Ɉeremi 18:8 - Yálá laawoo hɛɓɛ (dc)

⁸ Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Yálá laawoo hɛɓɛ

⁸ Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Bible

⁸ à kɛ̀ m̀aa lɔii-ŋuŋ tí a bôlu tɔ̀ɔ m̀ɛni nyɔ́mɔɔi ma, gɛ̀ ní ḿve pâi m̀ɛnii kɛ̂i la é pîlaŋ mai.

Ɉeremi 18:8 Iomraidhean Croise

Kɔlɔnikɔ Veerɛi 12:6

Israɛlə ɲɛ̨itɔwɔnuą da tɔɔmun ni, di pɛlɛ, diɛ diɛ: «Yai-Laa tələnmoɔi.»

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Mąątɛ̨nɛ̨ 135:14

Mąąhɔlɔɓo Yai-Laa, a nwɔ nuąi di wɔ tɛ̨ą mɛ̨nį ɲɛ̨i kulɔ, a nwɔ tínuąi ɲɛ̨imąąwɛli kaa.

Mąątɛ̨nɛ̨ 90:13

Yai-Laa! 'Yali ə́ pulu, ə́ pa ku pɔ! Mįnɛ̨ lɔwai ɓə ə́ wɔ liiholii kaa pai kpɛlai la mą? Ə́ wɔ tínuąi ɲɛ̨imąąwɛli kaa.

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Ɉeremi 12:16

Akɛ da tɔɔ a di nwąnąąi, diɛ di túwɔ́ a nɛlɛɛ yɛ nwɔ́ nuą, diɛ di mąą kwɛli a di woo kwɛlɛɛ a náá, yɛ́ bələi lɔ di nwɔ́ nuą mąą kwɛli la a di woo kwɛlɛɛ Baalə ɓa, diɛ kɛ mą: «A tɛ̨ą Yai-Laa kaa a vulú» da gɛ tii, da di heei hɔlɔɓo nwɔ́ nuą lɔwai.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Ɉeremi 26:13

Yii hu kɛa, ka ka yíi pələ mąąhvalin a nɛlɛɛ, da ka túwɔ́ pələ, ka ka wəli tɔɔ Yai-Laa ka wɔ Yálái woo ɓa. Akɛti, mɛ̨nį ɲąnwąnąąi Yai-Laa ə gili tee gwəi, yɛ kɛ ə naa kaai, gaa pai ɉəɠəi mą.

Ɉeremi 26:19

«Ɉuda tɔɔmun Ezekiasə da nɔi lonnii di mɔ̨ɔ̨ haa? Kɛlɛi yaamun, di Yai-Laa ɓɛlɛ kɛ mą, di tɔɔ a di nwąnąąi, diɛ níilaa. Ɛlɛɛ, mɛ̨nį ɲąąnwąnąąi Yai-Laa aa kɛ naa gwəi yɛ kɛ ə naa diɛ, ə nɛɛ laa. Ya ka tii gu wɛi gu kaa pai gu tɔɔ pələ ɲɔ̨nwɔi kpɔ tɛ̨ɛ̨tɛ̨ɛ̨.»

Ɉeremi 26:3

Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Ɉeremi 42:10

'Ká hvaa mą ka lɛɛ nɔi ŋɛ̨i hu, ŋą́ ka tɔɔ, vá kɛa ka hukala, ŋą́ ka hin, vá kɛa ka kulɔ a ka nwun. Mɛ̨nį ɲąąnwąnąąi ŋą́ naa kaa, ŋą́ bɔ́ɔ́ŋą pɛli.

Izikiɛ 18:21

«Nu ɲɔ̨nwɔ̨ɔ̨ yaan a bulu tɔɔ gɛ nɛ̨ŋɛ̨nŋaa diɛ, yɛ nwɔ́ tiɓoɠaai kəlee pɔ mɛ̨nį kɛ, yɛ hiɛ a ɉaŋaa, a kwəi kwələ laa, mąą nui a lɛɛ yɛnɛ̨ɛ̨, ɉəɠə mąą hvo mą.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 33:12

«Hulɔnu lon, 'mo ə́ wɔ lɔi hu nuą diɛ, yɛ́ diɛ: Ɲələi tələnmomun a kulɔ la nwóó mu, nwɔ tələnmolaai hva kɛa malo; ɛlɛɛ, nu ɲɔ̨nwɔ̨ɔ̨ nwɔ túwɔ pələ ɲɔ̨n va nwun na pili, ɲələi a kpɛla la nwɔ mɛ̨nį ɲɔ̨n gɛɛ ɓa. Ɲələi tələnmomun a nɛ̨ŋɛ̨n ɉəɠə la, nwun mąą hvo pai ɓoi nwɔ tələnmo túwɔ tii tɔlɔɔ ə gɛ, mąą mɛ̨nį ɓa.

Izikiɛ 33:13

Ŋą́ kɛ tələnmomun ma; ə́ kaa pai lɛɛi yɛnɛ̨ɛ̨, a gilitɔɔ nwɔ tələnmolaai tii ɓa yɛ nɛ̨ŋɛ̨n ɉəɠə, dəlimo túwɔi kpɔ wɔlɔ aa gɛ, da lɛ̨ą gəlee ɓa; mąą nu a haa nɛ̨ŋɛ̨n tii ə ɉəɠə mąą mɛ̨nį ɓa.

Izikiɛ 33:14

Ŋą́ kɛ nu ɲɔ̨nwɔ̨ɔ̨ ɓa; ə́ kaa pai haai, ɛlɛɛ, mąą nu a ɲee kulɔ nwɔ nɛ̨ŋɛ̨n hu, yɛ túwɔ a tələnmolaa,

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Zôna 4:2

Ə mo Yai-Laa ɓa, yɛ mą: «Yaai-Laa Kɛlɛi mɛ̨nįi ŋį́ kɛi mo ɓɛlɔwai ŋį́ kɛ la bɔ́ lɔi ya ka ee! Mɛ̨nį ŋį́ ɲɔw mą, ŋį́ laa dɔwɔ, gɛ́ pu, gɛ́ li Tarsisə daai yaa li. Mąąhɔlɔɓo ŋį́ gɔlɔn gɛ́ diɛ: ə́ kaa a Yálá yii a mɛ̨inɛ̨ɛ̨ kɛ, ɲɛ̨imąąwɛli kaa yɛ ɓo ɲəi kɛnɛ̨, hva níiholi ɉa, naahvɛɛi a wɛlikɛmąą hvo bɔ hvo mɛ̨nį nwąnąą laa nu ɓa.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.