Ɉeremi 20:12 - Yálá laawoo hɛɓɛ (dc)

¹² Yai-Laa Mɛ̨nį Kəlee ŋą Hééɓomun, yɛ́i ya tələnmomun mąąkpɛɛ, yɛ́ goo kpala mɛ̨nį, da gwəi kiliŋąhiɛ kaa. Ə́ nwąną kulɔ mɛ̨nį nuą ŋɛ̨i diɛ, gáá pai naa kaai. Mąąhɔlɔɓo, yɛ́ ɓə ŋą́ą́ mą́ą́ mɛ̨nį lɛɛ ə́ yee kɔ́nma.

Yálá laawoo hɛɓɛ

¹² Yai-Laa Mɛ̨nį Kəlee ŋą Hééɓomun, yɛ́i ya tələnmomun mąąkpɛɛ, yɛ́ goo kpala mɛ̨nį, da gwəi kiliŋąhiɛ kaa. Ə́ nwąną kulɔ mɛ̨nį nuą ŋɛ̨i diɛ, gáá pai naa kaai. Mąąhɔlɔɓo, yɛ́ ɓə ŋą́ą́ mą́ą́ mɛ̨nį lɛɛ ə́ yee kɔ́nma.

Bible

¹² Ŋ̀wála-wâla kélee Yâwɛɛi, ya núu su kɔ̀ɔŋ a tɔ̃yâ pere. Í m̀ɛnii kɔ́lɔŋ gáa dí líi su, da díkili ŋái. M̀ɛni ma, tɔɔ ŋá íkaa í mɛni kpa kula ŋ́gbɔara-ƃelai dîa, kpɛ́ni fêi, ŋa ŋámɛnii láa íŋɛi.

Ɉeremi 20:12 Iomraidhean Croise

Kɔlɔnikɔ Veerɛi 24:22

Tɔɔmun Ɉoasə hvo kpɛli giliŋąhiɛ, hvo vilɛn Zakaria nąn Yehoyada nwɔ mɛ̨inɛ̨ɛ̨ ɓa, ə Yehoyada lon Zakaria paa. Ɓɛlɔwai Zakaria ə kɛi pa haai la, ə nwoo tɛ Yálá ɓa, yɛ mą: «Yai-Laa! Ɓɛ kaa, Ə́ ku lɔwai mɛ̨nį hutɔɔ!»

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Mąątɛ̨nɛ̨ 139:23

Yálá! Gwə́i pələ kaa, gwə́i kili kaa, níihɛlɛn gáá mą́ą́, ə́ gɔ́lɔn.

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Mąątɛ̨nɛ̨ 54:7

Nuąi da kɛ mą́ą́hɛn ɉii, mɛ̨nį ɲɔ̨nwɔ̨ɔ̨ ə yɛɛ a di nwun, Di hukala, a ə́ wɔ tɛ̨ąi.

Mąątɛ̨nɛ̨ 58:10

Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala!

Mąątɛ̨nɛ̨ 59:10

Yɛ́ lɔ ɓə ɲɛ̨́i kaa yɛ́, yɛ́i a nwɔ́ huwalawala, a tɛ̨ą mą́ą́kɔ̨nwɔ̨ taa ɓaa a Yálá.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Mąątɛ̨nɛ̨ 86:4

'Ə́ wɔ tímun kwəinɛ̨ɛ̨, mąąhɔlɔɓo, yɛ́i a nwɔ́ mɛ̨nį Nąmu, yɛ́ lɔ ɓə ɲɛ̨́i kaa ə́ pɔ pələ.

Azaya 37:14

Ezekiasə ə ɉɛɓɛ́ hon nuąi di di tɔɔ di yəi, ə ɉu woo ɓo, ə lɔ Yai-Laa yəi bɛlɛ́n, ə ɉɛɓɛ́ hu hvólóon Yai-Laa líila.

Azaya 38:14

Gáá wɔlɔi, yɛ hvólóon, a wala kɛti, yɛ liɛn non, gɛ́ nwóó laa, yɛ tonwənən. Ɲɛ̨́i həɛi ə́ pɔ pələ, ɲɛ̨́i kɔ́lɔn ɉu aa haa: Yai-Laa! Gbánɉu aa haa; mą́ą́ mɛ̨nį ɲɛ̨i kulɔ wɛ!

Ɉeremi 11:20

Yai-Laa Mɛ̨nį Kəlee ŋą Hééɓomun, yɛ́i ya mɛ̨nį hutɔɔ a tələnmolaa, yɛ nuą koo kpala mɛ̨nįɠaa da di wɔ kiliŋąhiɛɠaa hu kpɛ; bələi ə́ kaa pai ə́ nwąną kulɔi la diɛ, gɛ tai, ŋį́ nąą kaa! Mąąhɔlɔɓo, yɛ́ ɓə ŋą́ą́ mąą mɛ̨nį lɛɛ ə́ yee kɔ́nma.

Ɉeremi 12:8

Hvó gaai! Gwɛ́lin nɔi aa kɛ kɛa ɲə́i yɛ yala hilɛ; yɛ huluun mɛ̨́i! Yili ɓa, nwɛli hvo kɛa mą́ą́.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;

Piɛrə dɔlɔɔ 4:19

Yili ɓa, nuąi di kaa mɔ̨nɔ̨ mįi yɛ bələi Yálá liiɓa kaa la, mąąnɛ̨ɛ̨ di di nįį kalihvaɓo hɛn gəlee pɛlimun, a kulɔ nwoo ɓa, mą, a mɛ̨nį lɛlɛɛ kɛɛ.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.