Ɉeremi 17:24 - Yálá laawoo hɛɓɛ (dc)

²⁴ Yai-Laa yɛ: Káá ŋɛ̨i, ka ka wəli tɔɔ a nɛlɛɛ, ka wala tɛɛ a tiɛ̨ daa ŋɛ̨i gbonŋaa laaləi, ka wala kóló huwui lɔpee da kɛ a mąą yələi, kaa vįitɔɔ yələ mąąhəɠə,

Yálá laawoo hɛɓɛ

²⁴ Yai-Laa yɛ: Káá ŋɛ̨i, ka ka wəli tɔɔ a nɛlɛɛ, ka wala tɛɛ a tiɛ̨ daa ŋɛ̨i gbonŋaa laaləi, ka wala kóló huwui lɔpee da kɛ a mąą yələi, kaa vįitɔɔ yələ mąąhəɠə,

Bible

²⁴ “M̀ó ǹûai ŋí dîa a gɛɛ dí ŋátɔ̂ŋ-ŋai mɛi káa. Dífe kpîri da sìɣe dítɛɛ la ziɣãŋ-ŋai láƃerei a Vii-tɔɔ-ɣelei. Tɔ́ɔ dí Vii-tɔɔ-ɣelei ŋí mɛi káa a fólo maa-waa. M̀ɛni ma dífe tíi da kélee kɛ̀ a ɣelei ŋí.

Ɉeremi 17:24 Iomraidhean Croise

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 20:8

«'Ə́ kili lɛɛ vįitɔɔ yələ hu, Yálá nwɔɔ li.

Azaya 21:7

A kɔ́ kɔ́ wotolo kaa hoo hveelɛ diɛ ɲala, nu ta ə ɓo hoohvaalən mɛ̨i, nu takpɛli ə ɓo ɲɔ̨nwɔmɛ̨ɛ̨ mɛ̨i, ə gɛ kpɔ a nɛlɛɛ, ə nąą mąąkpɛɛ!»

Azaya 55:2

Lə mɛ̨nį ɓa yai ka ka wɔ walii hukala, ɉɛn hvo a kɔ̨nɔ̨n bulu, kaa kóló kɛ ɉɛn hva nu pilɛ bulu? 'Ka ka wəli tɔɔ, ka nwóó mɛ̨n, ɛlɛɛ, kaa pɛli kɔ̨nɔ̨n mįi, kaa pɛli ka lii hon gɔ̨nɔ̨n nɛɛɠaa mįi.

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Zakari 6:15

Nuą kaa pai həɠəi kwɛaa la, diɛ kólo kɛ Yai-Laa hvɛli pɛlɛ́ mu. Yili ɓə ka gbaɠala kaa la, káá kɛ, Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔɔli. Akɛ ká lɛɛ Yai-Laa ka wɔ Yálá woo mu, mɛ̨nį kəlee hu, mɛ̨nįi tii kaa pai kɛi.

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 11:22

Mąąhɔlɔɓo, dɔnŋaa ŋɛ̨i gaa dɛɛi ka pɔ, ka ka yee kɛ mą kpɔ a nelee, a ɲąą pɛliɛ, kaa Yai-Laa ka wɔ Yálái wɛli la kɛ, kaa lɛɛ la nwɔ pələɠaai kəlee mɛ̨i, kaa kanąn mą a woo tɔ̨nɔ̨ laa;