Ɉeremi 19:3 - Yálá laawoo hɛɓɛ (dc)

³ Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Yálá laawoo hɛɓɛ

³ Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Bible

³ Mó dîa yɛ̂ɛi, “Káai a Zuda kaloŋ-ŋai da Zerusâlɛŋ-ƃelai, ka Yâwɛɛ wóo mɛ́ni. Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ ká gáa, ŋ́gaa pâi pâi a mɛni nyɔ́mɔɔ kâa nyíi núu da a dùŋ mɛ̀ni, a pâi kpɛ̃lînii.

Ɉeremi 19:3 Iomraidhean Croise

Mąątɛ̨nɛ̨ 102:15

Gwɛniɠaai di Siɔn tɔɔ la, di mąą liihɛlɛn kaa ə́ wɔ tínuąi diɛ, ə mą kɛ ɉu munuun-gbala, mąąwɛli yɛ di hon.

Mąątɛ̨nɛ̨ 110:5

Ną́mu kaa ə́ ɓa-mįi-yee hu pələ, ə tɔɔɓɛlaa hu wolo a níiholi yələi

Mąątɛ̨nɛ̨ 2:10

Ə həli kɛa kaa, kaai a tɔɔɓɛlaa, 'ka kili hɔlɔɓo, 'ka ka hɔn mąąhvalin, kaai a lɔi ɲąąwooɓo nuą.

Azaya 28:19

Dɛɛ pələ kəlee, gaa pai kɛi ka hon ɉii. Mąąhɔlɔɓo, gaa pai kɛi tɛɛi a yələwala kəlee, yɛ tɛɛ a hvóló da kpinį, ɛlɛɛ, mɛ̨nįi tii nu a gili kɔ́lɔn, a kɛ a ɲɔw kɛnɛ̨ɛ̨.

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Ɉeremi 17:20

yɛ́ diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉuda lɔi hu nuą, Ɉerusalɛmə daai nuą, kaai kpɔ ka tɛɛ gbonŋaa ŋɛ̨i laaləi.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 25:29

Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Izikiɛ 7:5

Yai-Laa woo ka, yɛ diɛ: «Ə́kə! Mɛ̨nį ɲąąnwąnąą kɛnɛ̨, ɲɔ̨nwɔ̨mąn və ta kaa li, ya ka ti pai-o.

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

M̀ɛni-lɛɛi 2:29

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

Samuɛlə dɔlɔɔ 3:11

Yai-Laa yɛ Samuɛlə ɓa: «Gáá pai mɛ̨nį ta laai Israɛlə lɔi ɓa, nui lɔpee pai bələ mɛ̨n ɉii, hvo kɛ li nii a ɓɛla ma.