoi hu yalii.»

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Ɉeremi 44:14

Nuą mąn lɛɛ Ɉuda lɔi hu, nuą di kaa Eziptə lɔi hu di mąąkilɛ pələi, da hvo pai kulɔi ɉu, di ta hvo pai lɛɛi, di ta hvo pai pənəi hvo li Ɉuda lɔi hu, di kili kaa ni di pulu pənə mɛ̨nį ɓa di pa di hee di pɔɔli. Kɛlaa, di hva pənə di hvo li laa. Nu kpulu wolo tiikpə lɔ ɓə pai kulɔi ɉu.»

Woolaa 4:9

Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Izikiɛ 24:16

«Hulɔnu lon, gáá pai ə́ ɲɛ̨i kɔ́w kwəinɛ̨ɛ̨ hɛn gulɔi ə́ yəi a wea. Hvó túwɔ yɛ haa a too yɛ́, hvó pai ə́ woo laai, hvó pai wɔlɔi.

Lukə 23:28

Jesus ə tinɛ̨n ə mo diɛ, yɛ diɛ: «Ɉerusalɛmə nɛ̨ą, ka hvo wɔlɔ mą́ą́ mɛ̨nį ɓa, kaamun, ka ka kpɔɔ mąą wɔlɔ ɓo da ka lonnii.