Ɉeremi 2:15 - Yálá laawoo hɛɓɛ (dc)

¹⁵ Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Yálá laawoo hɛɓɛ

¹⁵ Diɛ huluun mɛ̨i yɛ yala lonnii daa kɛi kɔ̨nɔ̨n mį́i, diɛ kpəɠi mą, diɛ nwɔ lɔi lɛɛ a lɔi pun. Diɛ nwɔ taaɠaa kələn, yɛ lɛɛ a taa kpoloonŋaa.

Bible

¹⁵ Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Ɉeremi 2:15 Iomraidhean Croise

Zôo 4:10

Di huluun nwoo tii a kɛ di hu yɛ Yala, diɛ kpəɠi yɛ Kwɛli, Yálá kaa pai di kɔ́lɔ haai diɛ. Ə Yala lonnii ɲin mɛ̨i yali.

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 24:1

Ka kɛɛ kaa! Yai-Laa kaa lɔi hu kalai, yɛ nɛɛ a gboloon, gaa lɔi mɛ̨i hɛnŋąą kalaɠalai, yɛ ɉu hee ɓo nuą taɠa taɠa.

Azaya 5:29

Nwoo kaa tɔɔi yɛ Yala haa, gaa huluun ɉi yɛ Yala laŋą lon, a tómą, ə wolo gɔ̨nɔ̨n mą, yɛ li la, nu hva hɔlɔɓo hvo gulɔ ɲəi.

Azaya 5:9

Ŋą́ Yai-Laa Mɛ̨nį Kəlee ŋą Hééɓomun kwɛla woo mɛ̨n, yɛ kɛ diɛ: «Pɛlɛ tamąą, di kpɛa-kpɛa di lɛlɛɛ, di kaa pai lɛɛi a di howolo; mu nuą di hva kɛ mą.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 25:30

Ɛlɛɛ, yɛ́, mɛ̨nįɠaai ŋɛ̨i kəlee hukulɔ diɛ, yɛ diɛ: Yai-Laa aa lɛɛ yələkɔlɔn ɉu yɛ tomą Aa lɛɛ nwɔ pɛlɛ́ mąąhəɠɛɛ mu, nwoo yɛ tɔɔ, gaa tomąi nwɔ lɔi pɔ yɛ tomą yɛ viɲə yá kulɔ nuą hvúluun nwoo, yɛnɛ̨ɛ̨ nuą kəlee pɔ.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 26:9

Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Ɉeremi 33:10

Yai-Laa woo ka, yɛ diɛ: Ka kaa kɛi diɛ: Gɛɛnąąi ŋɛ̨i kaa a lɔi pun. Nu hvo laa, taatɛlɛɛ hvo laa; Ɉuda taaɠaa hu da Ɉerusalɛmə kwəliɠaa hu. Nąą mąą aa wɛli; nu hvo laa, taatɛlɛɛ hvo laa. Di kaa nwɔ̨nɔ̨ pai,

Ɉeremi 34:22

Yai-Laa yɛ diɛ: Gáá moi di pənə di pa, di pɛlɛ daai ŋɛ̨i ɓa. Di kaa pai woloi mą, di ɉon, di gələn, gáá Ɉuda taaɠaa kɛi a taa kpoloon, nu hva kɛ ɉu.»

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 44:22

Yai-Laa hva kɛa kɛ pɛli niilaai ka túwɔ́ pələ ɲɔ̨nŋaa tii mu, da ka wɔ nwuɔ̨ mɛ̨nįɠaa, kɛlɛi yili ɓə aa ka wɔ lɔi lɛɛ a lɔi pun, a lɔi kpoloon mąąwɛliɛ, aa kɛ a nɛ̨ŋɛ̨n naa hɛn, nui lɔpee ta hvo nɔi, bələ ɓə gaa la yiihu.

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 51:38

Di kaa pai kɛi huluun ɉii mɛ̨i a gee, yɛ yala gbɔnŋaa, diɛ hvaa di nwun ɉu, yɛ yala lonnii.

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Izikiɛ 36:3

Yili mąą mɛ̨nį ɓa, gwə́i mɛ̨nį hukulɔ diɛ, yɛ́ diɛ; Mɛ̨nį kəlee ŋą Hééɓomun Yálá woo ka: Daa di ɲɛ̨i kulɔ ka pɔ, ɛlɛɛ, daa too ka mɛ̨i bələ kəlee, kaa kɛ a hįį takpɛliɠaa di wɔɔ, daa di laa pu ka hį́i kəlee lɔwai, lɔiɠaa hu;

Izikiɛ 5:14

Gáá pai ə́ kɛi a lɔi pun, a nwumɛ̨ hɛn, nɔiɠaai ə́ kwɛlɛ gəlee ɲɛ̨i ɓa; nuąi kpɔ da tɛɛ ɓɛ di ɲɛ̨i ɓa.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Amɔsə 3:12

Yai-Laa yɛ diɛ: Pələi lɔ tii Yala a ɓɛlaa hon na, mɛlaa pulu mun nwɛi ɛlɛɛ a gɔwɔ-kwana hveelɛi, a wala kɛ tii, nwəli kpuɔ, Israɛlə nu huwui di heɛ kaa Samari daai, pələ lɔ ɓə gaa pai kɛi la a diɛ, diɛ yiiɠaai di kaa heeni gbəlin gbɛa kpɛaa hu, a wala kɛ tii, di laa kpin nɛlɛɛ ŋą. Gbəli wolo lɔ ɓə nwun maa kaa pai ɓoi.

Amɔsə 3:4

Akɛti yala a pɛli huluun ɉii wəla hu, akɛ hvo gɔ̨nɔ̨n gaa li? Akɛti, a pɛli huluun ɉii nwolo hu, akɛ hvo hɛn da hon ni?

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Nahumə 2:11

Daa gəlee həɠə, daa di laa tɛ gəlee mu, daa gəlee taɠa, nu ta lii hvo kɛa kpələ li; di kɔ́wɔ kaa kɛlɛi gee hu, diɛ kpɛlin nɔ ya-ya, di ɲɛ̨i aa tɔɔ lɔ gamąn.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Sofoni 2:5

Kpalo aa ɓɛla gboloyá kwɛlɛ heeɓo nuą diɛ, diɛi ɓaa Krɛtə lɔi hu nuą, kaa ɓə Yai-Laa kaa haŋąi kaa. Filisti nuą pɔ lɔi Kanaan, gáá ə́ lɛɛi a lɔi pun, nuą di hvo pai heei ə́ hu.

Sofoni 3:6

Ŋą́ą́ lɔi taɠaa mąą mɛ̨nį kpɛɛ yɛnɛ̨ɛ̨, di mąąkpɛ pɛlɛ́ɠaa daa pu, ŋą́ą́ bələɠaa mɛ̨i tɔɔ tón-tón, nu hvo mą hvo tɛɛ la. Ŋą́ą́ daaɠaa lɛɛ a taa kpoloon, nu hvo ɉu, nu hvo mą hvo hee laa.

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,

Nwun mąąɓo 14:5

Samsɔn da gaa nuą di həɠə də li Timna, ɓɛlɔwai di həli la yiliɠaai di wɔ viɲə yɛɛi ɓa daa kwɛlɛ, yala ta ə lan yɛ pa woloi Samsɔn ɓa.