Ɉeremi 17:1 - Yálá laawoo hɛɓɛ (dc)

¹ Nɛ̨ŋɛ̨n Ɉuda aa ɉəɠə; a tɛ̨ą! Bɛ̨ɛ̨i a kwɛli hɛɓɛ́ kpɔw, a wala kɛti a Kúwɔ́-kwɛni hunwɔla. Bɛ̨ɛ̨i di lii hu! Bɛ̨ɛ̨i di wɔ haláá kulɔ kəhi wəli la!

Yálá laawoo hɛɓɛ

¹ Nɛ̨ŋɛ̨n Ɉuda aa ɉəɠə; a tɛ̨ą! Bɛ̨ɛ̨i a kwɛli hɛɓɛ́ kpɔw, a wala kɛti a Kúwɔ́-kwɛni hunwɔla. Bɛ̨ɛ̨i di lii hu! Bɛ̨ɛ̨i di wɔ haláá kulɔ kəhi wəli la!

Bible

¹ Yâwɛɛ è mò ǹyɛɛi, “Zuda-ƃela, da ká sɔnyɔ̂ŋ pɔ̃yɛɛ kákili ŋá a kɔlɔ-pɔ̃yɛɛ-sɛŋ nyíi gáa a kɔli, ǹyíŋ kɛ́ ƃò a dâmaŋ. Dí kásɔnyɔ̂ŋ pɔ̃̀yɛɛ káɣâla-teƃele-ŋai sônɔŋ-su.

Ɉeremi 17:1 Iomraidhean Croise

Hanwon 3:3

Tələnmolaa da mɛ̨nį haŋąą kɛ, 'doo ə́ kwąną, bɛ̨ɛ̨ ə́ lii pɔ.

Hanwon 7:3

'Hvó nɛɛ laa hvo kulɔ ə́ yəi, doo ə́ yee kpiɛ ɓa yɛ gbono, ə́ ganąn ə́ lii pɔ.

Azaya 49:16

Ŋą́ą́ ə́ kanąn ɲeelii hu, ə́ mąą kpɛ hį́iɠaa di ɓo ɲɛ̨́i mu a yələ kəlee.

Ɉeremi 11:13

Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Ɉeremi 2:22

Ə mą kɛ yáá ə́ waa a kpolon kɔ́w, yɛ haahvinɛ lɔ yɛ́ ɓɔlɔɔ-ɓɔlɔɔ, ə́ wɔ túwɔ́ pələ ɲɔ̨n a lɛɛ lɔ yɛ́ ɲɛ̨i mu. Ɲą́ą́ Hɛn Gəlee Nąmu Yai-Laa nwóó li.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Osia 12:11

Gɛ́ pələ ɓo gwəi mɛ̨nį hu kulɔ nuą diɛ, gɛ́ mɛ̨nį tamąą lɛ diɛ a hįį pələ, gɛ́ hanwonŋaa pu gwə́i mɛ̨nį hu kulɔ nuą la diɛ mo.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Osia 8:11

Ɛfraimə aa ɉaláá kulɔiɠaa tamą, nɛ̨ŋɛ̨n ɉəɠə mɛ̨nį ɓa, ɛlɛɛ ɉaláá kulɔiɠaai tii daa kɛ ɲəi a nɛ̨ŋɛ̨n ɉəɠə nwun.

Levetekɔ 4:25

Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.

Zakari 7:12

Di di kili walawala yɛ Kúwɔ́-kwɛni, di hvo pa nəi di mąąkwɛli woo mɛ̨n, di Yai-Laa Mɛ̨nį Kəlee ŋą Hééɓomun wooɠaa pili, yai gwəi mɛ̨nį hukulɔ nuą di naa həli diɛ. Yai-Laa Mɛ̨nį Kəlee ŋą Hééɓomun lii ə holi kpɔ di pɔ kɛnɛ̨.

Korɛntə veelɛ 3:3

Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.