Ɉeremi 17:26 - Yálá laawoo hɛɓɛ (dc)

²⁶ Nąąlɔwai, nuą da həɠə Ɉuda taaɠaa hu, da Ɉerusalɛmə kwɛlɛ taaɠaa, Bɛnɉamɛn nwɔ lɔi hu, ɉɛɠɛɛ pələ nuą, da nuąi heeni ɲeeɠaa hu, da nɛ̨ŋɛ̨ lɔi hu nuą, diɛ pa a haláá taatɛlɛɛɠaa, da haláá hɛn dakpɛliɠaa, da mɛ̨inɛ̨ɛ̨ɠaa, ə mą kɛ, hɛn gun nɛ̨ɛ̨ɠaa, da Yálá mąątɛ̨nɛ̨ haláá Yai-Laa yəi bɛlɛ́n.

Yálá laawoo hɛɓɛ

²⁶ Nąąlɔwai, nuą da həɠə Ɉuda taaɠaa hu, da Ɉerusalɛmə kwɛlɛ taaɠaa, Bɛnɉamɛn nwɔ lɔi hu, ɉɛɠɛɛ pələ nuą, da nuąi heeni ɲeeɠaa hu, da nɛ̨ŋɛ̨ lɔi hu nuą, diɛ pa a haláá taatɛlɛɛɠaa, da haláá hɛn dakpɛliɠaa, da mɛ̨inɛ̨ɛ̨ɠaa, ə mą kɛ, hɛn gun nɛ̨ɛ̨ɠaa, da Yálá mąątɛ̨nɛ̨ haláá Yai-Laa yəi bɛlɛ́n.

Bible

²⁶ Nûa da pâi kulâi daa-ŋai su Zuda, da-ni dí kúla Zerusâlɛŋ kɔlɛ ma kpanaŋ-ŋai lá dípa. Da-ni-ŋa da pâi kulâi Bɛŋsima ŋɔkpîniŋ su, da-ŋa díkula ǹyée pɛlɛ-pɛlɛi ma, da-ŋa díkula ǹyée-kpaya-kpayai ma, gbéli-ŋai díkula séɣai-pere Zuda lɔii su. Da pâi pâi a kéreŋ-sala, mii-sɛŋ-sala, kéreŋ-sɛŋ kúŋ-nɛ̃ɛ, da sɛɣɛ-fei sama-sɛŋ Ŋáɣala-pɛrɛ Kɛ́tɛi mu.

Ɉeremi 17:26 Iomraidhean Croise

Ɛsdrasə 3:11

Di kɛi nwələ too, diɛ di kee woo mu hon, diɛ kɛ mą: mąąwiɛ da kɛnɛ̨ laa kaa Yai-Laa ɓa; Mąąhɔlɔɓo, nwɔ mɛ̨inɛ̨ɛ̨, da nwɔ lii nɛɛ gwəi laa kpon ɉu kwɛaai Israɛlə ɓa. Di kɛi yili ɓo tii, mąąhɔlɔɓo, di kɛi Yai-Laa hee pɛlɛ́ tɔɔ.

Mąątɛ̨nɛ̨ 107:22

Di ɉɛɠɛɛɓo haláá kulɔ kan, di gɛ mɛ̨nįɠaa loloɓo a kwəinɛ̨ɛ̨.

Mąątɛ̨nɛ̨ 116:17

Gáá pai ə́ hɛɠɛɛɓo haláá kulɔi, gɛ́ Yai-Laa təli a naa.

Mąątɛ̨nɛ̨ 66:13

Gáá lɔi ə́ yəi bɛlɛ́n, haláái da gəlee kələn, gɛ́ kulɔ yɛ́ laa, mɛ̨nįɠaai ŋą́ di laakwɛlanmo yɛ́, gɛ́ gəlee pɔ mɛ̨nį kɛ.

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Ɉeremi 33:13

Ɲee hu taaɠaa, da nɛ̨ŋɛ̨ hu taaɠaa, da ɉɛɠɛɛ pələ taaɠaa, Bɛnɉamɛn nwɔ lɔi hu, Ɉerusalɛmə kwɛlɛɠaa da Ɉuda lɔi taaɠaa hu. Ɓɛlaaɠaa kaa nwɔ̨nɔ̨ pai kɛi laa, diɛ tɛɛ, diɛ di lono. Ɲą́ą́ Yai-Laa nwoo li.»

Zakari 7:7

Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,