Ɉeremi 18:10 - Yálá laawoo hɛɓɛ (dc)

¹⁰ Kɛlaa da wala di wəli tɔɔ nwóó ɓa, mɛ̨nį ɲɔ̨n nwɛli hvo mą́ą́ diɛ di yee too ɉu, mɛ̨inɛ̨ɛ̨ ŋą́ kɛi pa gɛi diɛ, ŋą́ ɲali bulu.»

Yálá laawoo hɛɓɛ

¹⁰ Kɛlaa da wala di wəli tɔɔ nwóó ɓa, mɛ̨nį ɲɔ̨n nwɛli hvo mą́ą́ diɛ di yee too ɉu, mɛ̨inɛ̨ɛ̨ ŋą́ kɛi pa gɛi diɛ, ŋą́ ɲali bulu.»

Bible

¹⁰ kɛ́lɛ m̀aa lɔii-ŋuŋ tí fé ŋ̀óli tɔɔ ní ŋ́oo ma, gɛ́ mɛni nyɔ́mɔɔ kɛ̀ nɔ́, gɛ̀ ní ḿve m̀ɛni lɛ́lɛɛi kɛ̂i nyii ŋá gbɛ̀tɛ a gɛɛ gɛ́ m̀ii.

Ɉeremi 18:10 Iomraidhean Croise

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Izikiɛ 33:12

«Hulɔnu lon, 'mo ə́ wɔ lɔi hu nuą diɛ, yɛ́ diɛ: Ɲələi tələnmomun a kulɔ la nwóó mu, nwɔ tələnmolaai hva kɛa malo; ɛlɛɛ, nu ɲɔ̨nwɔ̨ɔ̨ nwɔ túwɔ pələ ɲɔ̨n va nwun na pili, ɲələi a kpɛla la nwɔ mɛ̨nį ɲɔ̨n gɛɛ ɓa. Ɲələi tələnmomun a nɛ̨ŋɛ̨n ɉəɠə la, nwun mąą hvo pai ɓoi nwɔ tələnmo túwɔ tii tɔlɔɔ ə gɛ, mąą mɛ̨nį ɓa.

Izikiɛ 33:18

Tələnmomun a bulu tinɛ̨n nwɔ tələnmolaa ɓa, yɛ nɛ̨ŋɛ̨n ɉəɠə, a háá, yili mąą mɛ̨nį ɓa.

Izikiɛ 45:20

Ɲąnin nwɔ hvóló mɛ̨ihveelɛ yələ, da mɛ̨nį tɔ̨nɔ̨i tii ta kɛ lɔ nwɔ̨nɔ̨, nuąi daa nɛ̨ŋɛ̨n ɉəɠə di hvo naa li di kwəi, da yiiɠaai daa nɛ̨ŋɛ̨n ɉəɠə di tɛɠii di mąą mɛ̨nį ɓa. 'Ká bɛlɛ́ mąąhəɠə haláá kulɔ tii.

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Lonon mo 14:22

Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Lonon mo 14:23

Nɔi Ŋį́ naakwɛlanmo di lonnii diɛ, di hvo pai həlii nɔi tii hu. Nuą kpɔ ŋɛ̨i daa tɛɠɛɓo ɉú dɔ̨nɔ̨ kpɛli hva nąą kaa.

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Samuɛlə dɔlɔɔ 13:13

Samuɛlə yɛ Saulə ɓa: «Yáá túwɔ́ yɛ ɓowo mun. Hvo Yai-Laa ə́ wɔ Yálá nwɔ tiɓoi kɛ li, a yai ə naa ə́ nwuɔ̨i, ə li kɛ túwɔ́ tii, Yai-Laa ə li ə́ wɔ tɔɔlaai huwalawala Israɛlə mɛ̨i a yələ kəlee.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.

Samuɛlə dɔlɔɔ 15:35

Samuɛlə hvə kɛa ɲɛ̨i tɔɔ Saulə ɓa, ə lɛɛ la ɉu ə haa. Samuɛlə ə kɛi Saulə mąą wɔlɔ ɓo, mąąhɔlɔɓo, Saulə kɛ mɛ̨nį a Israɛlə tɔɔmun, Yai-Laa aa kɛ nwoo yali bulu.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.