Ɉeremi 19:11 - Yálá laawoo hɛɓɛ (dc)

¹¹ ɛlɛɛ, yɛ́ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: Gáá pai nu huwui ŋɛ̨i da daai ŋɛ̨i woloi yɛ bələi da ləɠi wolo la, bɛli pələ hva kɛ mą. Nu powa looi hvo pai kɛi laa, di kaa pai kɛi nu powa looi ə mą kɛ Tafetə.

Yálá laawoo hɛɓɛ

¹¹ ɛlɛɛ, yɛ́ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: Gáá pai nu huwui ŋɛ̨i da daai ŋɛ̨i woloi yɛ bələi da ləɠi wolo la, bɛli pələ hva kɛ mą. Nu powa looi hvo pai kɛi laa, di kaa pai kɛi nu powa looi ə mą kɛ Tafetə.

Bible

¹¹ À kɛ̀ tí, ŋá mó dîa Ŋ̀wála-wâla kélee Yâwɛɛ ǹyɛɛ, “Bere ƃé ŋa pâi ǹûai da daa-lêei su-ƃelai wôloi la yɛ̂ɛ ǹeɣi-tɔɔ-nuui ŋɔpɔ̂rɔ-leɣii a gɛɛ pere fé ŋɔ́nɔ kɛ̀ naa gbɛtɛ́ɛ pôlu mɛni ma. Da pâi ǹûai loôi Tofɛ, kpɛ́ni-fei díloôi da kpɛ́ni fé pâi kɛ̂i ma.

Ɉeremi 19:11 Iomraidhean Croise

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Hanwon 6:15

Yili mąą mɛ̨nį ɓa, gaa pai tooi lɔ tii kpulun, doo pələ kaa pai ɲɔ̨nwɔi, ɉu a yali ɉali hva kɛ.

Azaya 30:14

Ɉu yɛ ɓuwo kpɔlɔ yɛ bələi ləɠi tɔɔmun nwɔ ləɠi a ɓuwɔ la, kpɔlɔ a galan bɛlɛɛ pɛlɛɛ, kɛi hva kɛ mą, nu hva pɛli kpɛli galan ta kaai hvo nwɔ̨n ɉəɠə ɉu, a wala kɛti yɛ pɛli ya haɠai ɉu.

Ɉeremi 13:14

Gáá di nwun nwoloi gee ɓa; lon ɉulɔnu da nąn ŋį́ di wɛi kɛ a gee. Ɲą́ą́ Yai-Laa nwóóli. Və́ pai nui lɔpee ta mąąwɛli kaai, nɛɛmąą hva kulɔ, mąą hvaalɛɛ mɛ̨nį hva kɛ ɉu. Ŋą́ di hu kala.›»

Ɉeremi 19:12

Mɛ̨nįi tii ɓə gáá naai gɛɛnąą ŋɛ̨i da ɉu hee ɓo nuą diɛ; gɛ́ daa ŋɛ̨i kɛ yɛ Tafetə. Ɲą́ą́ Yai-Laa nwóó li.

Ɉeremi 19:6

Yili ɓa, Yai-Laa yɛ, hvólóɠaa kaa pai ɉəlii, di hva kɛa kɛ gɛɛnąą ŋɛ̨i laa ɓaa: Tafetə, a wala kɛ tii, Bɛn-Hinɔmə ɓoloon, kɛlaa da kɛ nąą laa ɓaa: nu paa ɓoloon.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Ɉeremi 48:38

Moabə pɛlɛ́ kəlee mu, gwəli kəlee hu, wɔlɔ woo lɔ ɓə laa, diɛ kɛ mą: «Daa Moabə wolo yɛ kɔ́wɔ haɠa. Ɲą́ą́ Yai-Laa nwóó li!»

Ɉeremi 51:63

Seraya, yá kpɛɛ a ɉɛɓɛ́i ŋɛ̨i ɓoɔ, kwɛni kpuwulu yili mą, ə́ bili Eufratə ɲá hamąi.

Woolaa 4:2

Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?

Gɛlaɠaa 21:11

Ə lɛɠɛ kuɔ, ə Polə nwɔ yalai kulɔ ɉąą, ə gɔwɔ da ɲee pɛlɛ gee ɓa, ə ɲili la, yɛ mą: «Mɛ̨nįi Kili-Mąąhəɠɛɛ kaa moi ya ka; yɛ diɛ: Nui bɔɔ ɓaa ɲalai ŋɛ̨i, bələ ɓə Ɉuifəɠaa kaa li ɲili la Ɉerusalɛmə, di dɛɛ nwɛ̨ąą pɔ.»

M̀ɛni-lɛɛi 2:27

ɛlɛɛ, yɛ di tənən dɔɔ a kwɛli hvaɠa, yɛ di hu wolo yɛ ləɠi-kpɛli,