Ɉeremi 19:13 - Yálá laawoo hɛɓɛ (dc)

¹³ Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Yálá laawoo hɛɓɛ

¹³ Ɉerusalɛmə taa da Ɉuda lɔi hutɔɔɓɛlaa kaa pai kɛi yɛ Tafetə, mąąliɓiɛ, a bɛlɛ́ɠaa kpɔ tii da kɛ halááɠaa kələn ɉii di laaləi yələkɔlɔn ɉu hɛnŋaa diɛ, diɛ lɔɔ pu laa haliɠaa diɛ.

Bible

¹³ Bɛ́rɛ-ŋai díkaa Zerusâlɛŋ da nyíi-ŋai díkaa a Zuda kaloŋ-ŋai dípɛrɛi, é pɛlɛ bɛ́rɛ-ŋai dîa nyíi-ŋai díkereŋ sɛŋ kúŋ nɛ̃ɛ kèreŋ dítôŋ su ŋ̀âla-ŋai díkaa ŋ̀ele-kɔlɔŋ sui dîai, dí kɛ́ kpele-sɛŋ sama-sɛŋ pù ŋ̀âla-ŋai da-ni dîɛi, da pâi kɛ̂i a dímaa-tĩ̂a karáa yɛ̂ɛ Tofɛ.”

Ɉeremi 19:13 Iomraidhean Croise

Tɔɔɓɛlaa veelɛ 17:16

Di Yai-Laa di wɔ Yálái nwɔ tíɓoɠaa kəlee lɛɛ laa, di nįŋɛ̨ lon mąąnįnįn veelɛ pɛli, di wulu tɔɔ, diɛ haláá kulɔ mą. Diɛ kwɛli hvilɛn yələ kwəi hɛnŋąą kəlee diɛ, diɛ tí Baalə ɓa.

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Tɔɔɓɛlaa veelɛ 23:12

Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Tɔɔɓɛlaa veelɛ 23:14

Gwɛniɠaa ŋɛ̨i di kɛi haláá kulɔ mą, da nwului di dɔɔ diɛ haláá kulɔ mą, Ɉosiasə ə gəlee taɠa. Ə nu kɔ́wɠaa pu laa.

Mąątɛ̨nɛ̨ 74:7

Daa ə́ hvɛli pɛlɛ́ kɛ a nwɔ̨n gɔ̨nɔ̨n, diɛ ə́ laa mąąwiɛ pɛlɛ́ pu, diɛ mɛlɛkpɛɛ mą.

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Azaya 22:1

Mɛ̨nį kponąąi di mo yɛ hvilɛn ɉíįn kaa ɓoloon ma ya ka: Lə ɓə kɛ yai, ká ə́ wɔɔ nuąi kəlee ka káá ka ɲąą kpɔn ɉi ɲələi pɛ́lɛ́ ɲįmąn mu?

Ɉeremi 19:12

Mɛ̨nįi tii ɓə gáá naai gɛɛnąą ŋɛ̨i da ɉu hee ɓo nuą diɛ; gɛ́ daa ŋɛ̨i kɛ yɛ Tafetə. Ɲą́ą́ Yai-Laa nwóó li.

Ɉeremi 32:29

Kalde nuąi tii pai gɔ́ pɛlɛi daai ŋɛ̨i ɓa, di kaa pai nwɔ̨n bilii daai, ɛlɛɛ, bɛlɛ́ɠaai di kɛi Baalə kɔ́ halááɠaa kulɔ mui, diɛ haliɠaa kɔ́ mui, di gəlee kələn.

Ɉeremi 44:18

Ə həɠə ɲələi ku kpɛla la yələkɔlɔn ɉu tɔɔ-nɛ̨ɛ̨nu tii kɔ́ɔ ɓa a lɔɔ, da wulɔ, da haláá hɛn, ku yəi aa kpɛɛ mɛ̨nį kəlee hu, kuɔ haa kɔ́ hu, pulu yɛ ku paa.»

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Sofoni 1:5

Nuąi da tɛ gbɛan ŋą, diɛ kwɛli hvilɛn yələ kwəi hɛnŋąą diɛ, nuąi da kwɛli hvilɛn Yai-Laa ɓa, diɛ di kwɛla a di wɔ hali Melɛkə laa, gáá gəlee nwun napilii.

Gɛlaɠaa 10:9

Mąą yələ laaɓoɔ, ɓɛlɔwai di kɛi li la Ɉope daai, di lɛɠɛɛ kɛa daa kpala, ə kɛ a hvoló tɛɛ nwun ma lɔwai, Piɛrə ə tɛ ɲələi pɛlɛ́ ɲįmąn mu, yɛ Yálá hvɛli.

Gɛlaɠaa 7:42

Yili ɓə gɛ Yálá ə di lɛɛ laa, diɛ kɛa kwɛli hvilɛn yələi hɛnŋąa diɛ, yɛ bələi bɛ̨ɛ̨ la Yálá kwəi mɛ̨nį hukulɔ nuą di wɔ hɛɓɛ́i hu, diɛ kɛ mą: «‹Israɛlə nu huwu! Gwɛlan bow nąąn ka gɛ nɔi pun ɉu, ɲą́ą́ ɓə mɔ̨ɔ̨ ká kɛli gɔ́, a ka wɔ haláá hɛn, da kɔ́ɓo hɛn?

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.