Ɉeremi 2:19 - Yálá laawoo hɛɓɛ (dc)

¹⁹ Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Yálá laawoo hɛɓɛ

¹⁹ Dúwɔ́ pələ ɲɔ̨n tii ə́ gɛ, hvo kɛli ə ə́ hutɔɔ. Nɛ́ɛ́ ŋɛ̨i ə́ mo laa, hvo kɛli ə ə́ hutɔɔ. Ə́ lənə mɛ̨nį Yai-Laa ə́ wɔ Yálái ɓa, hvo kɛli yá ɉu mɔ̨nɔ̨ mį́i, ə lɛɛ, ə́ ɲąąnwąnąąi kaa da ɲɔ̨nwɔ pələ. Hvó gaai, mą́ą́ mɛ̨nį hva kpɛli kɛa ə́ mąą kpɛlin. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Bible

¹⁹ Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 2:19 Iomraidhean Croise

Tɔɔɓɛlaa dɔlɔɔ 18:18

Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Kɔlɔnikɔ Veerɛi 12:5

Yálá kwəi mɛ̨nį hukulɔ mun Semaya ə pa ə həli Roboamə ɓa, da Ɉuda ɲɛ̨itɔwɔnuą di ɲąąkpɔnŋąąi kɛ Ɉerusalɛmə, ɓɛlɔwai Sisakə ə kɛi paa la; yɛ diɛ: «Yai-Laa woo ka, yɛ: ‹Kaa ŋɛ̨i kaa nɛ́ɛ́ laa, ɲą́ą́ gbɛli mąn, gáá ka lɛɛi Sisakə yee kɔ́nmą.›»

Kɔlɔnikɔ Veerɛi 21:10

Bələi mąn ə kɛ la tii, Edɔmə kwɛli teɛi lɔ kɛ Ɉuda tɔɔlaa ɓa, gaa lɔ tii háá ɓaa a háá. Nąąlɔwai tii hu lɔ nwɔ̨nɔ̨, Livna ə gwɛli tee Yoramə ɓa. Mąąhɔlɔɓo, Yoramə aa kɛ gili kulɔ nąnni di wɔɔ Yálái, Yai-Laa hu.

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Mąątɛ̨nɛ̨ 36:1

Nwələ ɲɛ̨itɔwɔmun, Yai-Laa nwɔ tímun Davidə nwɔ wələ woo.

Lɛɛ gbɔwɔ ɓa 33:6

Israɛlə lonnii di ɉɛli həɠəɠaa kulɔ di kwąną, di həɠə Horɛbə.

Hanwon 1:31

Yili ɓa, ka túwɔ́ pələi tii lɔ ɓə gbalo a ka káá, ka wɔ kili ɲɔ̨nwɔ̨ɔ̨ tii lɔ ɓə ka pilɛ ɉu.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Ɉeremi 1:16

«Mɛ̨nįɠaai ŋį́ mąą kili tee gwə́i di wɔ túwɔ́ pələ ɲɔ̨nŋąą mąą mɛ̨nį ɓa; gáá gəlee hukulɔi diɛ; ya baa: Daa ɓo mą́ą́, daa dóó, diɛ haláá kulɔ haliɠaa diɛ; a hɛnŋaai di bɛli a di yee, diɛ pɛlɛ di lííla.

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

Ɉeremi 2:17

Israɛlə! Mɛ̨nįɠaa tii kaa laai yɛ́ lə mɛ̨nį ɓa? Kɛlɛi Yai-Laa ə́ wɔ Yálái lɛɛi ə́ mɔ laa, ɓɛlɔwai, ə kɛi ə́ tənən dɔɔ la bələ pɔ, yili ɓə gɛ-e?

Ɉeremi 3:22

'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Ɉeremi 4:18

Ɉerusalɛmə taa! Yá gaa yili kaa laai yɛ́, ə́ kulɔ ə́ túwɔ́ pələ da ə́ kɛ mɛ̨nįɠaa hu. Gbaloi tii aa ɓɛla yɛ́, yɛ́ ɉu mɔ̨nɔ̨ mį́i. Ə́ wɔ lii ɲɔ̨n gwəi laa mąą mɛ̨nį ɓə.

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Ɉeremi 5:24

Di hva kɛ di kpɔɔ ɓa: «Maa nɛɛ ka gu Yai-Laa gu wɔ Yálái mąąwiɛ. A yaa tii a tulɔ tɛɛ gu pɔ a bui lɔwai, yɛ pu a weewaa da tɛlin; yɛ mɔ̨nun dee ɲąnįnŋaa tɛɛ gu pɔ, di ɓo laa di mąą hva hvalin.»

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Ɉeremi 7:19

Akɛ tii mɔ̨ɔ̨, ɲą́ą́ ɓə tii di nííkələn ɉii gwə́i? Yai-Laa, woo li! Kɛlaa diɛ kpinįi lɔ ɓə? Mąą nɛ̨ɛ̨ kɛ, diɛ kpinįi di nwumɛ̨ kɛ ɉu.

Ɉeremi 8:5

Lə ɓə kɛ yaai, nu huwui ŋɛ̨i Ɉerusalɛmə, gaa lɔ nwun gulɔi nwóó mu diɛ nɛ́ɛ́ laa a ɉu kwɛa? Diɛ ka, daa kanąn nɔ hali mɛ̨nį ɓa, di hvo gɛi di hvo tinɛ̨n di hvo pa bɔ́.

Izikiɛ 23:30

Ə wɔ wɛli mɛ̨nįi da ə́ tuwɔ pələ ɲɔ̨n mə pai mɛ̨nįɠaai ti laai yɛ́, mąąhɔlɔɓo ə́ tuwɔ pələ ɲɔ̨n gulɔ a hvilɛn ə́ mo lɔiɠaa pulu yɛ́ ə́ mąą liɓi a di wɔ haliɠaai.

Izikiɛ 39:24

Ŋį́ di hon yɛ bələi lɔ di di mąą liɓi lai, diɛ kulɔ la nwoo mui; yili ɓə gɛ gɛ́ ɲɛ̨́i loo diɛ.

Osia 11:7

Nwɔ́ nu huwui, di yee kanąn ŋąą kpɔlɔ di wɔ hali mɛ̨nįi ɓa, di kaa di təlii diɛ kɛ di tɛ Hɛn Gəlee Nąmu pɔ, kɛlaa, di ta lɔpee hvo gɛi hvo tɛ.

Osia 13:9

Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Osia 4:16

A tɛ̨ą, Israɛlə aa kɛ̨ą, yɛ nįŋɛ̨ haa a kɛ̨ą, Yai-Laa a pɛli kɛa di hon bələ kɛi ləi, yɛ da kɛ a ɓɛlaa talaɠaai kpomói, diɛ di laa mįi.

Osia 5:5

Israɛlə nwɔ kpɔwɔ ɲąąkɛnɛ̨i ɓə giti kalai mą, Israɛlə, da Ɛfraimə di wɔ nɛ̨ŋɛ̨nŋąąi ɓə di tooi, Ɉuda yaa kpɛlimąn, yɛ too, da diɛni.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Osia 9:1

Israɛlə, 'hvo kwəinɛ̨ɛ̨ kulɔ! 'Hvo mąną, yɛ lɔi ta kpɛliɠaa, mąąhɔlɔɓo, ə́ kaa wɛli hon ɉii a ə́ mąą kwɛai ə́ kaa moi ə wɔ Yálái ɓa, yɛ́ yili mąą hvɛla wɛlila kɛ, mɔ̨nun danɉii kəlee ɓa.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Mise 1:5

Yili ə kɛ tii a Ɉakɔbə nwɔ kulɔ nwoo mu laa laa pɔɔ, a Israɛlə nwɔ pɛ́lɛ́i nwɔ nɛ̨ŋɛ̨nŋaa laa pɔɔ. Ɉakɔbə nwɔ kulɔ nwoo mu ɓaa a lə? Samari hvəi? Ɉuda nwɔ haliɠaai kɔ́i ɓaa a mį? Ɉerusalɛmə hvəi?

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Lomaŋ 3:18

Di hvaa ɲɔw Yálá ɓa.»

Nwun mąąɓo 10:13

Kɛlaa, ə mą kɛ tii, ka ka pulu tɔɔ mą́ą́, kaa kwɛli hvilɛn haliɠaa diɛ. Yili ɓə gaa mą, və́ kɛa gɛi, və́ ka nwun mąąɓo nwɔ̨nɔ̨.