Ɉeremi 20:4 - Yálá laawoo hɛɓɛ (dc)

⁴ Mąąhɔlɔɓo, mɛ̨nį Yai-Laa kaa moi, ya ka, yɛ diɛ: ‹Ə həɠə háákələi ɓa, gáá ə́ kɛi a mąą ɲɔw hɛn, ə́ kpɔɔ kpinįi yɛ́, da ə́ ɓɛlaa ni diɛ. Diɛi tii di kaa pai lɛɛi a di yowoɠaa di wɔ kɔ́ kɔ́ ɓɔwa kɔ̨nɔ̨n, yɛ́i ŋɛ̨i yá kɛ a gɛla. Gáá Ɉuda nuą lɛɛi Babilonə tɔɔmun ɲee kɔ́nma, Babilonə tɔɔmun gaa pai di paai a ɓɔwa kwɛaa.

Yálá laawoo hɛɓɛ

⁴ Mąąhɔlɔɓo, mɛ̨nį Yai-Laa kaa moi, ya ka, yɛ diɛ: ‹Ə həɠə háákələi ɓa, gáá ə́ kɛi a mąą ɲɔw hɛn, ə́ kpɔɔ kpinįi yɛ́, da ə́ ɓɛlaa ni diɛ. Diɛi tii di kaa pai lɛɛi a di yowoɠaa di wɔ kɔ́ kɔ́ ɓɔwa kɔ̨nɔ̨n, yɛ́i ŋɛ̨i yá kɛ a gɛla. Gáá Ɉuda nuą lɛɛi Babilonə tɔɔmun ɲee kɔ́nma, Babilonə tɔɔmun gaa pai di paai a ɓɔwa kwɛaa.

Bible

⁴ Yâwɛɛ ǹyaa kpîŋ a mó ǹyɛɛ, ‘Ŋa pâi íkɛ̂i a yao kɛ́tɛ íkpîŋ mɛni ma da íƃarâai. Ya pâi kɛ̂i naa díkpɔara-ƃelai dí kɛ̀ dípaa a ƃóa-sɔkpɔ-ŋa. Ŋa pâi Zuda-ƃela kélee kɛ̂i Babelɔŋ yée-mu. A pâi dísonîi a kɔ-sôŋ-ŋa é lí a dia ŋɔlɔii su, é da-ni paa.

Ɉeremi 20:4 Iomraidhean Croise

Tɔɔɓɛlaa veelɛ 25:7

Di Sedesiasə lonnii hinąą nwun dee di nąn ɲɛ̨i ɓa. Yili pulu, Nabukodonosorə ə Sedesiasə ɲɛ̨i wolo, ə yɔwɔɔn veelɛ kpulɔn mą, ə li la Babilonə.

Mąątɛ̨nɛ̨ 73:19

Gaa kpɔlɔ a nu tɛɠii kɛɛ kalaa lɔ poto-poto, daa lɔ gbąi, di hu aa kala a ɲɔw.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 13:19

Daa ɉɛɠɛɛ pələ taaɠaa kəlee gbon naa kpulu, nu ta hvo pai naa ɓoi, daa li a Ɉuda nuą kəlee kpɔ tɛ̨ɛ̨tɛ̨ɛ̨ luwɔlaa hu, dɔ̨nɔ̨ kpɛli hvo lɛɛ li.

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 20:6

Ɛlɛɛ, yɛ́ Pasehurə, ka ə́ yəi bɛlɛ́n nuą kəlee ka káá pai lii kɔluwɔlaa hu. Ə́ kpinįi kaa həlii Babilonə, nąą ɓə ə́ kaa pai haai laa; A tɛ̨ą, nąą ɓə di kaa ə́ powa looi laa, yɛ́ ka ə́ ɓɛlaa kpɔ tii ə́ kaa lɛɛ kɛi diɛ, yɛ́ kɛ ə́ kaa mɛ̨nįi pai kɛi ɉukulɔi diɛ.›»

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 29:21

«Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ hvilɛn na Kolaya lon Akabə ɓa, da Maaseya lon Sedesiasə diɛ, yɛ nu hveelɛi tii, di kaa di kpɔɔ kɛi a Yálá kwəi mɛ̨nį hukulɔ nuą, diɛ mɛ̨nį ɓo a náá, a lɛɛ. Gáá pai di tɛɛi Babilonə tɔɔmun Nabukodonosorə pɔ, yɛ di paa ka ɲɛ̨i ɓa.

Ɉeremi 46:5

Lə ɓə kɛ? Ɲɔw aa pili di hu; Di kaa pui. Daa di wɔɔ huwalawala nuą paa. Nuą kaa tɛɛi a gilɛ, diɛ li, di hvo di pulu kaai! Ɲɔw aa di hon bələ kəlee. Ɲą́ą́ Yai-Laa nwóó li!

Ɉeremi 52:24

Dɔɔmun mąąkpɛɛ kulaa nwun nąmu ə ɉaláá laa həli mun Seraya hon, da Sefania yai kɛ a ɉaláá laa həli mun, da nu haaɓai di ɲɛ̨i ə kɛ Yálá hee pɛlɛ́ ɓa.

Ɉeremi 52:27

Babilonə tɔɔmun ə mo, di di paa Rivla daai Hamatə lɔi hu. Bələ ɓə di Ɉuda nuą kulɔ la di pɔ lɔi, diɛ li a diɛ kwɛaa la luwɔlaa hu.

Ɉeremi 6:25

Ka hvo kɛ ka káá lii yɛɛ kɔwɔ ta hu, ka hvo ɉon a pələ ta. Mąąhɔlɔɓo, ka yowoɠaa di wɔ kɔlaɠai pɛlɛɛ laa, aa kɛ a mɛ̨nį-o!

Samuɛlə dɔlɔɔ 2:33

Kɛlaa, gáá pai ə́ yəi bɛlɛ́n mun da lɛɛi nwɔ́ haláá kulɔ kəhi ɓa; ɲɛ̨i yɛ ɲɔ̨n, vii yɛ kpɛɛ, ə́ wɔ pɛlɛ́i mu nuą kəlee kaa pai kɛi lɛɛi a di nwunu kɔ́lɔi, diɛ haa.