Ɉeremi 21:14 - Yálá laawoo hɛɓɛ (dc)

¹⁴ Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Yálá laawoo hɛɓɛ

¹⁴ Gáá heei ka hu, yɛ bələi ka wɔ túwɔ́ pələ ɲɔ̨n gaa la. Yai-Laa woo ka, yɛ diɛ: Gáá nwɔ̨n bilii nwɔ wəlai hu, nwɔ̨n ə gwɛlɛ hɛnŋaa kəlee kələn.»

Bible

¹⁴ Ŋa pâi í kula maa kɛ̂i yɛ̂ɛ berei ítûa-pere káa lai. Ŋa pâi ŋɔŋ toôi íkâloŋ-pɛrɛ-ŋai dîa nyíi pâi gélee kéreniî da ǹaa kɔlɛ ma sãai kéleei. Ńyãa Yâwɛɛ ƃé mò tí.’ ”

Ɉeremi 21:14 Iomraidhean Croise

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Hanwon 12:14

Nu tɛitɛi a hɛn ɉɔlɔɓo vaa woo hu, nu kəlee yɛ gɛ koló mąą hvɛla hɔlɔɓo.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 10:16

Yili mąą mɛ̨nį ɓa, Nąmu Yai-Laa Mɛ̨nį Kəlee ŋą Hééɓomun, kaa pai nuą koohaɠa kpɛa-kpɛaɠaai tii kpalai, nwɔ̨n ɲɛ too di wɔ hɛn gɔwii hu, yɛ kpaɠa nwɔ̨n a muhəɠə.

Azaya 24:21

Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Azaya 37:24

Yaa Ną́mu lalan a nuąi ə́ di tɔɔ, ɛlɛɛ yɛ́ kɛ diɛ: ‹Nwɔ́ kɔ́ kɔ́ wotoloɠaai kpulu kɛnɛ̨ pələ, ŋą́ą́ tɛ yeeɠaa tonna, ɓɛi nuą di kɛi di loo laa Liban lɔi hu, ɓɛi nu takpɛli hvo kɛi pɛli həlii laa, ŋą́ą́ tɛ laa, əgɛ, ŋą́ nwɔ hɛan gbɛa-kpɛaɠaa tee, da nwɔ kpitili lɛlɛɛɠaai, ŋą́ həli kpɔ nɔi kpɛlai, ŋą́ həli kpɔ ɲee tonna lə́ɠə́-lə́ɠə́ ɓa. Ŋą́ həli kpɔ nwɔ lɔwɔi nɛlɛi ɓa.

Ɉeremi 11:16

«Olivə wului ɲąąnɛ̨ɛ̨i, yɛ ɓa a yələ kəlee, nɛlɛɛ ma lɛlɛɛ», bələ ɓə Yai-Laa ə ka laa hee la. Aa nwɔ̨n doo naa hu, dín gɛnɛ̨, yɛ nwonwoɠaa kələn.

Ɉeremi 11:22

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai həli diɛ, di wɔɔ hilɛlɛa diɛ lɛɛ kɔ́ hu, di lonnii hinąą ə mą kɛ, nɛ̨ąą, diɛ haa a pulu.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 22:1

Yai-Laa yɛ Ɉeremi ɓa: «'Yɛɛ Ɉuda tɔɔmun ɲəi bɛlɛ́n, ə́ nwoo ŋɛ̨i ɓo laa.

Ɉeremi 22:7

Gáá ə́ laakwɛlanmoi nuą diɛ, ə́ kala mɛ̨nį ɓa. Nu kəlee nwɔ kwɛli hɛn gaa ɲəi. Di kaa pai ə́ wɔ kpitili lɛlɛɛɠaa teei, diɛ nwɔ̨n bili ɉu.

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Ɉeremi 46:23

Yai-Laa yɛ diɛ: Ka nwɔ wəlaɠaai pɔn, ə mą kɛ nu hva pɛli lɔi ɉu. Di kpulu kɛnɛ̨ pələ, lono hvo diɛ.

Ɉeremi 50:32

Tɛɠɛɓoɉu aa kalin aa too, nu ta hvo muhəɠəi. Ŋą́ą́ nwɔ̨n bili nwɔ taaɠaai hu, nwɔ̨n gaa gwɛlɛɠaa kəlee kələn ɉii.

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Ɉeremi 6:29

Di kaa vulɔ hvɛɛ kwɛli ɓa, Kɛlaa, kpɛli-kpɛli ka tii di gɛi, gwɛli hu hvo waai,

Ɉeremi 9:25

Ŋą́ kpɔli Eziptə nuą la, ə mą kɛ Ɉuda nuą, da Edɔmə nuą, Amɔn nuą, da Moabə nuą. Ə mą kɛ nuąi tii nɔi pun ɉu di nwun gɛlaanŋąą, di kpɛlɛ kɛlaanŋąą. Mąąhɔlɔɓo, lɔi kəlee kaa a kɛ́nɛ̨ kpolaɠaa. Israɛlə nuą diɛ kpɛli diɛ ɓo a kɛ́nɛ̨ kpolaa di kili pɔ pələ.

Woolaa 2:3

Nwɔ liiholo hu, aa Israɛlə nwɔ huwalawala hu kala. Ku yowoɠaa kɛɛ pai, hvo gɛ hvo kpɔmąą tɛɛ ku pɔ aa nwɔ̨n doo nwɔ nuą lɔwai aa gwɛlɛ hɛnŋaa kəlee kələn.

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Mise 7:13

Lɔi kaa pai lɛɛi a vowolo, a ɉu nuą laa pɔɔ; mɛ̨nįi di gwɛli, yaa li.

Zakari 11:1

Liban, ə́ wɔ pɛlɛ́ɠaai laaɓo, ɛlɛɛ, nwɔ̨n ə́ ə́ wɔ kpitiliɠaai kələn.