Ɉeremi 21:13 - Yálá laawoo hɛɓɛ (dc)

¹³ Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Yálá laawoo hɛɓɛ

¹³ Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Bible

¹³ Zerusâlɛŋ, yá ƃé íkaa see-ni ǹyéei tôŋ su, diŋ-tiŋ mɛi yɛ̂ɛ kɔnii, íkɛ mò yɛ̂ɛ, núu da fa pɔ̂ri íyee mɛi ɣâlei, kpaa máŋ núu da fa pɔ̂ri pâi ƃɛ́i íkaa naai? Kɛ́lɛ ŋa pâi a gɛɛ ŋá kɔ́ ípɔ.

Ɉeremi 21:13 Iomraidhean Croise

Mąątɛ̨nɛ̨ 125:2

Ɉerusalɛmə mąątinɛ̨nŋąąi a yeeɠaa; bələ ɓə Yai-Laa a ɲee koloon dee la nwɔ nuą diɛ, ə həɠə yiihu ɓa, ə lɛɛ ɉu ɲɛ̨n deei hvo mą.

Lɛɛ gbɔwɔ ɓa 13:20

Israɛlə lonnii di həɠə Sukotə daai, di li di di wɔ taai pu Etamə nɔi pun gwɛlɛ.

Lɛɛ gbɔwɔ ɓa 13:8

«Ka kɛi ɉɛlii ti pu, mąąnɛ̨ɛ̨ ka ɉukulɔ ka lonnii diɛ, kaa diɛ: ‹Ku kulɔi ŋɛ̨i Yai-Laa ə mo luwɔlaa hu Eziptə, mąą hɛlii ka ŋɛ̨i ku kaa bui.›

Azaya 22:1

Mɛ̨nį kponąąi di mo yɛ hvilɛn ɉíįn kaa ɓoloon ma ya ka: Lə ɓə kɛ yai, ká ə́ wɔɔ nuąi kəlee ka káá ka ɲąą kpɔn ɉi ɲələi pɛ́lɛ́ ɲįmąn mu?

Ɉeremi 17:3

Yɛi ŋɛ̨i a ɲee nwuɔ̨ haláá kulɔ mun vaŋalɔɔ, ɲɛɛ kɔ́wɔɠaa hu, gáá ə́ yəi hɛnŋaa da ə́ yəi hɛn gɔwɠaa kəlee tɛɛi di too ɉu, nɛ̨ŋɛ̨n yaa ɉəɠə nɔi kəlee hu a haláá kulaa hali ɓa mąą mɛ̨nį ɓa,

Ɉeremi 21:5

Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Ɉeremi 49:16

Ə́ kaa ə́ kpɔɔ ɓowoi, mąąhɔlɔɓo, ə́ kɛi ɲɔw too ə́ kwɛlɛ nuą hu a kili ɲɔ̨nwɔ̨ɔ̨. Yɛ́i heeni gwɛni woloɠaa hu. Ə́ hɛlɛn ŋąą yee tɔɔɠaa diɛ, ə mą kɛ, yaa ə́ taa tɔɔ yee tona yɛ geelə, ŋą́ ə́ wean nąą.

Ɉeremi 50:31

Yɛ́ ɓə vílɛn ŋąą ə́ pulu, tɛɠɛɓoɉu mun. Ə́ wɔɔ yələi aa həli, a nwą́ną kulɔ yələ. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 51:25

Yɛ́ kpɔ ɓə vílɛn ŋąą ə́ pulu, kɛɛ kalamun, yɛnɛ̨ɛ̨ kəlee hu kalamun; Ɲą́ą́ Yai-Laa nwóó li. Gáá ɲéé kpuwulu kɛi yɛ́, gɛ́ ə́ kulɔ kwɛniɠaa mɛ̨i, gɛ́ ə́ too, gɛ́ ə́ mąą pənə a nwɔ̨n dəŋą yee.

Ɉeremi 7:4

Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Woolaa 4:12

Lɔi mɛ̨i tɔɔɓɛlaa kəlee, da yɛnɛ̨ɛ̨ ɓɛ nu kəlee, nu ta lɔpee kili hvo kɛ li mą, diɛ kɛ; Ɉerusalɛmə ɲowoɠaa da pɛli kɛ di yee pɛlɛi gbonŋaa ɓa.

Izikiɛ 13:8

Yili ɓə gɛi Mɛ̨nį kəlee ŋą Hééɓomun Yálá yɛ diɛ: Yii kaa nuą ɓowo mɛ̨nį ɓo, ɛlɛɛ kaa mɛ̨nįɠaa ɓo a nuą nwun ɉu lan mɛ̨nį, gáá heei ka hu; Mɛ̨nį kəlee ŋą Hééɓomun Yálá woo li.

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Izikiɛ 34:10

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: Gáá kiti pɛlɛi daatɛlɛɛ pulu nuąi tii diɛ, gáá pai nwɔ́ taatɛlɛɛ kpului kwɛlii, ŋą́ gulɔ di yəi; ɛlɛɛ, gɛ́ di yee kulɔ daatɛlɛɛ pulu kóló hu. Di hvo kɛa pai pɛlii di kpɔwɔ ɲąąkɔn ɉii. Gáá pai nwɔ́ taatɛlɛɛ kpului wean ɉii di la, di hvo kɛa pai kɛi a di laamįi hɛn.

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.