Ɉeremi 18:7 - Yálá laawoo hɛɓɛ (dc)

⁷ Akɛ ŋą́ naa gwə́i a yələ ta, gɛ́ kɛ gáá tɔɔmun da nwɔ lɔi hu kalai, ŋą́ pɛli mą, ŋą́ bu, ŋą́ ɉu kala.

Yálá laawoo hɛɓɛ

⁷ Akɛ ŋą́ naa gwə́i a yələ ta, gɛ́ kɛ gáá tɔɔmun da nwɔ lɔi hu kalai, ŋą́ pɛli mą, ŋą́ bu, ŋą́ ɉu kala.

Bible

⁷ À kɛ̀ ŋà mò ńyɛ̃ɛ ŋa pâi lɔii-ŋuŋ da ƃúlenîi, ŋá kâloŋ-laa da su kara,

Ɉeremi 18:7 Iomraidhean Croise

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Ɉeremi 26:3

Gbəli hu, di kaa pai di wəli tɔɔi, diɛ di pulu tinɛ̨n tɛitɛi di wɔ túwɔ́ pələ ɲɔ̨n ɓa, mɛ̨nį ɲąąnwąnąąi gwə́i gɛ́ kɛ ŋį́ naa diɛ, di kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, gɛ́ pɛli nɛɛi laa.

Ɉeremi 31:28

Háá ɓa háá, bələi ŋą́ ɲɛ̨́i ɲɔ̨nwɔ̨ɔ̨ hee la diɛ, gɛ́ di kulɔ a di nwun, gɛ́ di pu, gɛ́ di laa pɛlɛ nɔi ɓa, diɛ lɛɛ a taa kpoloon, gɛ́ di mąąwɛli, gɛ́ mɛ̨nį ɲąąnwąnąą laa diɛ; bələ lɔ ɓə gáá ɲɛ̨́i lɛlɛɛ heei la diɛ, ŋą́ di tɔɔ, ŋą́ di kɔ́wɔ hvilɛn. Ɲą́ą́ Yai-Laa nwóó li!»

Ɉeremi 42:10

'Ká hvaa mą ka lɛɛ nɔi ŋɛ̨i hu, ŋą́ ka tɔɔ, vá kɛa ka hukala, ŋą́ ka hin, vá kɛa ka kulɔ a ka nwun. Mɛ̨nį ɲąąnwąnąąi ŋą́ naa kaa, ŋą́ bɔ́ɔ́ŋą pɛli.

Ɉeremi 45:4

Mɛ̨nįi ə́ kaa lii moi mą, ya ka, yá kɛ mą: «Yai-Laa woo ka, yɛ: ‹Hɛn ŋą́ dɔɔ, ɲą́ą́ ɓə ŋą́ bu. Hɛn ŋą́ ɉin, ɲą́ą́ ɓə ŋą́ gulɔ a nwun; ɛlɛɛ, bələ ɓə ŋą́ gɛ la yɛnɛ̨ɛ̨ nąą kəlee.

Izikiɛ 33:14

Ŋą́ kɛ nu ɲɔ̨nwɔ̨ɔ̨ ɓa; ə́ kaa pai haai, ɛlɛɛ, mąą nu a ɲee kulɔ nwɔ nɛ̨ŋɛ̨n hu, yɛ túwɔ a tələnmolaa,

Danîa 11:4

Ɓɛlɔwai gaa pai nwɔ tɔɔlaai heei la, nwɔ tɔɔlaai tii kaa pai woloi ə taɠa-taɠa yɛnɛ̨ɛ̨ nwono nąąn gəlee hu. Ɉuwuhu mun da hvo pai heei dɔɔ kpəlin ɉu, dɔɔlaa ŋąą a kwɛlɛ nu takpɛliɠaa diɛ, kɛlaa, yiliɠaa di wɔ tɔɔlaa hva həli nwɛi pɔ.

Amɔsə 9:8

Yai-Laa ɲɛ̨i kaa Israɛlə tɔɔmun ɉuwuhu nuą kɛ nɛ̨ŋɛ̨n ma. Yɛ diɛ: Gáá pai di kpɛɛi lɔi mɛ̨i. Kɛlaa, və́ pai Ɉakɔbə huwuhu nuą kəlee laa kpɛɛi lɔi mɛ̨i. Yai-Laa woo li.

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Zôna 3:4

Ɉonasə ə hvóló tɔ̨nɔ̨ hiɛ kɛ daai, yɛ kɛ diɛ: «Aa lɛɛ pulu a hvóló pow-nąąn, Ninivə taa ŋɛ̨i yɛ wolo.»