Ɉeremi 21:10 - Yálá laawoo hɛɓɛ (dc)

¹⁰ Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Yálá laawoo hɛɓɛ

¹⁰ Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Bible

¹⁰ Kpɛ́ni fei, ŋaâ ŋ́ɛi sée daai ŋí ma a mɛni kpɔ̂lu. Ḿve pâi mɛni lɛ́lɛɛ da kɛ̂i naa. Ŋa pâi dɛɛ̂i Babelɔŋ kaloŋ pɔ́. A pâi naa kéreniî. Ńyãa Yâwɛɛ ƃé mò tí.’ ”

Ɉeremi 21:10 Iomraidhean Croise

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Mąątɛ̨nɛ̨ 34:16

Yai-Laa a ɲɛ̨i lɛlɛɛ hee tələnmo nuą diɛ, nwəli tɔɔ di woo ɓa.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 33:5

Di kaa pai gɔ́ woloi ŋą da Kalde nuą, kɛlaa yaamun, daai ŋɛ̨i laahvɛɛ mɛ̨nį lɔ ɓə a nu powa, a nuąi gáá pai di kɛlɛi nwɔ́ liiholii hu, da nwɔ́ liikələn gwəi hu. Mąąhɔlɔɓo, ŋą́ą́ búlu tinɛ̨n diɛ, di wɔ nɛ̨ŋɛ̨nŋaai kəlee mąą mɛ̨nį ɓa.

Ɉeremi 34:2

«Yai-Laa Israɛlə nwɔ Yálái nwoo ka, yɛ mą: 'Li ə́ mo Ɉuda tɔɔmun Sedesiasə ɓa, 'li ə́ mo mą, a ə́ nwąnąi, yɛ́ mą: Yai-Laa yɛ: Gaa pai daa ŋɛ̨i tooi Babilonə tɔɔmun ɲee kɔ́nma, gaa pai nwɔ̨n bilii ɉu.

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 38:17

Ɉeremi yɛ tɔɔmun Sedesiasə ɓa: «Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálái woo ka: ‹Ya hvaa mą ə́ li ə́ ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨i tɔwɔ nuą pɔ, yá lɛɛ yɛnɛ̨ɛ̨, ɛlɛɛ, di hva daa ŋɛ̨i kələn; yá lɛɛ yɛnɛ̨ɛ̨ ka ə́ yə́i bɛlɛ́n nuą.

Ɉeremi 38:18

Kɛlaa, yá wala li hvó ə́ kpɔwɔ tɛɛ Babilonə tɔɔmun nwɔ kɔlaɠai ɲɛ̨itɔwɔ nuą pɔ, daa ŋɛ̨i kaa pa tooi Kalde nuą yee ɲą, di gələn, ɛlɛɛ yɛ́n, hvá kulɔ di yəi.›»

Ɉeremi 38:23

«Ə́ nɛąni da ə́ lonnii di kaa lii a diɛ Kalde nuą pɔ. Yɛ́ kpinįi hva kulɔ di yee ŋą. Babilonə tɔɔmun gaa ə́ hon ɉii, diɛ daa kələn.»

Ɉeremi 38:3

Ɉeremi yɛ nwɔ̨nɔ̨ diɛ; Yai-Laa woo ka: «Yɛ daa ŋɛ̨i kaa pai tooi Babilonə tɔɔmun nwɔ kɔ́kulááɠaa yee ɲą di kaa kɔ́ pɛlɛi mą, di ɉon.»

Ɉeremi 39:16

«'Li, yɛ́ Nubi mun Ɛvɛd-Melɛkə: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛi: Gáá pai nwóóɠaa pɔ mɛ̨nį kɛi daa ŋɛ̨i ɓa, gɛ́ mɛ̨nį laa mą, nɛlɛɛ hvei, mɛ̨nįɠaai tii kaa pai kɛi ə́ ɲɛ̨i ɓa.

Ɉeremi 39:8

Kalde nuą di nwɔ̨n bili dɔɔ pɛlɛ́ da nu kpɛa kpɛaɠaa di wɔ pɛlɛ́ɠaai hu. Di Ɉerusalɛmə mąąkpɛ hįį pu.

Ɉeremi 44:11

«Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Gáá pai heei ka hu, gɛ́ ka mɔ̨nɔ̨ ɓo, ɛlɛɛ, gɛ́ ka huwu kpɛɛ Ɉuda lɔi kəlee hu.

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Izikiɛ 24:11

Gwɛli ləɠi howolo hee nwɔ̨n dəŋa ɲa, ə hulɔ, gwɛli ə kpɔlu, ɉu pələ kalaɠaa di kələn, mɛnɛ̨i tii gaa mą ə kələn.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Amɔsə 2:5

Yili ɓə gaa mą, gáá pai nwɔ̨n dooi Ɉuda lɔi hu, dɔɔ pɛlɛ́ɠaai di kaa Ɉerusalɛmə daai, nwɔ̨n tii a gəlee kələn.

Amɔsə 9:4

Ə mą kɛ daa li di yowoɠaa pɔ, daa di kpɔɔ tɛɛ yiliɠaai pɔ a luwɔ, ŋį́ mo di yowoɠaa diɛ, di di paa. Ɲɛ̨́i kaa pai kɛi di mɛ̨i, mɛ̨nį lɛlɛɛ kɛ mɛ̨nį ɓa hvəi, Kɛlaa, mɛ̨nį ɲɔ̨n gɛ mɛ̨nį a diɛ ɓə ɲɛ̨́i heɛi la diɛ.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»