Ɉeremi 18:21 - Yálá laawoo hɛɓɛ (dc)

²¹ Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Yálá laawoo hɛɓɛ

²¹ Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Bible

²¹ M̀ɛni ma, Yâwɛɛ, ǹɛɛ naa dílônii dí fôa a puru dísaa. Tɔ́ɔ dí lɛ́ɛ kɔ́ su. Tɔ́ɔ nɛ̃yâai, dísinâai da dínîa-pɛlɛɛi dísaa. Tɔ́ɔ kɔlɔ-fela é dísinâai páa, dí yáŋkpa-ŋai dí lɛ́ɛ kɔ́ su.

Ɉeremi 18:21 Iomraidhean Croise

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Mąątɛ̨nɛ̨ 63:10

Kɛlaa, nuąi di hvilɛnŋąą nwɔ́ yɛnɛ̨ɛ̨ pului, da lii, di nwun na ə pili, di yɛɛ lɔi mu kpɔ kwɛaala!

Mąątɛ̨nɛ̨ 63:11

Kɔ́ kɔ́ ɓowa ə tɛɛ di hu, 'di lɛɛ a lɔwɔ-yilɛɠaa kɔ̨nɔ̨n.

Lɛɛ gbɔwɔ ɓa 22:24

«‹Ya kwələ tɔɔ nɔi lon da ɓa, yɛ ɓo a yeehvowolomun, yai ka yaa ka káá ka kee pɔ, hvo kɛ mą: «Tɔ̨nɔ̨ laa mɛ̨i, yɛ́ və.»

Azaya 13:18

Di kaa pai kɛi ɓɔi ɉilɛlɛa hu a di wɔ kilɛnŋąąi, di hvo pai nɛ̨ąą kwəi lon da mąąhvaalɛɛi, di ɲɛ̨iyá hvo di hu, di hvo lɛapɛlɛɛ mąąwɛli kaa la.

Azaya 9:16

Yili ɓɛ gɛi, Yálá hvo pai di wɔ hilɛlɛai mąą hvaalɛɛi, hva di wɔ təlilɛai da di wɔ kalanninŋaai ɲɛ̨imąąwɛli kaa, mąąhɔlɔɓo, di kəlee di hva mɛ̨nį haŋąą kɛ, di hva kulɔ di woo ɓa; nuąi tii kəlee da kɛ woo ɲɔ̨n moi Yálá ɓa, ə mą kɛ tii, Yálá nwɔ liiɲąnwąnąi ni li pɔ, ɲee haŋąą ni di pɔ, yɛ haŋą diɛ.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Ɉeremi 12:3

Kɛlaa Yai-Laa! Ə́ gɔ́lɔn; yá ə́ ɲɛ̨i hee mą́ą́, yɛ́ gwə́i mɛ̨nįɠaa hu kaa; nwɔ́ kiliŋąhiɛ kaa ə́ pɔ. Yii ɓaa nu ɲɔ̨nwɔ̨ɔ̨ɠaa, di tɔɔ a di tee, yɛ ɓɛlaaɠaa di paa mɛ̨nį ɓa. Di kulɔ ku lɔwai, ə́ di tɔɔ a dee, di hukala yələ mąą mɛ̨nį ɓa.

Ɉeremi 14:16

Ə lɛɛ, nuą tii bələɠaa tii ɓoi, di kaa pai kɛi puuni Ɉerusalɛmə gwəliɠaa lɔwai a pulu, da kɔ́ kɔ́ ɓɔwa laa pɔɔ; nu hva hɔlɔɓo, hvo di powa loo, diɛ mąn, di nɛ̨ąni mąn, di lonnii hinąą da di lonnii nɛ̨ąą. Bələ ɓə gáá pai di túwɔ́ hɔn ɲɔ̨n tii yɛɛi la a di nwun.»

Ɉeremi 15:7

Ŋą́ laɠa həɠə daaɠaa hu, nɔi, gɛ́ di hu taɠa taɠa la. Ŋą́ą́ nwɔ́ nuąi kwəi kpala, ŋą́ą́ di lɛɛ a lon nwɛli. Kɛlaa ə mą kɛ tii, di hvo di túwɔ́ pələ mąą hvalin ni.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Ɉeremi 50:30

«Yili mąą mɛ̨nį ɓə gɛi háákələi, nwɔ kɔkulaa laŋąą kaa tooi ɲəi gwəli hąąiɠaa, nwɔ kɔ́kulááɠaa kəlee mɛ̨i aa haa.» Ɲą́ą́ Yai-Laa nwóó li!

Ɉeremi 9:21

Ɉeremi! Yai-Laa woo ka, naa həli; yɛ diɛ: Nu powaɠaa taɠa taɠai nɔi mɛ̨i yɛ tulun bɔlɔ, yɛ mɔ̨nun gɔnŋaa daa kɛi pu mɔ̨nun dee nuą pulu; ə lɛɛ nu hva hɔlɔɓo yɛ di yɛɠɛ.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Woolaa 5:3

Kwaa lɛɛ a təlilɛaa, ku nannii hvo kuɔ ku leeni daa lɛɛ a galanin.

Izikiɛ 16:38

Nɛ̨ąą da wɛli hon diɛ nu ɲąmą pu, pələi da di hutɔɔ la, bələ ɓə gáá pai ə hutɔɔi la. Gáá pai ə́ ɲąmą pui, nį́į́ holi pələ da nwɔ́ tolo kulɔ pələ mąą mɛ̨nį ɓa.

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Amɔsə 4:10

Ną́mu Yai-Laa yɛ nwɔ̨nɔ̨ diɛ: Gwəikulɔ ɲɔ̨n ŋɛ̨i ta ŋį́ bɛlɛ Eziptə nuą diɛ, yili ɲɔ̨nwɔ ma mə ŋį́ hvaa mą, ə pɛlɛ kaa, ŋį́ hvaa mą, ka wɔ hilɛlɛaɠaa di lɛɛ kɔ́ hu, di ka wɔ hooɠaa həɠə a kɔ́ pulu hɛn. Nu powa kun yɛ tɛ ɓɛi ka wɔ kɔlaɠaɠaai di kɛ laa. Kɛlaa, pələi mąn ŋį́ gɛ́ la tii, ka hvo gɛ li, ka hvo pənə, ka hvo pa bɔ́. Yai-Laa woo li.

Dutɛrɔnome 32:25

Da hvilɛn taa pɔ, kɔ́ kɔ́ ɓɔwa ə di lonnii kulɔ di yəi, da lɔ bɛlɛ́n, ɲɔwu aa daa tɔɔlaa. Laŋąlon da halakpɛla di hɔɔ kwɛni a kɛ tɔ̨nɔ̨. Ɲini kpələ lon da hulɔ golo pɔlɔ di haa pələ a kɛ tɔ̨nɔ̨.

Timote veelɛ 4:14

Alɛsandrə, gwɛli-yɔwmun, aa túwɔ́ kpɔ a ɲą́ą́ a ɲɔ̨nwɔ̨ɔ̨, gu Ną́mu Jesus kpinįi kaa pai vɛla kulɔi yɛ pələi dúwɔ́ pələ kaa la.

Samuɛlə dɔlɔɔ 15:33

Samuɛlə yɛ mą: «Bələi ə́ wɔ ɓɔwa kwɛai ə kɛi nɛ̨ąą hvɛɠɛ la a di lonnii, ə́ lee yaa kpɛli, gaa hvɛɠɛi a non.» Samuɛlə ə Agagə nwu dee Yai-Laa lííla Gilgalə daa.