Ɉeremi 21:1 - Yálá laawoo hɛɓɛ (dc)

¹ Ɓɛlɔwai tɔɔmun Sedesiasə ə Malkiya lon Pasehurə, da ɉaláá laa həli mun Sefania, Maaseya lon dɔɔ la Ɉeremi pɔɔli, diɛ kɛ mą:

Yálá laawoo hɛɓɛ

¹ Ɓɛlɔwai tɔɔmun Sedesiasə ə Malkiya lon Pasehurə, da ɉaláá laa həli mun Sefania, Maaseya lon dɔɔ la Ɉeremi pɔɔli, diɛ kɛ mą:

Bible

¹ Ǹaa kɛ́ɛ tíi, Zɛdikaya nyíi kɛ̀ a Zuda kaloŋ è Maakia ǹóŋ Pasuɔ da Maaseia ǹóŋ Zɛfɛnaya nyíi kɛ̀ a zâla sâla láa-soŋ-nuui tɛ̂ɛ ḿbɔ naa a gɛɛ dí mó ḿâ a gɛɛ ŋá Yâwɛɛ marê kɛ́ dímaa mɛ̂ni ma.

Ɉeremi 21:1 Iomraidhean Croise

Tɔɔɓɛlaa veelɛ 22:13

«Ka li ka Yai-Laa mąąni kɛ kwa nɔi nuą ku mąą mɛ̨nį ɓa, da Ɉuda mąą mɛ̨nį ɓa; yɛ hvilɛ na ɉɛɓɛ́i ŋɛ̨i hu woo kəlee ɓa. Mąąhɔlɔɓo, Yai-Laa lii aa holi kɛnɛ̨. Yai-Laa lii aa holi mąąhɔlɔɓo, ku nąnii di hvo wəli tɔɔ ɉɛɓɛ́i ŋɛ̨i hu woo ɓa, di hvo hiɛ yɛ bələi mąąnɛ̨ɛ̨ la.»

Kɔlɔnikɔ Maa-ŋuŋ 3:15

Ɉosiasə lonnii laa ka: Non ɉulɔnu dɔlɔɔ Yohanan, veelɛnąą Yoyakimə, ɉaaɓanąą Sedesiasə, nąąnnąą Salumə.

Kɔlɔnikɔ Maa-ŋuŋ 9:12

Adaya Yerohamə lon, Pasehurə lon, Malkiya lon, da Masai Adiɛlə lon, Yahazera lon, Mesulamə lon, Mesilemitə lon, Imɛrə lon.

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Nehemi 11:12

Da di kaayɔwɔɠaai kɛ Yálá hee pɛlɛ́ goló ɓa, di kɛ a nu nwun mɛ̨ihaaɓa nu pow hveelɛ kɔ́w hveelɛ (822); Adaya ə kɛ a Yerohamə lon, yili nwɔ nąn mąą kɛ a: Pelalia, Amsi lon, Ɉekaria lon, Pasehurə lon, Malkiya lon,

Ɉeremi 29:25

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Yáá hɛɓɛ́ɠaa tɛɛ a ə́ kpɔɔ laa, Ɉerusalɛmə nuą kəlee diɛ, da ɉaláá laa həli mun Sefania ɓa, yai gaa a Maaseya lon; da ɉaláá laa həli nuą kəlee, yɛ́ kɛ diɛ:

Ɉeremi 29:29

Ɉaláá laa həli mun Sefania ə ɉɛɓɛ́i tii hu woo ɓo Yálá kwəi mɛ̨nį hukulɔ mun Ɉeremi ɓa.

Ɉeremi 35:4

Yálá nwɔ nu Yigdaliahu lon Hanan lonnii yəi bɛlɛ́n, bɛlɛi tii galanɉonŋaa di wɔ pɛlɛ́i kwɛlɛ, bɛlɛ́ laaləi mun Salumə lon Maaseyahu lon nwɔ pɛlɛ́i nwun mɛ̨i pələ.

Ɉeremi 37:1

Tɔɔmun Sedesiasə, Ɉosiasə lon mə kɛ a tɔɔmun, a Yoyakimə lon Koniahu mąą hvalin, Babilonə tɔɔmun Nabukodonosorə ɓə ɉee tii a Ɉuda tɔɔmun.

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Ɉeremi 37:3

Tɔɔmun Sedesiasə ə Selemia lon Yehukalə da Maaseya lon, ɉaláá laa həli mun, Sefaniahu di tɔɔ Yálá kwəi mɛ̨nį hukulɔ mun Ɉeremi pɔ, yɛ kɛ mą: «Nɛ̨ɛ̨ yɛ́, ku mąąnɛ̨ɛ̨mąą hvə Yai-Laa ku wɔ Yálái ɓa.»

Ɉeremi 37:7

yɛ mą; Yai-Laa Israɛlə nwɔ Yálái woo ka: «Ɉuda tɔɔmun ká tɔɔ mą́ą́nin kɛ mɛ̨nį ɓa, mɛ̨nįi ká líi moi mą, ya ka, ká kɛ mą: Eziptə tɔɔmun nwɔ kɔlaɠai tii həɠə Eziptə, yɛ pa ka mąąkpɔn mąąɓoi, gaa pai yalii bulu, yɛ pənə yɛ li Eziptə, ɓɛi ə həɠə laai.

Ɉeremi 38:1

Matan lon Sefatia da Pasehurə lon Gedaliahu da Selemiahu lon Yukalə, ə mą kɛ, Malkiya lon Pasehurə lon di Ɉeremi woo mɛ̨n, yɛ lia kɛ nu kəlee ɓa:

Ɉeremi 38:14

Tɔɔmun Sedesiasə ə nu ta tɔɔ diɛ li Ɉeremi təlii, diɛ paa la Yálá hee pɛlɛ́ gbon ɉaaɓanąą laaləi. Tɔɔmun yɛ Ɉeremi ɓa: «Gáá ə́ mąąnin gɛi mɛ̨nį tɔ̨nɔ̨ ɓa, hvo mɛ̨nį ta loo mą́ą́.»

Ɉeremi 52:24

Dɔɔmun mąąkpɛɛ kulaa nwun nąmu ə ɉaláá laa həli mun Seraya hon, da Sefania yai kɛ a ɉaláá laa həli mun, da nu haaɓai di ɲɛ̨i ə kɛ Yálá hee pɛlɛ́ ɓa.