Ɉeremi 20:8 - Yálá laawoo hɛɓɛ (dc)

⁸ Ŋą́ kɛi kɛ ŋį́ pələ ɓo, hvo kɛli ŋį́ nu təli mą́ą́, gɛ́ tomą, gɛ́ kɛ mą: «Too mɛ̨i da wea ɓə» Yai-Laa woo mąą mɛ̨nį ɓa, da túwɔ́ lɔ nálan ɉii, diɛ di laa pu ɉú.

Yálá laawoo hɛɓɛ

⁸ Ŋą́ kɛi kɛ ŋį́ pələ ɓo, hvo kɛli ŋį́ nu təli mą́ą́, gɛ́ tomą, gɛ́ kɛ mą: «Too mɛ̨i da wea ɓə» Yai-Laa woo mąą mɛ̨nį ɓa, da túwɔ́ lɔ nálan ɉii, diɛ di laa pu ɉú.

Bible

⁸ Tãi kélee ŋa lôno lai, fɛ̂ɛ ŋá wɔ́lɔ, ŋá láɣi, ńyɛ̂ɛi, “Laa-sâa! Su-kara!” Yâwɛɛ, da ńaa nyɔ́mɔ ƃôi, dí kɛ̀ ɣɛ́lɛ-maa kula ŋ́gbonôi a tãi kélee, kpɛ́ni fêi, ŋa íwooi ƃôi.

Ɉeremi 20:8 Iomraidhean Croise

Tɔɔɓɛlaa veelɛ 2:23

Elise ə həɠə Ɉeriko yɛ li Betɛlə pələ. Ɉəliɛ daa kpala, lɛapɛlɛɛ di həɠə taai, diɛ yɛlɛ Elise ɓa, diɛ kɛ mą: «Nwuɔ̨ kɔ́mɔ̨, 'li! Nwuɔ̨ kɔ́mɔ̨, 'li!»

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Azaya 57:4

Gbɛɛ ɓə ka káá yɛ́lɛ́i mą? Gbɛɛ ɓə ka káá hvaai mɛ̨i yaɠa yaɠa? Kaa ka laa pu ɉu? Gulɔ nwoomu lɛapɛlɛɛi hva mɔ̨ɔ̨ a kaa? A nu ɓowo nuąi?

Ɉeremi 15:10

Éékə́ néé! Lə mɔ̨nɔ̨ ɓə ŋɛ̨i ə́ naa mą́ą́i! Yɛ́ li gáái a lon? Ɲą́ą́ ŋɛ̨i ŋą́ą́ kɛ a nui nɔi kəlee a naa hea too, diɛ tɔɔ na; Və́ kwələ həɠə li, və́ kwələ tɔɔ li, Kɛlaa, ə mą kɛ tii, nu kəlee kaa nɛ́ŋɛn naai.

Ɉeremi 15:15

Yai-Laa! Gbaɠala kaa yɛ́, yɛ́ kpinįi ə́ kili lɛɛ ɉú, mą́ą́ mɛ̨nį ɲɛ̨i kulɔ, nuąi di kaa mɔ̨nɔ̨ɓoi, 'nwą́ną kulɔ diɛ. Hvó ə́ liilaa kpɔ tii, hvo gɛ, və́ lɛɛ mɛ̨nįi. Ə́ kili kaa ɉu, yɛ́ diɛ, ə́ mąą mɛ̨nį ɓə, gáá níí kpələi la lalan ɲəi.

Ɉeremi 17:27

Kɛlaa, ka wala ka wəli tɔɔ nwóó ɓa, ká hvo vįitɔɔ hvóló mąąhəɠə, kaa tiɛ̨ həɠə, káá tɛɛ la Ɉerusalɛmə gbonŋaa laaləi a vįitɔɔ yələ, ká hvo kpəla li yili ɓa, yili nwɛi, nwɔ̨n mə ŋą́ doo gbonŋaa ŋɛ̨i ɓa, yɛ Ɉerusalɛmə pɛlɛ́ lɛlɛɛɠaa kələn, ɛlɛɛ, nwɔ̨n va luwun.

Ɉeremi 20:7

Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Ɉeremi 6:10

Gbɛɛ ɓə pai nwəli tɔɔ nwóóɠaa diɛ? Yɛ nwɔ́ liɛwooɠaa mɛ̨n! Diɛ ka di wəli non və ɉu! Mɛ̨nį hva pɛli lɔi ɉu. Yai-Laa! Di kaa ə́ woo kaai yɛ yɛlɛ kulɔ ɉu hɛn; di hvo bɔ.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Habakukə 1:3

Lə mɛ̨nį ɓa, mɛ̨nį kpəlaan ŋąą ɓə ə́ kaa gaai? Ɛlɛɛ, yɛ́ hvaa mą, yɛ́ mɛ̨nį ɲɔ̨n gɛ nuą kɛi kaa? Ŋą́ ɲɛ̨́i hee gwɛ́lɛ, nwąnąlɔ da mɛ̨nį ɲɔ̨n nɔ ɓə ŋą́ gaa; hvaa kɛɛ, da kiti mɛ̨nį lɔ ɓə gaa kɛɛnąą kəlee.

Lukə 11:45

Ɉɛɓɛ́ kɛmun da ə mo Jesus ɓa, yɛ mą: «Mąąkwɛli kɛmun, ya kɛi mo tii, ku kəlee ka tii ə́ kaa kuɔ woo ɲɔ̨n moi.»

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Hebreu 13:13

'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.