Ɉeremi 2:20 - Yálá laawoo hɛɓɛ (dc)

²⁰ Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Yálá laawoo hɛɓɛ

²⁰ Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Bible

²⁰ Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Ɉeremi 2:20 Iomraidhean Croise

Tɔɔɓɛlaa dɔlɔɔ 12:32

Ɉeroboamə ə hɛli kɛnɛ̨ pu a ɲąnin mɛ̨ihaaɓa nąą nwɔ hvóló pow kɔ́w lɔɔli yələ, yɛ bələi di kɛi gɛ la Ɉuda lɔi hu, ɛlɛɛ, ə tɔɔ ɉaláá kulɔi lííla. Bələ ɓə ə gɛ la Betɛlə, yɛ haláá kulɔ nįŋɛ̨ lon ŋɛ̨i ə bɛli mą, ə nɛɛ mą ə haláá laa həli nuą hee Betɛlə, Yálá kɔ́iɠaa tii ɓa, yai ə dɔɔ.

Tɔɔɓɛlaa dɔlɔɔ 14:23

Di haláá kulɔiɠaa pɛli yɛ di nąnni, a kwɛni kalanŋąą da wuluɠaa, diɛ haláá kulɔ ɲeeɠaa ɓá wulu kpɛa kpɛa kəlee mu.

Mąątɛ̨nɛ̨ 107:14

Ə di kulɔ kpinį yəi, da nwun na pili kpinį yəi, ə di wɔ kpɔnɔ̨ɠaa tee diɛi.

Mąątɛ̨nɛ̨ 2:3

Diɛ kɛ diɛ: «'Ka gu di wɔ kponoɠaai hu yali tai, gu di wɔ yɔwɔnŋąąi pili.»

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Lɛɛ gbɔwɔ ɓa 19:8

Nu kpɔn gəlee ə nwoo mu hon a gee, diɛ mą: «Mɛ̨nįɠaai kpɔ Yai-Laa ə mo, ku kaa pai gəlee kɛi.» Moisə ə nuą woo laa həli Yai-Laa ɓa.

Lɛɛ gbɔwɔ ɓa 24:3

Moisə ə pa, ə Yai-Laa wooɠaa kəlee da nwɔ tɔ́n nwoo hukulɔ nɔi lonnii diɛ. Nuą kəlee di nwoo mu hon a gee, diɛ mą: «Nwooɠaai kpɔ tii Yai-Laa ə mo, kwa gəlee kɛ.»

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Azaya 10:27

Mąą yələi tii, tiɛ̨i kɛ ə́ kalan ŋą da ɉəɠə ə́ kalan ŋą, di diɛ̨ həɠə ə́ nwuɔ̨, diɛ̨i tii a həɠə laa, hɛn gɔw yɛ laa laa;

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Azaya 9:4

Hvó gaai, gɔlɔ kpɛa-kpɛai kɛ di kɔ́wɔ ŋą, diɛ nɔi tín gulɔ la, ɉəɠəi kɛ di kwaną gbɔluɔ a ɲąmą, yiliɠaai kəlee kaa pai kələn ɉii, di kɛ a nwɔ̨n gɔ̨nɔ̨n.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Ɉeremi 17:2

Ə gɛ, di wɔ haláá kulɔiɠaa da nwulukpiɛnɠaai di vilɛn ɲeeɠaa nwuɔ̨ diɛ gɔ́ nwuluɠaa mu, gili hvo pa kpɛɛ di lonnii ŋą.

Ɉeremi 2:31

Kaai ɓaa háákələi nuą, ka ka wəli tɔɔ Yai-Laa woo ɓa! Yɛ diɛ: «Akɛti, ŋą́ą́ kɛ mɔ̨ɔ̨ a lɔi pun Israɛlə ɓa? Awala kɛ, tii kpinįi lɔi?» Lə ɓə kɛ, yaai nwɔ́ lɔi hu nuą da kɛ kɛi diɛ: «Ɓɛi a nɛɛ kuɔ, naa ɓə ku kaa lii laa? Ku hvo kɛa pai lɛɛi ə́ pulu!»

Ɉeremi 3:13

Kɛlaa, ə mą kɛ tii, hvaa ə́ wɔ túwɔ́ pələ ɲɔ̨n ma. Yai-Laa ə́ wɔ Yálái ka tii ə́ ə́ kwɛli tee mą. Ə́ hvilɛn ŋąą nwɛ̨ąą pulu, kaa li pələ kəlee pɔ; kaa li wulu laa huwia kəlee mu; hvó kɛ ə́ wəli tɔɔ li nwóó ɓa. Ɲą́ą́ Yai-Laa nwóó li!

Ɉeremi 30:8

Yai-Laa Mɛ̨nį Kəlee ŋą Hééɓomun nwoo ka, yələi tii a həli, ŋą́ nwɔ́ tiɛ̨i kulɔ di nwuɔ̨, ŋą́ ɲɛliɠaa tee. Di hva kɛa kɛ a nwɛ̨ąą di wɔ luwɔ.

Ɉeremi 5:5

Yili ɓa, gáá kani ɲɛ̨i heei nu kpɛa kpɛa diɛ, kwa diɛni ku da ɓo. Di wɛi, di Yai-Laa woo kɔ́lɔn. Di di wɔ Yálái nwɔ tɔ́nŋaai kɔ́lɔn.» Di kəlee di kaa lɔ tɔ̨nɔ̨; daa kɛ di nwun gulɔ mu, daa kɛ di yɛli tee.

Izikiɛ 16:28

Yili hvo ə́ pilɛ, ə́ too nwɔ̨nɔ̨ Asiri nuą pɔ ka diɛ ni ka túwɔ pələ ɲɔ̨n gulɔ; pələi mąn ə kɛ la tii, yili hvo ə́ pilɛ.

Izikiɛ 16:31

Ɓɛlɔwai ə́ ɉaláá kulɔi pɛli la bələ taŋan na kəlee ɓa, yɛ́ hali kɔ́i pɛli gwəli hą́ą́ kəlee ɓa, hvo kpɛli kɛi gɛ yɛ wɛlikɛ nɛ̨ɛ̨nu leelee, yai nwɛi a wali hon nuą́ yəi.

Izikiɛ 16:41

Di kaa pai ə́ wɔ pɛlɛ́ɠaai kələn ɉii; di kaa pai giti hu wooɠaai tii pɔ mɛ̨nį kɛi yɛ́ nɛ̨ąą kpulu kɛnɛ̨ɛ ɲɛ̨i ɓa. Gáá pai ə́ wɔ wɛli hon ŋąą kpɛɛi, hva kɛa pɛli wali tɛɛi a nuą́ hvɛla.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Izikiɛ 23:5

Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Osia 3:3

Gɛ́ mą: «Ə́ kaa pai lɛɛi a ɉukwɛaa. Hvá wɛli hon, hvá ə́ kpɔwɔ tɛɛ hulɔnu takpɛli pɔ, ɲą́ą́ gbɛli mąn bələ lɔ ɓə gáá pai túwɔi la a yɛ́.»

Osia 4:13

Da kɛ haláá kulɔi yeeɠaa nwuɔ̨, diɛ hali kɔ́ hɛnŋąą kələn yee kpukpuɠaa nwuɔ̨, hɛanɠaa mu, da towələ wuluɠaa mu, gbala ə tɔɔ, di nįnįn mu ɲąąnɛ̨ɛ̨i. Yili mąą mɛ̨nį ɓə ka lonnii nɛ̨ąą da di kɔ́lɔ lɔwɔ́tɔɔ la, ka lon nɛ̨ąni diɛ wɛli hon.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Levetekɔ 26:13

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə nuą di wɔ lɔi hu, diɛi ka kɛ di yəi a luwɔɠaa. Ɲą́ą́ ɓə nuwɔlaa kpɔnɔ̨i tii kulɔ ka nwun ma, gɛ́ gɛ kaa hiɛ a ka nwun muhəɠɛɛ.

Nahumə 1:13

Yiihu kɛa, diɛ̨i kɛ ə́ nwuɔ̨, ŋą́ą́ ɉəɠə laa, ŋą́ą́ ə́ wɔ yɔwɔnŋaai tee.»

Dutɛrɔnome 12:2

Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Dutɛrɔnome 26:17

Kaa háákələi ka woo kwɛlɛ Yai-Laa ɓa, kaa gaa a ka wɔ Yálá, ka káá bɔ, ka hiɛ nwɔ kpaaləɠaa mɛ̨i, ka yíi pələi ə nɛ kaa, nwɔ tíɓoɠaa da nwɔ tɔ́n nwooɠaa, kaa gəlee pɔ mɛ̨nį kɛ, kaa lɛɛ la nwoo mu.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 5:27

A kɛ tii, lɛɠɛ laa, yɛ́ Yai-Laa gu wɔ Yálái woo kəlee mɛ̨n, mɛ̨nįi lɔpee Yai-Laa gu wɔ Yálái a mo yɛ́, ə́ pənə yɛ́ mo kuɔ, a kɛ tii, ku kaa pai ku wəli tɔɔi mą, kuɔ bɔ mɛ̨nį kɛ.»

Zasua 1:16

Di kəlee diɛ Ɉosue ɓa: «Yiiɠaai kpɔ ə́ mo kuɔ, ku yee kaa gəlee mu, ku kaa gɛi; ɓɛi lɔpee ya ku tɔɔ la, kwa li laa.

Zasua 24:24

Nuą diɛ Ɉosue ɓa: «Ku kaa pai tíi Yai-Laa ɓa, Yaai gaa a ku wɔ Yálá, ku lɛɛ nwoo mu.»

Zasua 24:26

Ɉosue ə nwooɠaa tii pɛ̨ɛ̨ Yálá nwɔ tɔ́n ɉɛɓɛ́i hu, yili pulu, ə kwɛni kpuwulu kɛnɛ̨ həɠə, ə dɔɔ gɛɛnąą tii ɓa, nwulu kɛnɛ̨i tii di kɛi Yai-Laa mąąwiɛ gɔwɔ la, mu.

M̀ɛni-lɛɛi 17:1

Yili pulu, malaka mɛ̨ihveelɛi tii gbələ kɔ́wɔ mɛ̨ihveelɛ ə kɛ di yee ɲąi, dɔ̨nɔ̨ ə pa, yɛ mą́ą́: «'Pá ɓɛ! Nwɛlikɛ nɛ̨ɛ̨nu kɛnɛ̨i tii heeni gboloyá kwɛlɛ, bələi di pai giti teei la, ŋį́ bələ lɛ yɛ́.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Nwun mąąɓo 2:13

Di lɛ̨ą Yai-Laa ɓa, diɛ kɛa kwɛli hvilɛn Baalə ɓa da hali Astarteɠaa.

Samuɛlə dɔlɔɔ 12:10

Israɛlə ə kɛi wɔlɔ Yai-Laa pɔ pələ a mąą yələɠaa diɛ kɛ mą: ‹Kwaa nɛ̨ŋɛ̨n ɉəɠə, mąąhɔlɔɓo, kwaa Yai-Laa lɛɛ laa, kuɔ kwɛli hvilɛn ɉaliɠaa ŋɛ̨i da kɛ diɛ Baalə da Astarteɠaa diɛ. Yii hu, ya ku kulɔ ku yowoɠaa yəi, kwa tí yɛ́.›